Nari Nari Naduma Murari: సంక్రాంతి పండుగ సందర్భంగా తెలుగు చిత్ర పరిశ్రమ నుంచి ఎన్నో సినిమాలు ప్రేక్షకుల ముందుకు వస్తున్న సంగతి తెలిసిందే. సంక్రాంతి బరిలో టాలీవుడ్ యంగ్ హీరో శర్వానంద్(Sharwanand) సైతం నారీ నారీ నడుమ మురారి (Nari Nari Naduma Murari)అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా జనవరి 15వ తేదీ ప్రేక్షకుల ముందుకు రాబోతోంది. ఈ నేపథ్లోనే పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా చిత్ర బృందం ఇటీవల ప్రెస్ మీట్ కార్యక్రమాన్ని నిర్వహించారు.
ఈ ప్రెస్ మీట్ కార్యక్రమంలో భాగంగా నిర్మాత అనిల్ సుంకరకు మీడియా వారి నుంచి ఊహించని ప్రశ్న ఎదురయింది. ఈ సినిమా జనవరి 15వ తేదీ విడుదల కాబోతున్న నేపథ్యంలో జనవరి 14వ తేదీన ఈ సినిమా ప్రీమియర్లు ప్రసారం కాబోతున్నాయి. ఇక జనవరి 14వ తేదీ 5:49 నిమిషాలకు షో పడనుంది. ఇలా 5:49 నిమిషాలకు సరిగ్గా ఈ సినిమా విడుదల కాబోతున్న నేపథ్యంలో ఆ సమయమే ఎందుకు అనే ప్రశ్న ఎదురైంది. ఈ ప్రశ్నకు అనిల్ సుంకర సమాధానం చెబుతూ నిజానికి ఈ సినిమా జనవరి 15వ తేదీన విడుదల చేయాలి అనుకున్నాం కాకపోతే మా ఇంట్లో వాళ్ళు ఇచ్చిన కొన్ని సలహాల వల్ల 14వ తేదీ సాయంత్రం 5:49 నిమిషాలకు విడుదల కాబోతుందని తెలిపారు.
14వ తేదీ సాయంత్రం 6 గంటల వరకు ఏకాదశి గడియలు ఉన్నాయి. సరిగా 6 గంటలకు సినిమాని విడుదల చేయాలి అనుకుంటే సినిమా ప్రారంభం అయ్యేసరికి ఆరు దాటిపోతుంది అందుకనే 5:49 నిమిషాలకు ఈ సినిమాని విడుదల చేయబోతున్నాము అంటూ ఈ సమయం వెనుక ఉన్న కారణాన్ని అనిల్ సుంకర తెలియచేయడంతో అందరూ ఆశ్చర్యపోతున్నారు. అనిల్ సుంకర కూడా ఇలాంటి వాటిని నమ్ముతారా? శుభ ఘడియలలో శర్వానంద్ సినిమా విడుదల కాబోతోంది మరి ఈ సినిమా ఎలాంటి సక్సెస్ అందుకుంటుందో తెలియాల్సి ఉంది.
నిరాశ పరుస్తున్న శర్వానంద్ సినిమాలు…
ఇక ఇటీవల కాలంలో శర్వానంద్ వరుస సినిమాల ద్వారా ప్రేక్షకుల ముందుకు వస్తున్న ఏ సినిమాలో కూడా పెద్దగా ప్రేక్షకులను ఆకట్టుకోలేకపోతున్నాయి మరోవైపు నిర్మాత అనిల్ సుంకరకు కూడా వరుస సినిమాలు నిరాశనే మిగిలిస్తున్న ఈ నేపథ్యంలోనే వీరిద్దరూ నారీ నారీ నడుమ మురారి పైనే ఆశలు పెట్టుకున్నారు. ఇక ఈ సినిమా మాజీ ప్రేయసి ప్రస్తుత ప్రేయసి మధ్య నలిగిపోయే ప్రియుడి కథ నేపథ్యంలో ప్రేక్షకుల ముందుకు రాబోతుంది. ఈ సినిమాలో శర్వానంద్ జోడిగా సంయుక్త మీనన్, సాక్షి వైద్య నటించిన సంగతి తెలిసిందే. ఇప్పటివరకు సినిమా నుంచి విడుదల చేసిన అప్డేట్స్ మంచి అంచనాలనే పెంచేసాయి. మరి 15వ తేదీ విడుదల కాబోతున్న ఈ సినిమా ఎలాంటి విజయాన్ని అందుకుంటుందో తెలియాల్సి ఉంది.
Also Read: Allu Arjun: జపాన్ లో అడుగుపెట్టిన పుష్పరాజ్..ఇక రప్పా రప్పానే!
Share
General Upendra Dwivedi: పాక్ పొరపాటు చేసి ఉంటే భూతల దాడులు చేసేవాళ్లం: ఆపరేషన్ సింధూర్పై ఆర్మీ చీఫ్ సంచలన వ్యాఖ్యలు!
Mana Shankar Vara Prasad Garu: ఒక్క రోజు తేడా.. మెగాస్టార్ సినిమాకు భారీ నష్టం..ఏకంగా 100 కోట్లు మిస్!
