Peddi Movie: మెగా పవర్ స్టార్ రామ్ చరణ్ అభిమానులు ఎంతో ఆశగా ఎదురుచూస్తున్న పాన్ ఇండియా చిత్రం ‘పెద్ది’. ‘ఉప్పెన’ ఫేమ్ బుచ్చిబాబు సానా దర్శకత్వంలో రూపుదిద్దుకుంటున్న ఈ స్పోర్ట్స్ యాక్షన్ డ్రామాపై ఇప్పటికే భారీ అంచనాలు నెలకొన్నాయి. అయితే, గత కొన్ని రోజులుగా ఈ సినిమా విడుదల తేదీకి సంబంధించి సోషల్ మీడియాలో ఒక వార్త తెగ వైరల్ అవుతోంది. ఈ చిత్రం ఏప్రిల్ 30న విడుదల కావాల్సి ఉండగా, కొన్ని అనివార్య కారణాల వల్ల మళ్లీ వాయిదా పడిందని, జూన్ నెలలో రిలీజ్ చేసేందుకు మేకర్స్ ప్లాన్ చేస్తున్నట్లుగా తెలుస్తోంది.
Read also-Varanasi Movie : ‘వారణాసి’ మూవీ స్టార్ క్రికెటర్ వైఫ్.. అస్సలు ఊహించిఉండరు..
నిజానికి ‘పెద్ది’ సినిమా తొలుత మార్చి 27న రామ్ చరణ్ పుట్టినరోజు సందర్భంగా విడుదల కావాల్సి ఉంది. కానీ, షూటింగ్ పనులు, పోస్ట్ ప్రొడక్షన్ ఆలస్యం కావడంతో దానిని ఏప్రిల్ 30కి మార్చినట్లు గతంలోనే అధికారికంగా ప్రకటించారు. అయితే తాజా సమాచారం ప్రకారం, సినిమాలో ఇంకా కొన్ని కీలకమైన యాక్షన్ సీక్వెన్స్లు ఒక స్పెషల్ సాంగ్ చిత్రీకరణ మిగిలి ఉందని తెలుస్తోంది. ముఖ్యంగా విజువల్ ఎఫెక్ట్స్ (VFX) విషయంలో ఏమాత్రం రాజీ పడకూడదని దర్శకుడు బుచ్చిబాబు భావిస్తున్నారట. అందుకే మే నెల అంతా పోస్ట్ ప్రొడక్షన్ పనులకు కేటాయించి, జూన్ ప్రథమార్ధంలో సినిమాను థియేటర్లలోకి తీసుకురావాలని చిత్ర యూనిట్ యోచిస్తున్నట్లు సమాచారం.
Read also-Dhurandhar 2: ధురంధర్ 2 ఫస్ట్ డే కలెక్షన్స్.. ఆ రికార్డ్స్ బ్రేక్ చేసిందా?
ఈ వార్త బయటకు రావడంతో మెగా అభిమానుల్లో కొంత నిరాశ వ్యక్తమవుతోంది. ‘పెద్ది’ ఆలస్యం కావడంపై చర్చించుకుంటున్నారు. అయితే మరికొందరు మాత్రం, “సినిమా అవుట్పుట్ అద్భుతంగా రావాలంటే కొంచెం సమయం తీసుకున్నా పర్వాలేదు” అని సోషల్ మీడియా వేదికగా కామెంట్స్ చేస్తున్నారు. ఏఆర్ రెహమాన్ సంగీతం అందిస్తున్న ఈ చిత్రంలో జాన్వీ కపూర్ హీరోయిన్గా నటిస్తోంది. ఇప్పటికే విడుదలైన ‘చికిరి చికిరి’, ‘రాయ్ రాయ్ రారా’ సాంగ్స్ చార్ట్బస్టర్లుగా నిలిచి సినిమాపై క్రేజ్ను రెట్టింపు చేశాయి. ప్రస్తుతానికి ఈ వాయిదా వార్తలపై చిత్ర నిర్మాతలు వృద్ధి సినిమాస్ కానీ, దర్శకుడు కానీ స్పందించలేదు. అయితే మార్చి 27న రామ్ చరణ్ పుట్టినరోజు సందర్భంగా ఈ విషయంపై ఒక స్పష్టత వచ్చే అవకాశం ఉందని ఫిల్మ్ నగర్ వర్గాల టాక్. ఆ రోజున సినిమా నుండి ఒక భారీ అప్డేట్తో పాటు కొత్త విడుదల తేదీని కూడా ప్రకటించే అవకాశం ఉంది. జూన్ నెలలో స్కూల్స్ ప్రారంభమయ్యే సమయం కాబట్టి, సమ్మర్ హాలిడేస్ మిస్ అవ్వకుండా మేకర్స్ ఎలాంటి నిర్ణయం తీసుకుంటారో వేచి చూడాలి.
Share
Jabardasth Varsha: చీరకట్టులో నడుము వయ్యారాలతో గలిగింతలు పెడుతున్న వర్ష!
Fruits for summer: వేసవి తాపాన్ని తగ్గించే అద్భుతమైన పండ్లు.. ఇక మీ ఆరోగ్యం మీ చేతుల్లో!
