యష్ రావణుడిగా మెప్పిస్తాడా లేక సైఫ్ అలీఖాన్ లా మిగిలిపోతాడా…నితేష్ తివారికి తిప్పలు తప్పవా?

Ramayana Teaser: ఇండియన్ సిల్వర్ స్క్రీన్ పై పురాణ ఇతిహాసాలని తెరకెక్కించడం కొత్తేమీ కాదు.భీష్మ ప్రతిజ్ఞ నుండి మొన్నటి ఆది పురుష్ వరకు ఎన్నో సినిమాలు ఆడియన్స్ ని అలరించినవే. ఇక ఇదే క్రమంలో తెరకెక్కుతున్న నితేష్ తివారి దర్శకత్వంలో తెరక్కుతున్న రామాయణపై కూడా అంచనాలు భారీగానే పెట్టేసుకున్నారు మూవీ లవర్స్. ముఖ్యంగా ఇందులో సీతారాములుగా సాయి పల్లవి, రణ్ బీర్ కపూర్ నటిస్తుండటంతో ప్రాజెక్ట్ కాస్తా ప్రెస్టేజియస్ అయిపొయింది.దీనికి తోడు సినిమా బడ్జెట్ 4000 కోట్లని మేకర్స్ అనౌన్స్ చేయడంతో అసలంత బడ్జెట్ తో ఏం ప్లాన్ చేసుంటారా అన్న క్యూరియాసిటీ కూడా పెరిగిపోయింది.

నిజానికి  రావణ బ్రహ్మ అంటే తెలుగు వారికి గుర్తొచ్చేది విశ్వవిఖ్యాత నటసార్వభౌమ ఎన్టీఆర్ మాత్రమే.ముఖ్యంగా’సీతారామ కళ్యాణం’, ‘భూకైలాస్’ సినిమాల్లో ఆయన చూపించిన గంభీరం, ఆ ఆహార్యం నబూతో న భవిష్యత్. ఇక ఎస్వీ రంగారావు ‘సంపూర్ణ రామాయణం’లో ఆ పాత్రకు ప్రాణం పోసిన వారె.అయితే వారి బాటలో నడవాలని ట్రై చేసి చేతులు కాల్చుకున్న వారు ఎందరో.మొన్నటికి మొన్న’ఆదిపురుష్’లో సైఫ్ అలీ ఖాన్ చేసిన విన్యాసాలు ఇప్పటికీ ఒక బ్యాడ్ డ్రీమ్‌లా వెంటాడుతున్నాయి కూడా. మరి ఇప్పుడు కేవలం ‘కేజీఎఫ్’ ఇమేజ్‌తో యష్ ఆ స్థాయిని అందుకోవడం సాధ్యమేనా అంటే అనుమానమే.

విజువల్‌గా ఆకట్టుకుంటుందా లేక మిస్ మ్యాచ్‌గా మారుతుందా

మరోవైపు సీతా రాములుగా నటిస్తున్న సాయి పల్లవి,రణబీర్ కపూర్ ల పక్కన యష్ రావణుడిగా నిలబడితే అది విజువల్‌గా ఆకట్టుకుంటుందా లేక మిస్ మ్యాచ్‌గా మారుతుందా అన్నది పెద్ద క్వశ్చన్ మార్క్ . డైరెక్టర్  నితేష్ తివారి సినిమాలోని రోల్స్ గూర్చి ఎగ్జాగరేట్ చేస్తున్నాడు తప్ప టీజర్‌లో కనిపించిన నాసిరకం వీఎఫ్‌ఎక్స్ (VFX) గురించి మాత్రం మాట్లాడటం లేదు.సినిమాలో ఏఆర్ రెహమాన్ మ్యూజిక్ మరింత హైలెట్ అవుతుందని ఆశ పడ్డా  కంటెంట్ లేకపోతే ఈ విజువల్ గ్రాండియర్ కాస్తా విజువల్ డిజాస్టర్‌గా మారే ప్రమాదం పుష్కలం. మరి రావణుడిని ఒక పాఠంలా చూపిస్తామంటున్న నితేష్ తివారి సక్సెస్ అవుతాడా లేక బోల్తా పడతాడా చూడాలి.

also read:అరాచకం అంటే ఇదేనా? బన్నీ-అట్లీ మూవీ టైటిల్ లీక్.. ఇన్ని వేషాలు ఎలా గురూ !