Prabhas : రెబల్ స్టార్ ప్రభాస్ నటిస్తున్న తాజా సినిమా ఫౌజీ షూటింగ్లో స్వల్ప ప్రమాదం జరిగింది. గుర్రపు స్వారీ సన్నివేశాన్ని చిత్రీకరిస్తున్న సమయంలో ప్రభాస్కు చాలా చిన్న గాయం అయ్యిందని సమాచారం. అయితే ఇందులో ఎలాంటి ఆందోళన అవసరం లేదని చిత్రబృందం స్పష్టం చేసింది. ఇది పూర్తిగా చిన్న గాయమేనని, ప్రభాస్ సురక్షితంగానే ఉన్నారని తెలిపింది.
ఫౌజీ సినిమా షూటింగ్ ప్రస్తుతం కీలక దశలో కొనసాగుతోంది. ఈ చిత్రంలో ఒక భారీ గుర్రపు స్వారీ సీన్తో పాటు హై వోల్టేజ్ చేజింగ్ సన్నివేశాన్ని తెరకెక్కిస్తున్నారు. ఈ సీన్ సినిమాకే హైలైట్గా నిలవనుందని సమాచారం. చాలా పెద్ద స్థాయిలో సెట్స్, విజువల్ ఎఫెక్ట్స్తో ఈ సన్నివేశాన్ని రూపొందిస్తున్నారట. అందుకే మేకర్స్ ఎలాంటి లోటుపాట్లు లేకుండా అన్ని జాగ్రత్తలు తీసుకుంటున్నారు.
ఈ చిత్రానికి దర్శకత్వం వహిస్తున్నది హను రాఘవపూడి. ‘సీతారామం’ సినిమాతో మంచి పేరు తెచ్చుకున్న ఆయన, ఫౌజీని కూడా చాలా సీరియస్గా, ప్లాన్తో తెరకెక్కిస్తున్నారని సమాచారం. ఈ సినిమాలో ప్రభాస్ ఒక సైనికుడి పాత్రలో కనిపించనున్నారు. ఈ పాత్ర ఆయన అభిమానులకు ప్రత్యేక అనుభూతిని ఇచ్చేలా ఉంటుందని అంటున్నారు.
ఇదిలా ఉండగా, సోషల్ మీడియాలో మరో ఆసక్తికరమైన చర్చ జరుగుతోంది. కల్కి 2898 ఏడీ సీక్వెల్ కాకుండా, మరో సినిమాలో ప్రభాస్ డబుల్ రోల్లో కనిపించవచ్చని ప్రచారం జరుగుతోంది. ఆ సినిమా ఫౌజీనే కావచ్చని అభిమానులు అంచనా వేస్తున్నారు. అయితే దీనిపై ఇప్పటివరకు ఎలాంటి అధికారిక ప్రకటన రాలేదు.
ఇక ఇటీవల విడుదలైన ది రాజా సాబ్ సినిమా ఆశించిన స్థాయిలో విజయం సాధించకపోవడంతో, అభిమానుల ఆశలన్నీ ఇప్పుడు ఫౌజీ మీదే ఉన్నాయి. ఈ సినిమా ఈ ఏడాది చివరి త్రైమాసికంలో విడుదలయ్యే అవకాశముందని సమాచారం. మొత్తానికి, స్వల్ప గాయంతో తప్పించుకున్న ప్రభాస్ త్వరలోనే మళ్లీ షూటింగ్లో పాల్గొననున్నారని తెలుస్తోంది. అభిమానులు ఊపిరి పీల్చుకుంటూ, ఫౌజీ సినిమా కోసం ఆసక్తిగా ఎదురు చూస్తున్నారు.
ALSO READ: Chiranjeevi: చేతికి సర్జరీ…అభిమానుల కోసం తరలివచ్చిన చిరు..ఫిదా అవుతున్న ఫ్యాన్స్!
Share
Pawan Kalyan: జనసేన బలోపేతం దిశగా అడుగులు.. రూ.2 కోట్ల విరాళం ప్రకటించిన డిప్యూటీ సీఎం
Psychological Thriller OTT : వంటగది నుంచి వస్తువులు మాయం... కెమెరా రికార్డింగ్ చూస్తే మైండ్ బెండయ్యే ట్విస్ట్
