Mrunal Thakur: ఏడుస్తూ పడుకున్న రోజులున్నాయి… ఆ హీరో వల్లే మారాను.. మృణాల్ ఠాకూర్ షాకింగ్ వ్యాఖ్యలు..!

Mrunal Thakur: స్టార్ హీరోయిన్ మృణాల్ ఠాకూర్ తాజాగా తన జీవితంలో ఎదుర్కొన్న బాడీ షేమింగ్ అనుభవాల గురించి మాట్లాడారు. అందమైన సినిమాల ప్రయాణం వెనుక ఆమె ఎదుర్కొన్న మానసిక పోరాటం గురించి చెప్పిన మాటలు ఇప్పుడు చాలా మందిని ఆలోచింపజేస్తున్నాయి. ముఖ్యంగా సోషల్ మీడియాలో వచ్చే నెగటివ్ కామెంట్స్ తనను ఎంతగా బాధించాయో ఆమె ఓపెన్‌గా వెల్లడించారు.

మృణాల్ మాట్లాడుతూ, ఒక సమయంలో తన శరీరంపై వచ్చే విమర్శలు తన ఆత్మవిశ్వాసాన్ని పూర్తిగా తగ్గించేశాయని అన్నారు. రోజంతా బలంగా కనిపించినా, రాత్రి పడుకునే ముందు మాత్రం కన్నీళ్లు ఆపుకోలేకపోయేదాన్నని చెప్పారు. కొన్ని రోజులు నిద్రలేని రాత్రులు గడిచాయని, ఉదయం లేవగానే కళ్లంతా ఉబ్బిపోయేవని గుర్తు చేసుకున్నారు. అయినా కూడా తనను తానే ధైర్యం చెప్పుకుంటూ ముందుకు సాగాలని ప్రయత్నించానని తెలిపారు.

ఇతర హీరోయిన్లతో తనను తాను పోల్చుకోవడం వల్ల లోపల ఎన్నో సందేహాలు మొదలయ్యాయని మృణాల్ చెప్పారు. ఒక నిర్దిష్ట ఆకారంలో ఉండాలనే ఒత్తిడి తనపై బాగా ఉండేదని అన్నారు. అయితే ఈ ఆలోచనలన్నీ ఒక చిన్న సంఘటనతో మారిపోయాయని వెల్లడించారు. ఒక చిన్న ఫ్యాన్ తనను చూసి “మీరు ఇలా ఉన్నట్టే చాలా బాగున్నారు” అని చెప్పిన మాటలు తన మనసును తాకాయని చెప్పారు. అప్పుడే తనలోని ప్రత్యేకతను తానే మరిచిపోతున్నానని అర్థమైందన్నారు.

ఈ ప్రయాణంలో తనకు బలంగా నిలిచిన వ్యక్తి బాలీవుడ్ హీరో అక్షయ్ కుమార్ అని మృణాల్ తెలిపారు. ఆయన ఇచ్చిన సలహా తన జీవితాన్ని మార్చేసిందని చెప్పారు. “నిన్ను నువ్వుగా అంగీకరించు. ఇతరుల మాటల కోసం మారాల్సిన అవసరం లేదు. ఒక పాత్ర కోసం అవసరమైతే మాత్రమే మార్పు చేయాలి” అని అక్షయ్ చెప్పిన మాటలు తనకు చాలా ధైర్యాన్ని ఇచ్చాయని తెలిపారు.

ఈ సలహాతో తన ఆలోచనల్లో పెద్ద మార్పు వచ్చిందని మృణాల్ చెప్పారు. ఇతరులు ఏమనుకుంటారో కంటే తన ఆరోగ్యం, సంతోషమే ముఖ్యమని అర్థమైందన్నారు. ఇప్పుడు సెల్ఫ్ అక్సెప్టెన్స్ ఎంత అవసరమో తెలుసుకుని, తనకు నచ్చిన విధంగా జీవిస్తున్నానని తెలిపారు.

ALSO READ: HBD Nani : బర్త్ డే స్పెషల్.. నానికి క్రేజ్ తెచ్చిపెట్టిన సినిమాలు ఇవే..