ONGC Gas Leak: ఇరుసుమండ ఓఎన్‌జీసీ సైట్ లో భారీగా గ్యాస్ లీక్.. ఎగిసిపడుతున్న మంటలు

ONGC Gas Leak: అంబేడ్కర్ కోనసీమ జిల్లాలోని ఓఎన్జీసీ డ్రిల్ సైట్ లో భారీగా గ్యాస్ లీకై మంటలు ఎగిసిపడుతున్నాయి. మలికిపురం మండలం ఇరుసుమండలో సుమారు రెండు గంటలుగా గ్యాస్ లీకై.. మంటలు చెలరేగాయి. సమాచారం అందుకున్న తహసీల్దార్ ఘటన స్థలాన్ని చేరుకుని పరిశీలించారు. గ్యాస్ లీకేజీపై ఓఎన్‌జీసీ అధికారులకు సమాచారం అందించారు. ఓఎన్జీసీ డ్రిల్ సైట్ లో భారీగా మంటలు ఎగిసిపడుతుండడంతో స్థానికులు భయాందోళనకు గురవుతున్నారు. ఓఎన్జీసీ సాంకేతిక నిపుణులు ఘటనాస్థలికి చేరుకున్నట్లు తెలుస్తోంది.

రాజోలు నియోజకవర్గం, ఇరుసుమండ గ్రామంలో ప్రమాదకరమైన రీతిలో ONGC గ్యాస్ లీక్ …దేవుడా ఎలాంటి ప్రమాదం రానివ్వకుండా చూడు🙏🙏🙏#Razole #ONGC pic.twitter.com/XOUBjWd6LN

— Uppalapati Ramvarma (@Ramvarma2025) January 5, 2026

Also Read: రైల్వే స్టేషన్‌లో ఎగిసి పడుతున్న మంటలు.. 400 వాహనాలు దగ్ధం

ఇరుసుమండలో సోమవారం మధ్యాహ్నం గ్యాస్‌ లీకై ఒక్కసారి మంటలు వ్యాపించారు. దీంతో ONGC సిబ్బంది బయటకు పరుగులు పెట్టారు. గ్యాస్‌ వ్యాపిస్తుండటంతో గ్రామస్థులు భయాందోళన చెందుతున్నారు. అంతకంతకూ మంటలు ఎగిసిపడుతున్నాయి. ONGC బావి నుంచి గ్యాస్ లీక్‌ అవుతున్నట్లు స్థానికులు చెబుతున్నారు. దీంతో అధికారులు సమీప ప్రాంత ప్రజలను ఖాళీ చేస్తున్నారు. లక్కవరం కల్యాణమండపానికి 300 కుటుంబాలు తరలిస్తున్నట్లు సమాచారం.