Peddi: లేటెస్ట్ అప్డేట్.. విలేజ్ డ్రామాకి క్లాసిక్ టచ్ తోడైతే?

Peddi:ప్రముఖ హీరో రామ్ చరణ్.. రాజమౌళి దర్శకత్వంలో వచ్చిన ఆర్ఆర్ఆర్ సినిమాతో ఏకంగా గ్లోబల్ స్టార్ గా మారిపోయారు. అయితే ఈ మధ్య ఆ ట్యాగ్ ను ఆయన తొలగించినా.. తన నటనతో మాత్రం అందరిని మెప్పిస్తున్నారు. ప్రస్తుతం బుచ్చిబాబు సనా దర్శకత్వంలో చేస్తున్న చిత్రం పెద్ది. భారీ అంచనాల మధ్య విలేజ్ బ్యాక్ డ్రాప్ లో వస్తున్న ఈ సినిమా.. వచ్చే ఏడాది మార్చ్ 27న రామ్ చరణ్ పుట్టినరోజు సందర్భంగా విడుదల కాబోతోంది. ఇందులో బాలీవుడ్ బ్యూటీ జాన్వీ కపూర్ హీరోయిన్గా నటిస్తోంది. ఆస్కార్ అవార్డు గ్రహీత ఏఆర్ రెహమాన్ ఈ చిత్రానికి సంగీతాన్ని అందిస్తున్నారు. ఇకపోతే ఇప్పటికే ఈ సినిమా నుండి విడుదల చేసిన “చికిరి చికిరి” సాంగ్ యూట్యూబ్ లో ఏ రేంజ్ లో ట్రెండ్ క్రియేట్ చేసిందో అందరికీ తెలిసిందే.

పెద్ది నుండీ లేటెస్ట్ అప్డేట్..

ఇకపోతే ఇటీవలే ఈ సినిమా ఢిల్లీలో క్లైమాక్స్ షూటింగ్ కూడా పూర్తి చేసుకుంది. అలాంటి ఈ సినిమా నుంచి మరో లేటెస్ట్ అప్డేట్ అభిమానులలో ఆసక్తిని కలిగిస్తోంది.తాజాగా అందుతున్న సమాచారం ప్రకారం.. ఈ సినిమా తదుపరి షెడ్యూల్లో రామ్ చరణ్ , జాన్వీ కపూర్ పై ఒక అతిపెద్ద సాంగ్ షూట్ చేయాలని చిత్ర బృందం ప్లాన్ చేస్తోంది. ఈ పాటలో రామ్ చరణ్ మరోసారి తన గ్రేస్ స్టెప్పులతో అదరగొట్టబోతుండగా.. జాన్వీ కపూర్ గ్లామర్ స్పెషల్ అట్రాక్షన్ గా నిలవనుంది అని సమాచారం. ముఖ్యంగా ఆస్కార్ విజేత ఏఆర్ రెహమాన్ అందిస్తున్న మ్యూజిక్.. ఈ సినిమాకు ఒక సెన్సేషన్ అవుతుందని అభిమానులు కూడా ఆశిస్తున్నారు.

ALSO READ:Sobhita Dhulipala: అక్కినేని కోడల్ని మెప్పించిన లేటెస్ట్ మూవీ.. రికార్డ్స్ అదుర్స్!

సినిమాపై భారీ అంచనాలు..

ఎందుకంటే బుచ్చిబాబు మార్కు విలేజ్ డ్రామా కి ఏ ఆర్ రెహమాన్ క్లాసిక్ టచ్ తోడైతే రిజల్ట్ ఎలా ఉంటుందో ఊహించుకోవచ్చు అని.. గా అందుకే ఈ పాట సినిమాకే హైలైట్ గా ఉండబోతుందని కామెంట్లు వినిపిస్తున్నాయి. అంతేకాదు రామ్ చరణ్ పాత్ర గత చిత్రాల కంటే చాలా భిన్నంగా ఉంటుందని కూడా చిత్రవర్గాలు చెబుతున్నాయి మరి ఎన్నో అంచనాల మధ్య వస్తున్న ఈ సినిమా రామ్ చరణ్ కు ఎలాంటి విజయాన్ని అందిస్తుందో చూడాలి. ఈ సినిమాలో జగపతిబాబు, శివరాజ్ కుమార్ లాంటి నటీనటులు కీలక పాత్రలు పోషిస్తున్నారు. మైత్రి మూవీ మేకర్స్ ఈ చిత్రాన్ని భారీ బడ్జెట్ తో తెరకెక్కిస్తోంది. రామ్ చరణ్ తదుపరి చిత్రాల విషయానికి వస్తే గతంలో సుకుమార్ తో రంగస్థలం సినిమా చేసి భారీ విజయాన్ని అందుకున్నారు. ఇప్పుడు ఈ సినిమా సీక్వెల్ రాబోతోంది ఇప్పటికే ఈ సినిమా ప్రీ ప్రొడక్షన్ పనులు కూడా మొదలుపెట్టినట్లు సమాచారం.