Rajinikanth: కోలీవుడ్ సూపర్ స్టార్ రజినీకాంత్ తాజాగా జైలర్ 2 సినిమా ద్వారా ప్రేక్షకుల ముందుకు వచ్చి అద్భుతమైన విజయాన్ని అందుకున్నారు. నెల్సన్ దిలీప్ కుమార్ (Nelson Dilip Kumar) దర్శకత్వంలో రజనీకాంత్(Rajinikanth) నటించిన జైలర్ సినిమా ఎంతో అద్భుతమైన విజయాన్ని అందుకున్న నేపథ్యంలో ఈ సినిమాకు సీక్వెల్ చిత్రంగా జైలర్ 2(Jailer 2) సినిమాని ప్రేక్షకుల ముందుకు తీసుకువచ్చారు. ఈ సినిమా దసరా పండుగ సందర్భంగా అక్టోబర్ 15వ తేదీ విడుదల అయింది. ఈ సినిమా తమిళ తెలుగు భాషలలో ప్రేక్షకుల ముందుకు వచ్చి భారీ స్థాయిలో కలెక్షన్లను రాబడుతుంది.
ఇక ఈ సినిమాకు తెలుగులో కూడా భారీగా కలెక్షన్ల వర్షం కురుస్తున్న సంగతి తెలిసిందే. ఇప్పటికే 500 కోట్ల కలెక్షన్ల దిశగా పరుగులు పెడుతుంది. ఇలా ఈ సినిమాకు ఈ స్థాయిలో కలెక్షన్లు వచ్చిన నేపథ్యంలో ఈ సినిమాలో నటీనటుల రెమ్యూనరేషన్ కి సంబంధించిన వార్తలు కూడా బయటకు వచ్చాయి. అదేవిధంగా రజినీకాంత్ ఈ సినిమా కోసం తీసుకున్న రెమ్యూనరేషన్(Remuneration) మాత్రం హాట్ టాపిక్ గా మారింది. జైలర్ 2 సినిమా కోసం రజనీకాంత్ 110 కోట్ల రూపాయల రెమ్యూనరేషన్ అందుకున్నారని అదేవిధంగా సినిమా లాభాలలో వాటా కూడా తీసుకున్నారని తెలుస్తోంది.
ఇలా ఈ సినిమా రెమ్యూనరేషన్ తో పాటు సినిమా లాభాలలో వాటా కలిపి మొత్తం ఈయన 180 కోట్ల వరకు రెమ్యూనరేషన్ తీసుకున్నారని తెలుస్తోంది. ఇలా కోలీవుడ్ ఇండస్ట్రీలోనే రజనీకాంత్ హైయెస్ట్ రెమ్యూనరేషన్ అందుకున్నారని చెప్పాలి. ఈ సినిమాలో ఇతర నటీనటులు కూడా కీలక పాత్రలలో నటించిన సంగతి తెలిసిందే. ఈ సినిమాలో నటించినందుకు గాను హృతిక్ రోషన్ 25 కోట్ల రెమ్యూనరేషన్ తీసుకోగా, మోహన్ లాల్ 15 కోట్లు, అనిరుద్ 20 కోట్ల రూపాయల రెమ్యూనరేషన్ తీసుకున్నారు.
ఇక ఈ సినిమాకు దర్శకత్వం వహించిన డైరెక్టర్ నెల్సన్ దిలీప్ కుమార్ ఏకంగా 35 కోట్ల రూపాయల రెమ్యూనరేషన్ తీసుకున్నారు. కన్నడ స్టార్ హీరో శివరాజ్ కుమార్ 8 కోట్లు, విద్యాబాలన్ 6 కోట్లు, ఎస్ జె సూర్య మూడు కోట్ల రూపాయల రెమ్యూనరేషన్ తీసుకున్నట్టు తెలుస్తుంది. ఇలా ఈ సినిమా 300 కోట్ల బడ్జెట్ తో తెరకెక్కినట్టు తెలుస్తుంది. ఈ సినిమాని సన్ పిక్చర్ బ్యానర్ పై కళానిధి మారన్ నిర్మించిన సంగతి తెలిసిందే. ఇలా జైలర్, జైలర్ 2 సినిమాలో అద్భుతమైన విజయాలను సొంతం చేసుకోవడంతో ఈ సినిమాకు మూడో భాగం కూడా రాబోతుందని తెలుస్తోంది. ఇలా మూడవ భాగం గురించి జైలర్ 2 సినిమా క్లైమాక్స్ లో హింట్ ఇచ్చిన సంగతి తెలిసిందే. అయితే ఈ ప్రాజెక్ట్ తెరపైకి రావడానికి మరి కొంత సమయం పడుతుందని తెలుస్తుంది. ప్రస్తుతం రజనీకాంత్ నెల్సన్ దిలీప్ కుమార్,అనిరుద్ పలు కమిట్మెంట్స్ తో బిజీగా ఉన్న నేపథ్యంలో జైలర్ 3 ఆలస్యమయ్య అవకాశాలు ఉన్నాయి.
Also Read: ఆదర్శ కుటుంబం ట్రైలర్, ప్రీ రిలీజ్ ఈవెంట్ డేట్ లాక్..ఎప్పుడు? ఎక్కడంటే?
Share
బంగ్లా జంటకు సౌదీలో ఉరి.. ఢాకాకు సమాచారం ఇవ్వకుండానే, అసలు ఏం జరిగింది?
ఇంట్లోనే ఈజీగా కరకరలాడే..స్ప్రింగ్ రోల్స్ చేసుకోండిలా!
