ప్రదీప్ రంగనాథన్ ‘లైక్’ సెన్సార్ పూర్తి… రన్ టైం డీటెయిల్స్ ఇవే!

LIK Movie censor: ప్రదీప్ రంగనాథన్ పరిచయం అవసరం లేని పేరు. ఈయన తమిళ హీరో అయినప్పటికీ తెలుగులో కూడా విపరీతమైన అభిమానులను సొంతం చేసుకున్నారు. ప్రదీప్ రంగనాథన్ హీరోగా నటించిన ప్రతి ఒక్క సినిమా కూడా తెలుగులో విడుదలవుతున్న సంగతి తెలిసిందే. ఈ నేపథ్యంలోనే ఈయనకు తెలుగులో కూడా మంచి ఫ్యాన్ ఫాలోయింగ్ ఉంది. గత ఏడాది డ్యూడ్ సినిమా ద్వారా ప్రేక్షకుల ముందుకు వచ్చి సూపర్ సక్సెస్ అందుకున్న ప్రదీప్ రంగనాథన్ (Pradeep Ranganathan) ఈ సినిమాతో 100 కోట్ల కలెక్షన్లను రాబట్టి అందరిని ఆశ్చర్యపరిచారు. ఈ సినిమా తర్వాత ఈయన లవ్ ఇన్సూరెన్స్ కంపెనీ (LIK) అనే సినిమా ద్వారా ప్రేక్షకుల ముందుకు రాబోతున్నారు.

సెన్సార్ కార్యక్రమాలు పూర్తి చేసుకున్న LIK..

ఈ సినిమా ఏప్రిల్ 10వ తేదీ తెలుగు తమిళ భాషలలో ప్రేక్షకుల ముందుకు రాబోతున్న నేపథ్యంలో ప్రమోషన్ కార్యక్రమాలను కూడా వేగవంతం చేస్తున్నారు. ఇక ఈ సినిమా విడుదలకు మూడు రోజుల సమయం ఉండ నేపథ్యంలో సెన్సార్ కార్యక్రమాలను కూడా పూర్తి చేసుకుంది. ఈ సినిమా చూసిన సెన్సార్ సభ్యులు ఈ చిత్రానికి U/A సర్టిఫికెట్ జారీ చేశారు. ఇక సెన్సార్ బోర్డు ఈ సినిమాకు రన్ టైం కూడా లాక్ చేశారు. ఈ సినిమా రెండు గంటల 36 నిమిషాల 58 సెకండ్ల రన్ టైంతో ప్రేక్షకుల ముందుకు రాబోతోంది. యూత్ ఫుల్ రొమాంటిక్ ఎంటర్టైనర్ గా ప్రేక్షకుల ముందుకు రాబోతున్న ఈ సినిమాకు 2:36 గంటల రన్ టైం అంటే పర్ఫెక్ట్ రన్ టైం అని చెప్పాలి.

ప్రదీప్ రంగనాథన్, కృతి శెట్టి జంటగా..

ఇక ఈ సినిమా 2040 లో ప్రేమ కథలు ఎలా ఉంటాయనే నేపథ్యంలో రాబోతుందని ఇప్పటివరకు విడుదల చేసిన అప్డేట్స్ చూస్తేనే స్పష్టం అవుతుంది. ఈ సినిమాలో ప్రదీప్ రంగనాథన్ కృతి శెట్టి (Kriti Shetty)హీరో హీరోయిన్లుగా నటించగా విలన్ పాత్రలో ఎస్ జె సూర్య నటించబోతున్నారు. ఇప్పటివరకు ఈ సినిమా నుంచి విడుదల చేసిన టీజర్ ట్రైలర్ సినిమా పట్ల భారీ అంచనాలను పెంచేసింది. ఈ సినిమా అప్డేట్స్ చూస్తుంటే ప్రదీప్ రంగనాథ్ వరసగా నాలుగో సినిమాతో 100 కోట్లు కొల్లగొట్టబోతున్నారని తెలుస్తోంది.

నయనతార నిర్మాణంలో..

ఇక ఈ సినిమాకు ప్రముఖ దర్శకుడు విగ్నేష్ శివన్ దర్శకత్వం వహించగా… నయనతార ఎస్.ఎస్. లలిత్ కుమార్ సంయుక్తంగా నిర్మిస్తున్న ఈ చిత్రాన్ని తెలుగులో శ్రీ పద్మిని సినిమాస్ విడుదల చేస్తోంది.ఈ సినిమాకు అనిరుధ్ రవిచంద్రన్ సంగీతమందిస్తున్నారు.ఎన్నో అంచనాల నడుమ ఈ సినిమా తెలుగు తమిళ భాషలలో ప్రేక్షకుల ముందుకు రాబోతుంది. మరి ప్రదీప్ రంగనాథ్ తన హిట్ మార్క్ చూయిస్తూ ఈ సినిమాతో మరో హిట్ కొట్టబోతున్నారా? లేదా? అనేది తెలియాలి అంటే ఏప్రిల్ 10వ తేదీ వరకు ఎదురు చూడాల్సిందే. ఇక నయనతార నిర్మాణంలో నయనతార భర్త డైరెక్షన్లో ఈ సినిమా ప్రేక్షకుల ముందుకు రావడం విశేషం.

Also Read: బుల్లితెర నటికి ఘోర అవమానం.. పిలిచి మరి అవమానించిన బుల్లెట్ భాస్కర్!