Rakesh Bedi: ప్రముఖ బాలీవుడ్ నటుడు రాకేష్ బేడీ, ఇటీవల ‘ధురంధర్’ సినిమా ఈవెంట్లో నటి సారా అర్జున్ భుజాలపై ముద్దు పెట్టిన తీరు సోషల్ మీడియాలో పెద్ద చర్చకు దారితీసింది. ఆదిత్య ధర్ దర్శకత్వంలో రణవీర్ సింగ్ హీరోగా రూపొందుతున్న భారీ చిత్రం ‘ధురంధర్’ అనౌన్స్మెంట్ కార్యక్రమంలో ఈ సంఘటన జరిగింది. దాదాపు ఇరవై ఏళ్ళ అమ్మాయిని డెభై ఏళ్ల ముసలాడు అలా ముద్దు పెట్టడం సబబు కాదని నెటిజన్లు ఫైర్ అయ్యారు. తాజాగా ఈ వివాదంపై రాకేష్ బేడీ వివరణ్ ఇచ్చారు.
Read also-Ustaad Bhagat Singh: ‘ఉస్తాద్’ అడ్రస్ గల్లంతు.. ‘భోళా శంకర్’ రికార్డులను తిరగరాస్తున్న పవన్ కళ్యాణ్?
ఈవెంట్ జరుగుతున్న సమయంలో, రాకేష్ బేడీ తన పక్కన ఉన్న సారా అర్జున్ భుజంపై ముద్దు పెడుతున్న వీడియో క్లిప్ నెట్టింట వైరల్ అయ్యింది. దీనిపై కొందరు నెటిజన్లు తీవ్రంగా స్పందిస్తూ, అది “అసభ్యకరంగా” ఉందని, ఒక యువతి పట్ల అలా ప్రవర్తించడం “క్రీపీ” గా ఉందని విమర్శలు గుప్పించారు. సారా అర్జున్ చిన్నప్పుడు చైల్డ్ ఆర్టిస్ట్గా ‘దైవ తిరుమగళ్’ (నాన్న) వంటి సినిమాలతో గుర్తింపు పొందింది, ఇప్పుడు ఆమె యువతిగా మారుతున్న తరుణంలో ఇలాంటి ప్రవర్తన సరికాదని నెటిజన్లు అభిప్రాయపడ్డారు. దీనికి సంబంధించిన వీడియో తెగ వైరల్ అయింది.
ఈ విమర్శలపై రాకేష్ బేడీ తాజాగా ఒక ఇంటర్వ్యూలో స్పందిస్తూ, తన ఆవేదనను వ్యక్తం చేశారు. “నేను సారాను తను చాలా చిన్న పిల్లగా ఉన్నప్పటి నుండి చూస్తున్నాను. మేము కలిసి వర్క్ చేశాము. నా కళ్ల ముందే తను పెరిగింది. చాలా కాలం తర్వాత తనను చూడగానే ఒక తండ్రికి తన బిడ్డను చూసినప్పుడు కలిగే సంతోషం కలిగింది” అని ఆయన పేర్కొన్నారు. సోషల్ మీడియాలో జరుగుతున్న ప్రచారాన్ని ఆయన ఖండించారు. “ప్రజలు ప్రతి విషయాన్ని వక్రీకరిస్తున్నారు. ఒక తండ్రి తన కూతురిపై చూపించే వాత్సల్యాన్ని కూడా కామంతో ముడిపెట్టడం దురదృష్టకరం. కెమెరా యాంగిల్స్ మార్చి, చిన్న బిట్ను కట్ చేసి వైరల్ చేయడం వల్ల అసలు ఉద్దేశం దెబ్బతింటోంది” అని వాపోయారు. సారా అర్జున్ తల్లిదండ్రులతో కూడా తనకు మంచి సంబంధాలు ఉన్నాయని, అక్కడ ఎటువంటి అసౌకర్యానికి తావు లేదని ఆయన స్పష్టం చేశారు. కేవలం నెగిటివిటీని ప్రచారం చేయడమే పనిగా పెట్టుకున్న వారు ఇలాంటి కామెంట్స్ చేస్తున్నారని ఆయన మండిపడ్డారు.
Read also-Bandla Ganesh: బండ్ల గణేష్ ‘భజన’ మేళం: మళ్ళీ హీరోల డేట్స్ కోసమేనా ఈ ‘డబ్బా’?
ఈ వివాదం పక్కన పెడితే, ‘ధురంధర్’ మెదటి భాగం ఇప్పటికే దాదాపు 1300 వందల కోట్లు వరకూ వసూలు చేసింది. ఇటీవలే రెండో భాగం ధురంధర్ ది రివేంజ్ కూడా విడుదలై కేవలం నాలుగు రోజుల్లోనే అయిదు వందల కోట్లకు పైగా వసూలు చేసింది. ఈ సినిమాకు సంబంధించి మూడవ భాగాన్ని కూడా ప్రకటించారు నిర్మాతలు. రణవీర్ సింగ్ ప్రధాన పాత్రలో నటిస్తున్న ఈ చిత్రంలో సంజయ్ దత్, ఆర్. మాధవన్, అక్షయ్ ఖన్నా వంటి హేమాహేమీలు నటిస్తున్నారు. చాలా కాలం తర్వాత రాకేష్ బేడీ ఒక కీలక పాత్రలో నటించారు. రాకేష్ బేడీ వివరణతో ఈ వివాదానికి తెర పడుతుందని పరిశ్రమ వర్గాలు భావిస్తున్నాయి. కళాకారుల మధ్య ఉండే గురు-శిష్యుల లేదా తండ్రి-కూతుళ్ల వంటి బంధాలను సామాజిక మాధ్యమాలు తప్పుగా అర్థం చేసుకోవడంపై ఆయన చేసిన వ్యాఖ్యలు ఇప్పుడు చర్చనీయాంశమయ్యాయి.
Share
Secunderabad Railway Station: బిగ్ అప్డేట్.. సికింద్రాబాద్ స్టేషన్ ప్రారంభానికి ముహూర్తం ఖరారు!
Vivo X300s: 200MP కెమెరా, 7100mAh బ్యాటరీతో వివో కొత్త ఫోన్.. ఫుల్ ఫీచర్స్ ఇవే
