The RajaSaab: పాన్ ఇండియా స్టార్ ప్రభాస్ (Prabhas) తొలిసారి తన సినీ కెరియర్లో హారర్ బ్యాక్ డ్రాప్ లో చేస్తున్న చిత్రం ది రాజాసాబ్. టాలీవుడ్ డైరెక్టర్ మారుతి(Maruthi )దర్శకత్వంలో రాబోతున్న ఈ చిత్రంలో ప్రభాస్ లీడ్ రోల్ పోషిస్తుండగా.. మాళవిక మోహనన్ , రిద్దీ కుమార్, నిధి అగర్వాల్ హీరోయిన్లుగా నటిస్తున్నారు. సంజయ్ దత్ , బోమన్ ఇరానీ తదితరులు కీలక పాత్రలు పోషిస్తున్న ఈ సినిమా సంక్రాంతి సందర్భంగా జనవరి 9వ తేదీన ప్రపంచవ్యాప్తంగా థియేటర్లలోకి రాబోతోంది. ఇప్పటికే ఈ సినిమా నుంచి విడుదల చేసిన ట్రైలర్లు, పోస్టర్లు , గ్లింప్స్ అన్నీ కూడా సినిమాపై అంచనాలు పెంచేశాయి. దీనికి తోడు ఈ చిత్ర నిర్మాత టీజీ విశ్వప్రసాద్ కూడా ఈ సినిమాలో ప్రభాస్ ఎలా ఉండబోతున్నారు అనే విషయాన్ని కూడా ఇటీవల సాంగ్ రిలీజ్ కార్యక్రమంలో పాల్గొని సినిమాపై అంచనాలు పెంచేశారు.
అయితే ఇప్పుడు ఈ చిత్రం సెన్సార్ కూడా పూర్తి చేసుకుంది. హారర్ కామెడీ రొమాంటిక్ బ్యాక్ డ్రాప్ లో వస్తున్న ఈ చిత్రానికి సెన్సార్ సభ్యులు యూ/ ఏ (U/A) సర్టిఫికెట్ ను జారీ చేశారు . అంటే ముఖ్యంగా 16 సంవత్సరాలు పైబడిన వారు మాత్రమే ఈ సినిమా చూడడానికి అర్హులు అని సెన్సార్ స్పష్టం చేసింది. ఇకపోతే ఈ చిత్రానికి 189 నిమిషాలతో రన్ టైం లాక్ చేశారు. అంటే 03:09 గంటల నిడివితో థియేటర్లలో జనవరి 9న రాబోతోంది.. సాధారణంగా 2 1/2 గంటలు అంటేనే ప్రేక్షకుడి సహనానికి పరీక్ష లాంటిది. అలాంటిది మూడు గంటల పాటు ఈ సినిమా నిడివి ఉండబోతుందని తెలిసి అసలు అంతసేపు ప్రేక్షకుడు థియేటర్లో కూర్చుంటారా అనే అనుమానాలు కూడా వ్యక్తమవుతున్నాయి.
ఇదిలా ఉండగా తాజాగా ఈ సినిమా కథపై అటు సెన్సార్ కట్స్ కూడా ఏమీ లేకపోవడం గమనార్హం. కేవలం నాలుగు సెకండ్ల సీన్ మాత్రమే మార్చివేయాలని సెన్సార్ సభ్యులు సూచించారు. ముఖ్యంగా ఆ నాలుగు సెకండ్ల సీన్ తల నరికే సన్నివేశం కావడంతో దానిని తొలగించమని సెన్సార్ సభ్యులు సూచించారు. అలాగే ఫ్లోర్ పై బ్లడ్ ఎక్కువగా ఉన్న సన్నివేశాన్ని కూడా డిలీట్ చేయమని సూచించారు. ఇకపోతే ఆ భయపడే రెండు సన్నివేశాలను తొలగించారు కాబట్టి మరీ చిన్న పిల్లలను కాకుండా కాస్త ధైర్యంగా ఉండే పిల్లలను ఈ సినిమాకు తీసుకెళ్లవచ్చని సినీ విశ్లేషకులు కూడా చెబుతున్నారు. దీన్ని బట్టి చూస్తే మారుతి ఈ సినిమాను ఏ రేంజ్ లో తెరకెక్కించారో అర్థమవుతుంది. మొత్తానికైతే ఈ సినిమా విడుదల అయితే కచ్చితంగా 300 కోట్లు మినిమం గ్యారంటీ అని అభిమానులు కామెంట్లు చేస్తున్నారు. మరి సంక్రాంతి బరిలో నిలవబోతున్న ఈ సినిమా ఎలాంటి రికార్డ్స్ క్రియేట్ చేస్తుందో చూడాలి.
ALSO READ:Meenakshi Chaudhary: ఎఫైర్ రూమర్స్ పై సుశాంత్ కామెంట్స్.. మీనాక్షి క్లారిటీ!
ఇకపోతే ఈ సంక్రాంతి బరిలో ది రాజాసాబ్ సినిమాతో పాటు చిరంజీవి మన శంకర వరప్రసాద్ గారు, రవితేజ భర్త మహాశయులకు విజ్ఞప్తి. శర్వానంద్ నారీ నారీ నడుమ మురారి , నవీన్ పోలిశెట్టి అనగనగా ఒక రాజు చిత్రాలు బరిలోకి దిగుతున్నాయి. ఇక అన్నీ కూడా ఫ్యామిలీ ఎంటర్టైన్మెంట్ చిత్రాలే కావడం గమనార్హం. మరి ఈ సంక్రాంతి బరిలో ఎవరు నెగ్గుతారు అనే విషయం తెలియాలి అంటే ఇంకొన్ని రోజులు ఆగాల్సిందే.
#TheRajaSaab Censor Complete… 🔥🔥🔥
U/A – 3 Hrs 09 Mins – RunTime #TheRajaSaabOnJan9th #Prabhas #TheRajaSaab #Rajasaab #NidhhiAgerwal #MalavikaMohanan #Prabhas𓃵 #Tollywood #tollywoodactress #entertainment #Bigtv #Bigtvcinema pic.twitter.com/dLoBnElXyA
— BIG TV Cinema (@BigtvCinema) January 6, 2026
Share
Trump issues Warning: వెనిజులా కథ క్లోజ్.. ట్ంప్ నెక్స్ట్ టార్గెట్ ఆ దేశమేనా!
Venkatesh: త్రివిక్రమ్ కి నో చెప్పిన వెంకటేష్... కారణం ఏంటంటే..
