Shiva Movie : సాధారణంగా సినిమాలలో చైల్డ్ ఆర్టిస్టులకు ఎంత క్రేజ్ ఉంటుందో ప్రత్యేకంగా చెప్పాల్సిన అవసరం లేదు. ఒక్కొక్కసారి కథను మలుపు తిప్పే పాత్రలలో ఈ చిన్నారులు ఆకట్టుకుంటూ ఉంటారు. ఇంకొన్ని సినిమాలు ఏకంగా పిల్లలను బేస్ చేసుకుని వచ్చి మంచి విజయాన్ని అందుకున్న చిత్రాలు కూడా ఉన్నాయి. అయితే వీరంతా పెద్దయ్యాక స్టడీస్ పైన ఫోకస్ పెట్టి.. అందులో కొంతమంది తమకు నచ్చిన రంగంలో సెటిల్ అయితే.. మరికొంతమంది మళ్లీ సినిమాలలోకి వచ్చి హీరోలుగా, హీరోయిన్ లుగా సత్తా చాటుతున్న విషయం తెలిసిందే. ఈ క్రమంలోనే ఇప్పుడు నాగార్జున (Nagarjuna ) హీరోగా, అమల (Amala) హీరోయిన్గా రాంగోపాల్ వర్మ (Ram Gopal Varma) దర్శకత్వంలో కేవలం రూ.75 లక్షల బడ్జెట్ తో తెరకెక్కి.. ఏకంగా 10 కోట్లు రాబట్టి సంచలనం సృష్టించిన శివ మూవీ రీ రిలీజ్ అవుతోంది.
ఈ సందర్భంగా ఈ సినిమాలో ఒక సన్నివేశంలో కనిపించిన చైల్డ్ ఆర్టిస్టు ఇప్పుడు ఎక్కడ ఉంది ? ఏం చేస్తోంది ? అనే విషయాన్ని.. ఈ చిత్ర దర్శకుడు రామ్ గోపాల్ వర్మ తన ట్విట్టర్ వేదికగా వెల్లడించారు.. ముందుగా ఆ సీన్ విషయానికి వస్తే.. నాగార్జున శివ సినిమాలో విలన్స్ పరిగెడుతుంటే.. ఒక చిన్న పిల్లని తన సీట్ ముందు కూర్చోబెట్టుకుని సైకిల్ తొక్కుతూ ఉంటాడు. అది అప్పుట్లో చాలా రిస్క్. డూప్ కూడా చేసే అవకాశం లేదు. ఒక చేత్తో సైకిల్ తొక్కి.. ఒక చేత్తో ఈ పాపను పట్టుకుంటాడు.. అప్పట్లో ఈ పాప అందరి దృష్టిని ఆకట్టుకుంది. అలా సైకిల్ చేజ్ సన్నివేశంలో నటించి.. అందరినీ ఆకట్టుకున్న ఈ చిన్నారి ఇప్పుడు రాంగోపాల్ వర్మ పుణ్యమా అని మరొకసారి వైరల్ గా మారుతోంది.
ALSO READ:Bigg Boss 9 Promo: కమాండర్ పవర్.. రిస్కీ టాస్క్ లో ఉత్కంఠ!
రీ రిలీజ్ సందర్భంగా ఈ చైల్డ్ ఆర్టిస్ట్ గురించి వర్మ ప్రస్తావిస్తూ ఆమె ఇప్పుడు ఏం చేస్తోంది? ఎక్కడ ఉంది అనే విషయాన్ని ట్విట్టర్ వేదికగా షేర్ చేస్తూ.. “శివ సినిమాలోని ఐకానిక్ సైకిల్ చేజ్ సన్నివేశంలో ఎదిగిన అమ్మాయి సుష్మ. ఆమె బార్ లో భయంగా కూర్చుని నాగార్జునతో కలిసి టెన్షన్లో సైక్లింగ్ చేస్తూ కనిపించింది. అయితే ప్రస్తుతం ఆమె ఇప్పుడు యూఎస్ఏ లో ఏఐ – కాగ్నిటివ్ సైన్స్ లో పరిశోధన చేస్తోంది”అంటూ వర్మ తెలిపారు. ఇకపోతే ఆ సినిమాలో చైల్డ్ ఆర్టిస్ట్ గా కనిపించి అందరి దృష్టిని ఆకర్షించిన ఈ చిన్నారి.. ఇప్పుడు ఏకంగా కొత్త టెక్నాలజీలో పరిశోధనలు చేస్తోంది అని తెలియడంతో అభిమానులు ఆమె టాలెంట్ కి ఫిదా అవుతున్నారు.
వర్మ మరో ట్వీట్ షేర్ చేస్తూ సుష్మాకి క్షమాపణలు తెలియజేశారు.. “సుష్మ నువ్వు ఆ సన్నివేశంలో ఎంతో సాహసోపేతంగా నటించావు. అయితే అప్పుడు నువ్వు ఎంత భయం ఎదుర్కొన్నావో ఒక దర్శకుడిగా ఆ సమయంలో నాకు తెలియదు. కానీ ఇప్పుడు మనస్ఫూర్తిగా క్షమాపణలు కోరుతున్నాను..” అంటూ వర్మ తెలిపారు. ప్రస్తుతం ఈ విషయం సోషల్ మీడియాలో వైరల్ గా మారుతోంది.
This is the grown up girl Sushma from the iconic cycle chase scene in SHIVA where she is sitting scared on the bar with @Iamnagarjuna cycling in tension .. @symbolicsushi is now doing research in AI and Cognitive Science in the USA pic.twitter.com/L69aSyCQPF
— Ram Gopal Varma (@RGVzoomin) November 12, 2025
Hey @symbolicsushi please accept my sincere apologies after 36 years for subjecting you to such a traumatic experience which I dint realise at that time ..The directorial greed in me took over in being blinded to subjecting a little girl like you to such risky shots ..I apologise… https://t.co/NWzrRzl9Ib
— Ram Gopal Varma (@RGVzoomin) November 12, 2025
Share
Smartwatch Offers: ఐటెల్ ఆల్ఫా 2 ప్రో స్మార్ట్వాచ్పై బంపర్ ఆఫర్.. అమెజాన్, ఫ్లిప్కార్ట్లో ఆఫర్ హంగామా..
Cabinet Meet: నేడు కేంద్ర కేబినెట్ భేటీ.. కీలక నిర్ణయాలు తీసుకునే ఛాన్స్..
