Prabhas: మంచి చేసి తిట్లు తింటున్న ప్రభాస్..అందుకే రూట్ చేంజ్ ..!

Prabhas: టాలీవుడ్‌లో ఉన్న స్టార్ హీరోల్లో.. చిన్న దర్శకులకు ఎక్కువగా అవకాశాలు ఇస్తూ వస్తున్న హీరోల్లో ప్రభాస్ ముందుంటారు. పెద్ద దర్శకులకే కాదు, కొత్తగా పేరు తెచ్చుకుంటున్న లేదా సాధారణ దర్శకులకూ ఆయన ఛాన్స్ ఇచ్చారు. అయితే ఇప్పుడు పరిస్థితి మారుతోందనే చర్చ ఇండస్ట్రీలో వినిపిస్తోంది.

ప్రభాస్ తన కెరీర్‌లో కొత్త ఆలోచనలతో వచ్చే దర్శకులను నమ్మి సినిమాలు చేశారు. ఉదాహరణకు సుజీత్‌కు అవకాశం ఇచ్చి ‘సాహో’ చేశారు. ఆ సినిమా భారీ అంచనాలతో వచ్చినా బాక్సాఫీస్ వద్ద ఆశించిన ఫలితం ఇవ్వలేకపోయింది. తర్వాత ఓం రౌత్‌తో ‘ఆదిపురుష్’ చేశారు. అది కూడా విడుదల తర్వాత విమర్శలు, ట్రోల్స్ ఎదుర్కొంది. మారుతితో చేసిన ‘రాజా సాబ్’ ప్రాజెక్ట్ కూడా అనుకున్న స్థాయిలో సక్సెస్ కాలేదనే అభిప్రాయం ఉంది.

ప్రభాస్ తన సినిమాల కోసం ఎక్కువ డేట్స్ ఇస్తారు. నిర్మాతలు, దర్శకులు చెప్పినట్లుగా షెడ్యూల్స్‌కు సహకరిస్తారు. కానీ ఇచ్చిన డేట్స్‌ను సరిగ్గా ఉపయోగించుకోవడంలో కొంతమంది దర్శకులు విఫలమవుతున్నారనే మాట వినిపిస్తోంది. డేట్స్ ఇచ్చినా కూడా విమర్శలు ప్రభాస్‌కే వస్తున్నాయి. సినిమా ఫలితం బాగా రాకపోతే బాధ్యత మొత్తం హీరో మీద పడుతోంది.

అయిదుగురు సాధారణ దర్శకులకు అవకాశం ఇస్తే అందులో ఒకరు మాత్రమే ఆ అవకాశాన్ని సరిగా ఉపయోగించుకున్నారని అభిమానులు అంటున్నారు. మిగతా సినిమాలు ఆశించిన ఫలితాన్ని ఇవ్వకపోవడంతో ప్రభాస్ కూడా ఆలోచనలో పడ్డారట. ముఖ్యంగా పీరియాడిక్ లేదా ఫాంటసీ సినిమాలు చేయాలంటే VFX మీద మంచి అనుభవం ఉన్న దర్శకులు అవసరం. ఆ అనుభవం లేని దర్శకులతో పెద్ద ప్రాజెక్టులు చేయడం రిస్క్ అని ఆయన భావిస్తున్నారనే వార్తలు వినిపిస్తున్నాయి.

ఇప్పటివరకు కొత్త దర్శకులను ప్రోత్సహించడంలో ముందుండే ప్రభాస్ ఇకపై కొంత జాగ్రత్తగా అడుగులు వేయాలని నిర్ణయించుకున్నారని తెలుస్తోంది. కథ బలం, టెక్నికల్ టీమ్ అనుభవం, ముఖ్యంగా VFX పని ఎలా ఉంటుందన్నది ముందుగా చూసుకుని మాత్రమే ఓకే చెప్పాలని భావిస్తున్నారట.

స్టార్ హీరోల్లో కొత్త వారికి అవకాశాలు ఇవ్వడంలో ముందుండే ప్రభాస్ కూడా ఇప్పుడు కొన్ని రూల్స్ మార్చుకునే పరిస్థితి వచ్చిందని ఇండస్ట్రీలో చర్చ జరుగుతోంది. అభిమానులు మాత్రం ఇకపై ఆయన నుంచి బలమైన కథలతో, మంచి టెక్నికల్ క్వాలిటీతో కూడిన సినిమాలు రావాలని ఆశిస్తున్నారు.

ALSO READ: Director Krish: ఏకంగా 7 మంది హీరోయిన్స్ తో సినిమాకి సిద్ధం అయిపోయిన దర్శకుడు..!