Pawan Kalyan Creative Works: పవర్ స్టార్ పవన్ కల్యాణ్ పేరు వినిపిస్తే చాలు.. సోషల్ మీడియాలో పెద్ద ఎత్తున.. హంగామా మొదలయిపోతుంది. ఈ క్రమంలో..తాజాగా పవన్ కల్యాణ్ ప్రొడక్షన్ హౌస్ పవన్ కల్యాణ్ క్రియేటివ్ వర్క్స్ అధికారికంగా ఒక కొత్త ట్విట్టర్.. పేజీని ప్రారంభించింది. ఇక ఈ పేజీ లాంచ్ అయిన వెంటనే..పవన్ అభిమానులు భారీ సంఖ్యలో ఫాలో అవుతూ.. షేర్ చేస్తూ ట్రెండ్ చేస్తున్నారు.
ఇంతకుముందు..పవన్ కల్యాణ్ క్రియేటివ్ వర్క్స్.. నార్త్ స్టార్ ఎంటర్టైన్మెంట్ వంటి ఇతర బ్యానర్లతో కలిసి పలు సినిమాలకు.. సహకరించింది. అయితే ఇప్పుడు.. స్వంతంగా అధికారిక సోషల్ మీడియా పేజీ ప్రారంభించడంతో..ఇక రాబోయే ప్రాజెక్టులకు సంబంధించిన అప్డేట్స్.. అన్నీ ఇక్కడే వస్తాయని అభిమానులు తెగ ఆసక్తిగా ఎదురుచూస్తున్నారు.
ఇదిలా ఉండగా.. పవన్ కల్యాణ్ ప్రస్తుతం సినిమాలతో పాటు రాజకీయ బాధ్యతల్లో కూడా బిజీగా ఉన్నారు. ఆయన ఆంధ్రప్రదేశ్ రాష్ట్రానికి ఉప ముఖ్యమంత్రిగా పని చేస్తూనే..మరోపక్క.. తన తాజా సినిమా ఉస్తాద్ భగత్ సింగ్ షూటింగ్ను పూర్తి చేసే పనిలో కూడా ఉన్నారు. ఈ సినిమా ఈ సమ్మర్లో థియేటర్లలో విడుదల కానుందని.. నిర్మాతలు ఈ మధ్యనే వెల్లడించారు.
ఈ చిత్రానికి దర్శకుడు హరీష్ శంకర్ దర్శకత్వం.. వహిస్తున్నారు. గతంలో పవన్ కల్యాణ్తో కలిసి చేసిన గబ్బర్ సింగ్ సినిమా బ్లాక్బస్టర్ కావడంతో.. ఈ కాంబినేషన్పై భారీ అంచనాలు ఉన్నాయి. ఫస్ట్ సింగిల్ లాంచ్ సందర్భంగా హరీష్ శంకర్ మాట్లాడుతూ..ఉస్తాద్ భగత్ సింగ్.. రీమేక్ కాదని.. లవ్ స్టోరీ కూడా కాదని స్పష్టంగా చెప్పారు. ఇది పూర్తిగా మాస్ ప్రేక్షకుల కోసం రూపొందించిన యాక్షన్ ఎంటర్టైనర్.. అని తెలిపారు.
సినిమా ఆలస్యం గురించి వస్తున్న వదంతులపై కూడా ఆయన క్లారిటీ ఇచ్చారు. ఆలస్యం తన నిర్ణయాల వల్లే జరిగిందని.. పవన్ కల్యాణ్ కారణం.. కాదని అన్నారు. పవన్ కల్యాణ్ రోజుకు 18 గంటలకు పైగా పనిచేసి షూటింగ్ను వేగంగా పూర్తి చేశారని.. ప్రశంసించారు. మంగళగిరిలో క్యాబినెట్ మీటింగ్స్కు హాజరై.. తిరిగి హైదరాబాద్ వచ్చి రాత్రివేళల వరకు షూటింగ్ చేయడం ఆయన అంకితభావానికి ఉదాహరణగా హరీష్ శంకర్ పేర్కొన్నారు.
ఇక..న్యూ ఇయర్ డే ముందురోజున..చిత్ర బృందం పవర్ స్టార్ పవన్ కల్యాణ్ మోషన్ పోస్టర్ను విడుదల చేసింది. ఈ పోస్టర్ ప్రస్తుతం ఇంటర్నెట్లో దుమ్ము లేపుతోంది. ఎరుపు రంగు షర్ట్కు డెనిమ్ ప్యాంట్ వేసుకున్న పవన్ కల్యాణ్.. స్టైలిష్ లుక్తో అదిరిపోయే స్వాగ్ను చూపించారు. ఒక చేతిలో పొడవైన గన్.. మరో చేతిలో రేడియో పట్టుకుని కనిపించిన ఈ అవతార్ అభిమానులను గబ్బర్ సింగ్ రోజుల్ని గుర్తు చేస్తోంది. పవన్ కల్యాణ్కు ప్రత్యేకమైన స్టైల్..బాడీ లాంగ్వేజ్ ఈ పోస్టర్లో స్పష్టంగా కనిపిస్తూ..మాస్ ప్రేక్షకులకు ఇది పెద్ద ట్రీట్గా మారనుందని అంచనాలు పెంచింది.
ఇప్పటికే విడుదలైన ఫస్ట్ సింగిల్ దేఖేంగే సాలా.. ప్రేక్షకుల నుంచి మంచి స్పందన తెచ్చుకుంది. ఈ సినిమా 2026 సమ్మర్లో థియేటర్లలో విడుదలకు సిద్ధమవుతుండగా..పవన్ కల్యాణ్ అభిమానుల్లో అంచనాలు మరింత పెరుగుతున్నాయి.
ALSO READ: Prabhas Phone Number: రిధి కుమార్ ఫోన్లో ప్రభాస్ పేరు ఏమని సేవ్ చేసిందో తెలుసా..?
Share
ONGC Gas Leak: ఇరుసుమండ ఓఎన్జీసీ సైట్ లో భారీగా గ్యాస్ లీక్.. ఎగిసిపడుతున్న మంటలు
KCR : అగ్గిరాజేసి చలికాచుకుంటున్న కేసీఆర్!
