MSVPG Pre Release: మన శంకర వరప్రసాద్ గారు నుంచి ‘హుక్ స్టెప్స్ ‘ సాంగ్ రిలీజ్

MSVPG Pre Release: చిరంజీవి హీరోగా అనిల్ రావిపూడి దర్శకత్వంలో నటించిన తాజా చిత్రం మన శంకర వరప్రసాద్ గారు(MSVPG). ఈ సినిమా సంక్రాంతి పండుగను పురస్కరించుకొని జనవరి 12వ తేదీ ప్రేక్షకుల ముందుకు రాబోతోంది. ఈ నేపథ్యంలోనే పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. తాజాగా ఈ సినిమా ప్రీ రిలీజ్ వేడుకను నిర్వహిస్తున్నారు. ఈ కార్యక్రమం హైదరాబాదులో శిల్పకళ వేదికలో జరుగుతుంది .ఇక ఈ కార్యక్రమంలో భాగంగా మెగాస్టార్ చిరంజీవితో పాటు మరొక హీరో వెంకటేష్ (Venkatesh)కూడా హాజరై సందడి చేశారు. ఇక ఈ కార్యక్రమంలో చిత్రబృందం మొత్తం పాల్గొని సందడి చేశారు.

హుక్ స్టెప్స్ సాంగ్ రిలీజ్..

మన శంకర వరప్రసాద్ గారి నుంచి ఇప్పటివరకు మూడు పాటలను విడుదల చేయగా ఈ పాటలన్నీ కూడా ఎంతో మంచి ఆదరణ సొంతం చేసుకున్నాయి తాజాగా ఈ ప్రీ రిలీజ్ వేడుకలో మరొక పాటను విడుదల చేశారు. ‘ హుక్ స్టెప్స్ ‘ (Hook Steps)అంటూ సాగిపోయే పాటను విడుదల చేశారు. ఇక ఈ పాటను విక్టరీ వెంకటేష్ చేతుల మీదుగా విడుదల చేశారు. ఇక ఈ పాటకు కొరియోగ్రఫీ అందించిన సందీప్ మాస్టర్ వేదికపై పెర్ఫార్మెన్స్ చేశారు. ఇక ఈ పాటకు ఈ కార్యక్రమంలో భాగంగా వెంకటేష్ అనిల్ రావిపూడి కూడా స్టెప్పులు వేస్తూ అందరిని ఎంటర్టైన్ చేశారు.

ఎమోషనల్ అయిన సందీప్ మాస్టర్..

ఇలా ఈ కార్యక్రమంలో భాగంగా హుక్ స్టెప్స్ పాటను విడుదల చేయడంతో అభిమానులు ఎంతో సంతోషం వ్యక్తం చేస్తున్నారు. ప్రస్తుతం ఈ పాట సోషల్ మీడియాలో వైరల్ అవుతుంది. ఇక ఈ పాటకు కొరియోగ్రఫీ అందించిన సందీప్ మాస్టర్ మాట్లాడుతూ కాస్త ఎమోషనల్ అయ్యారు. చిరంజీవి గారితో పని చేయడం అనేది నా కల అని, నాకు ఈ అవకాశాన్ని ఇచ్చిన చిరంజీవి గారికి, అనిల్ రావిపుడికి జీవితాంతం రుణపడి ఉంటాను అంటూ ఈయన వేదికపైనే కన్నీళ్లు పెట్టుకున్నారు. ఇక ఇప్పటికే ఈ సినిమా నుంచి శశిరేఖ, మీసాల పిల్ల, మెగా విక్టరీ మాస్ సాంగ్ రిలీజ్ అయిన సంగతి తెలిసిందే.

ఇక తాజాగా హుక్స్ స్టెప్స్ అటు సాగిపోయే ఈ పాటను విడుదల చేశారు. ఇక ఈ సినిమా విషయానికొస్తే ఫ్యామిలీ ఎంటర్టైనర్ గా ఈ సినిమా ప్రేక్షకుల ముందుకు రాబోతుందని తెలుస్తోంది. ఇప్పటికే సినిమా నుంచి విడుదల చేసిన అప్డేట్స్ సినిమా పట్ల మంచి అంచనాలను పెంచేశాయి. ఈ సినిమాలో చిరంజీవికి జోడిగా నయనతార శశిరేఖ పాత్రలో కనిపించబోతున్న సంగతి తెలిసిందే. శశిరేఖతోపాటు మరొక హీరోయిన్ కేథరిన్ కూడా ఈ సినిమాలో కనిపించనున్నారు. ఇక ఈ సినిమాలో చిరంజీవి NIA అధికారిగా కనిపించబోతున్నారు. ఇక ఇటీవల ఈ సినిమా నుంచి విడుదల చేసిన ట్రైలర్ వీడియో కూడా సినిమా పట్ల మంచి అంచనాలను పెంచింది. ఇలా ప్రమోషనల్ అప్డేట్ చూస్తుంటే కచ్చితంగా చిరంజీవి సంక్రాంతి బ్లాక్ బస్టర్ హిట్ అందుకోబోతున్నారని చెప్పాలి.

Also Read: Tamannaah Bhatia: నిమిషానికి కోటి .. నిర్మాతలకు చుక్కలు చూపిస్తున్న నటి!