Pushpa 2: మళ్లీ థియేటర్లలోకి పుష్ప 2… ఒక్క షోనే అస్సలు మిస్సవద్దు!

Pushpa 2: ఐకాన్ స్టార్ అల్లు అర్జున్(Allu Arjun) హీరోగా సుకుమార్ దర్శకత్వంలో గత ఏడాది ప్రేక్షకుల ముందుకు వచ్చిన సూపర్ హిట్ పాన్ ఇండియా చిత్రం పుష్ప 2(Pushpa 2). ఈ సినిమా డిసెంబర్ 4వ తేదీ విడుదల ఎలాంటి సంచలనాలను సృష్టించిందో ప్రత్యేకంగా చెప్పాల్సిన పనిలేదు. ఇండియన్ బాక్స్ ఆఫీస్ వద్ద ఈ సినిమా ఏకంగా 1800 కోట్లకు పైగా కలెక్షన్లను రాబట్టి సంచలనాలను సృష్టించింది. ఇలా అల్లు అర్జున్ కెరీయర్లో మాత్రమే కాకుండా సౌత్ సినీ ఇండస్ట్రీలోనే హైయెస్ట్ కలెక్షన్లు రాబట్టిన సినిమాగా రికార్డు సృష్టించింది. ఇక ఈ సినిమా తర్వాత అల్లు అర్జున్ అట్లీ (Atlee) దర్శకత్వంలో మరో సినిమా షూటింగ్ పనులలో బిజీగా ఉన్నారు.

విమల్ 70mm లో స్పెషల్ షో..

ఇక పుష్ప 2 సినిమా విడుదల అయ్యి ఏడాది అవుతున్న నేపథ్యంలో నిర్మాతలు మరోసారి ఈ సినిమాని వెండితెరపైకి తీసుకురాబోతున్నారంటూ సోషల్ మీడియాలో పెద్ద ఎత్తున వార్తలు హల్చల్ చేస్తున్నాయి. డిసెంబర్ 4వ తేదీకి ఈ సినిమా విడుదల అయ్యి ఏడాది పూర్తి అవుతుంది. ఇలా ఏడాదిని పురస్కరించుకొని స్పెషల్ షో ప్రదర్శించబోతున్నారని సమాచారం. డిసెంబర్ 4వ తేదీ సాయంత్రం 5:30 నిమిషాలకు విమల్ 70 mm (Vimal 70mm)థియేటర్లో స్పెషల్ షో వేయబోతున్నారు. ఇక ఈ స్పెషల్ షో కి కేవలం ఆఫ్ లైన్ మాత్రమే టికెట్లు అందుబాటులోకి ఉంటాయని ఆదివారం ఈ సినిమా స్పెషల్ షో కి సంబంధించిన టికెట్లను డిస్ట్రిబ్యూట్ చేయబోతున్నారని తెలుస్తోంది.

పుష్ప 2 విడుదల అల్లు అర్జున్ పై కేసు..

ఇలా మరోసారి పుష్ప 2 సినిమా స్పెషల్ స్క్రీనింగ్ కానున్న నేపథ్యంలో అభిమానులు కూడా ఎంతో ఆత్రుతగా ఎదురుచూస్తున్నారు. మరి స్పెషల్ షోకు ఎలాంటి ఆదరణ లభిస్తుందో తెలియాల్సి ఉంది. సుకుమార్ దర్శకత్వంలో అల్లు అర్జున్ రష్మిక హీరో హీరోయిన్లుగా నటించిన సంగతి తెలిసిందే. ఇక ఈ సినిమా విడుదల సమయంలో అల్లు అర్జున్ కూడా ఎన్నో ఇబ్బందులను ఎదుర్కొన్నారు. ఈయన సంధ్య థియేటర్ కి వెళ్లడంతో తొక్కిసలాట ఘటన కారణంగా ఓ అభిమాని మరణించడంతో ఈ విషయంపై అల్లు అర్జున్ ఏకంగా జైలుకు కూడా వెళ్లి వచ్చిన సంగతి తెలిసిందే. ఇక ఈ వివాదానికి పూర్తిగా పులిస్టాప్ పడిందనే చెప్పాలి.

మూడు విభిన్న పాత్రలలో అల్లు అర్జున్..

అల్లు అర్జున్ ప్రస్తుత సినిమా విషయానికి వస్తే.. అట్లీ డైరెక్షన్లో మరో పాన్ ఇండియా సినిమా పనులలో బిజీగా ఉన్నారు. ఈ సినిమాలో అల్లు అర్జున్ 3 విభిన్నమైన పాత్రలలో కనిపించబోతున్నారని తెలుస్తోంది. అత్యంత భారీ బడ్జెట్ సినిమాగా ఈ చిత్రం ప్రేక్షకుల ముందుకు రానుంది. ఇప్పటికే ఈ సినిమా సుమారు 50% వరకు షూటింగ్ పనులు పూర్తి అయినట్టు సమాచారం. త్వరలోనే ఒక గ్రాండ్ ఈవెంట్ ద్వారా ఈ సినిమాకు సంబంధించి ఫస్ట్ లుక్ తో పాటు టైటిల్ కూడా విడుదల చేయబోతున్నట్టు తెలుస్తుంది. ఈ సినిమా పూర్తి అయిన అనంతరం అల్లు అర్జున్ పుష్ప3 పనులలో బిజీ కానున్నారు.