Priyanka Chopra: ప్రియాంక చోప్రా ఇదివరకే తెలుగు సినిమాలో నటించారా? ఏ సినిమానో తెలుసా?

Priyanka Chopra: ప్రియాంక చోప్రా ప్రస్తుతం టాలీవుడ్ సినీ ఇండస్ట్రీలో మారుమోగుతున్న పేరు ఈమె బాలీవుడ్ ఇండస్ట్రీలో స్టార్ హీరోయిన్గా ఓ వెలుగు వెలిగారు. అనంతరం హాలీవుడ్ పాప్ సింగర్ ను పెళ్లి చేసుకుని హాలీవుడ్ ఇండస్ట్రీలో నటిగా స్థిరపడ్డారు. ఇలా గ్లోబల్ బ్యూటీగా ఎంతో మంచి పేరు ప్రఖ్యాతలను సొంతం చేసుకున్న ప్రియాంక చోప్రా(Priyanka Chopra) మొదటిసారి తెలుగు సినిమాలో నటిస్తూ ప్రేక్షకుల ముందుకు రాబోతున్నారు. టాలీవుడ్ స్టార్ డైరెక్టర్ రాజమౌళి (Rajamouli)దర్శకత్వంలో మహేష్ బాబు (Mahesh Babu)పాన్ఇండియా సినిమా చేస్తున్న సంగతి తెలిసిందే.

విడుదలకు నోచుకోని ప్రియాంక చోప్రా సినిమా..

ప్రస్తుతం ఈ సినిమా శరవేగంగా షూటింగ్ పనులను జరుపుకుంటుంది. అయితే ఈ సినిమా ద్వారా మొదటిసారి ప్రియాంక చోప్రా తెలుగు ప్రేక్షకుల ముందుకు వస్తున్నారు అనుకుంటే మనం పొరపాటు పడినట్లే. ప్రియాంక చోప్రా ఇదివరకే తెలుగులో ఓ సినిమాలో నటించారు. కానీ కొన్ని కారణాలవల్ల ఆ సినిమా విడుదలకు నోచుకోలేకపోయింది. మరి ప్రియాంక చోప్రా నటించిన ఆ తెలుగు సినిమా ఏంటి? ఎందుకు విడుదల కాలేదు అనే విషయానికి వస్తే..

అపురూపం మొదటి తెలుగు సినిమా..

ప్రియాంక చోప్రా హీరోయిన్ గా “అపురూపం”(Apurupam) అనే సినిమా ద్వారా తెలుగు ఇండస్ట్రీ లోకి అడుగుపెట్టారు. 2002 వ సంవత్సరంలో ఈ సినిమా షూటింగ్ పనులను ప్రారంభించింది. సాయి రవి దర్శకత్వంలో తెరకెక్కిన ఈ సినిమాలో హీరోగా ప్రసన్న నటించారు. అయితే ఈ సినిమా సగం షూటింగ్ పనులను పూర్తి చేసుకున్న తర్వాత ఆర్థిక ఇబ్బందుల కారణంగా నిర్మాత సినిమా షూటింగ్ ఆపి వేశారు. ఒకవేళ ఈ సినిమా కనుక విడుదలయ్యి మంచి సక్సెస్ అందుకొని ఉంటే ప్రియాంక చోప్రా టాలీవుడ్ ఇండస్ట్రీలోనే సక్సెస్ ఫుల్ హీరోయిన్ గా కొనసాగే వారని తెలుస్తోంది. ఇక ఈ సినిమా విడుదల కాకపోయినప్పటికీ ఈమె బాలీవుడ్ ఇండస్ట్రీలో అవకాశాలను అందుకొని అక్కడ కూడా స్టార్ హీరోయిన్ గా సక్సెస్ అందుకున్నారు. ప్రస్తుతం హాలీవుడ్ ఇండస్ట్రీలో నటిగా కొనసాగుతున్నారు.

మరికొన్ని గంటలలో గ్లోబ్ ట్రాటర్ ఈవెంట్..

ఇలా రెండు దశాబ్దాల తర్వాత తిరిగి ప్రియాంక చోప్రా మరో తెలుగు సినిమాకు కమిట్ అవ్వడంతో అభిమానులు కూడా ఎంతో సంతోషం వ్యక్తం చేస్తున్నారు. ఇక ఈ సినిమా పట్ల ఇప్పటికే భారీ స్థాయిలో అంచనాలు కూడా ఉన్నాయి. ఈ సినిమాలో ప్రియాంక చోప్రా మందాకిని అనే పాత్రలో కనిపించబోతున్నట్టు తెలుస్తుంది. ఇదివరకే ఈమెకు సంబంధించిన ఫస్ట్ లుక్ పోస్టర్ విడుదల చేయడంతో ఈ ఫోటో కాస్త సోషల్ మీడియాలో వైరల్ అవ్వడమే కాకుండా సినిమా పట్ల మంచి అంచనాలను పెంచేసింది. ఇక రాజమౌళి సినిమా అంటే గ్లోబల్ రేంజ్ లో సెలబ్రిటీలకు స్టార్డం రావడం పక్కా అని చెప్పాలి. ఇక నవంబర్ 15వ తేదీ ఈ సినిమాకి సంబంధించి గ్లోబ్ ట్రాటర్ (Globe Trotter)ఈవెంట్ రామోజీ ఫిలిం సిటీలో ఎంతో అంగరంగ వైభవంగా జరగబోతుంది. ఈవెంట్ కోసం ప్రియాంక చోప్రా కూడా హైదరాబాదులో ఉన్న సంగతి తెలిసిందే.

Also Read: Globe Trotter: ఓవర్సీస్ లోనూ గ్లోబ్ ట్రాటర్ లైవ్ స్ట్రీమ్..ఎక్కడ చూడొచ్చంటే!