బాబాయ్ రికార్డులకు ఎసరు పెట్టిన అబ్బాయ్.. ప్రీమియర్ ‘షో’ చూపించేశాడు!

Peddi Premier Record: గ్లోబల్ స్టార్ రామ్ చరణ్, డైరెక్టర్ బుచ్చిబాబు సానా కాంబినేషన్‌లో వచ్చిన మోస్ట్ అవేటెడ్ మూవీ ‘పెద్ది’ బాక్సాఫీస్ వద్ద మునుపెన్నడూ లేని విధంగా మాస్ విధ్వంసం సృష్టిస్తోంది. రిలీజ్‌కు ముందే భారీ అంచనాలు క్రియేట్ చేసిన ఈ చిత్రం, ఇప్పుడు ప్రీమియర్ షోల కలెక్షన్లతోనే టాలీవుడ్ సరికొత్త చరిత్ర లిఖించింది. కేవలం ప్రీమియర్ షోల ద్వారానే ఈ సినిమా ఏకంగా రూ. 21.87 కోట్ల గ్రాస్ వసూలు చేసి, ఆల్-టైమ్ హైయెస్ట్ ప్రీమియర్ గ్రాసర్‌గా రికార్డుల రారాజుగా నిలిచింది.

ఈ దెబ్బతో ఇప్పటివరకు టాలీవుడ్‌లో అత్యధిక ప్రీమియర్ షో కలెక్షన్లు సాధించిన పవర్ స్టార్ పవన్ కళ్యాణ్ ‘OG’ (రూ. 20.79 కోట్లు) రికార్డును రామ్ చరణ్ బద్దలు కొట్టాడు. బాబాయ్ పేరిట ఉన్న ఆల్-టైమ్ రికార్డును అబ్బాయి క్లీన్ స్వీప్ చేయడంతో మెగా అభిమానుల ఆనందానికి అవధులు లేకుండా పోయాయి. ప్రస్తుతం టాలీవుడ్ టాప్ ప్రీమియర్ గ్రాసర్స్ లిస్ట్‌లో ‘పెద్ది’ మొదటి స్థానంలో నిలవగా.. ఆ తర్వాత వరుసగా OG (రూ. 20.79 కోట్లు), పుష్ప 2 (రూ. 14.55 కోట్లు), హరిహర వీరమల్లు (రూ. 11.45 కోట్లు), ది రాజా సాబ్ (రూ. 10.78 కోట్లు) తర్వాతి స్థానాల్లో ఉన్నాయి.

ఈ చిత్రంలో రామ్ చరణ్ ఊరమాస్ పర్ఫార్మెన్స్, బుచ్చిబాబు ఎమోషనల్ టేకింగ్‌కు ఆడియన్స్ ఫిదా అయిపోతున్నారు. ఆంధ్రప్రదేశ్, తెలంగాణలతో పాటు ఓవర్సీస్‌లోనూ ‘పెద్ది’ సునామీ సృష్టిస్తుండటంతో, మొదటి రోజే ఈ చిత్రం ప్రపంచవ్యాప్తంగా వంద కోట్ల క్లబ్‌లో చేరడం ఖాయంగా కనిపిస్తోంది. ‘ఆర్ఆర్ఆర్’ తర్వాత రామ్ చరణ్ బాక్సాఫీస్ స్టామినాను ఈ కలెక్షన్లు మరోసారి నిరూపించాయి. ఇప్పటికే ఈ సినిమా నుంచి పాజిటివ్ టాక్ రావడంతో బుకింగ్స్ జోరుగా సాగుతున్నాయి. రానున్న రోజుల్లో ఇంకెన్ని రికార్డులు బద్దలు గొడుతుందో చూడాలి మరి.