Randeep Hooda Become Father Soon: బాలీవుడ్ ప్రముఖ నటుడు రణదీప్ హుడా గుడ్న్యూస్ చెప్పాడు. త్వరలో అతడు తండ్రిగా ప్రమోట్ కాబోతున్నాడు. ఈ విషయాన్ని ఇన్స్టాగ్రామ్ వేదికగా షేర్ చేశాడు. ఈ సందర్భంగా భార్యతో ఉన్న రొమాంటిక్ డేట్ ఫోటో షేర్ చేశాడు. తమ సెకండ్ వెడ్డింగ్ యానివర్సర్ సందర్భంగా ఫ్యాన్స్కి తీపి కబురు చెప్పాడు. ఇందులో రణ్దీప్ ఆయన భార్య లిన్ లైస్రామ్లు అడవిలో బాన్ ఫైర్ వేసుకుని ఇద్దరు సంతోషంగా నవ్వుతూ కెమెరాకు ఫోజులు ఇచ్చారు.
ఈ ఫోటోని షేర్.. “రెండేళ్ల ప్రేమ, అడ్వాచర్.. మాతో త్వరలోనే లిటిల్ వైల్డ్ కూడా జతకాబోతున్నారు” అంటూ తండ్రి కాబోతున్నట్టు ప్రకటించాడు. దీంతో రణదీప్ హుడా దంపతులకు సినీ ప్రముఖులు, ఫ్యాన్స్ నుంచి శుభకాంక్షలు వెల్లువెత్తున్నాయి. తమ రెండవ వివాహ వార్షికోత్సవం సందర్భంగా ఈ శుభవార్త చెప్పడంతో అభిమానులకు డబుల్ ట్రీట్ అయ్యింది. వారికి డబుల్ విషెస్ చెబుతూ మురిసిపోతున్నారు. కాగా ప్రస్తుతం రణ్దీప్ వయసు 50 ఏళ్లు. కాగా 2023 నవంబర్లో బాలీవుడ్ నటుడు రణదీప్ హుడా మణిపూర్కు చెందిన మోడల్, నటి లిన్ లైష్రామ్ను వివాహం చేసుకున్నారు.
Also Read: IBomma Ravi Case: తప్పు చేశా, ఇక పైరసీ చే యను.. పోలీసుల ఎదుట ఐబొమ్మ రవి పశ్చాత్తాపం
వీరిద్దరిది ప్రేమ వివాహం. కేవలం ఇరు కుటుంబ సభ్యులు, బంధువుల మధ్య వీరి పెళ్లి ఘనంగా జరిగింది. మణీపూర్ సంప్రదాయంలో జరిగిన రణదీప్ పెళ్లి అప్పట్లో సోషల్ మీడియాలో చర్చనీయాంశమైంది. పూర్తిగా మణిపూర్ సంప్రదాయంలో పెళ్లికొడుకు, పెళ్లికూతురులా రెడీ అయిన వీరి ఫోటోలు అప్పట్లో సోషల్ మీడియాలో వైరల్ అయ్యియి. ఇప్పటివరకు జరిగిన ఎన్నో బాలీవుడ్ పెళ్లిళ్లలకు భిన్నంగా రణదీప్, లిన్ వివాహం జరిగింది. ఎక్కువగా వైట్ కలర్ పూలమాలలతో మండపాన్ని అలంకరించారు. పైగా ఇలాంటి సాంప్రదాయాలతో, ఆచారాలతో ముందెప్పుడూ ఏ బాలీవుడ్ సెలబ్రిటీ వివాహం జరగలేదు.
ఏ బ్యాక్గ్రౌండ్ లేకుండా బాలీవుడ్లోకి అడుగుపెట్టిన రణదీప్ హుడా మొదట విలన్గా కెరీర్ ప్రారంభించాడు. ఆ తర్వాత హీరోగా, క్యారెక్టర్ ఆర్టిస్టుగా ఎంతో గుర్తింపు సంపాదించుకున్నాడు. మణిపూర్కు చెందిన లిన్.. ముందుగా మోడల్గా తన కెరీర్ను ప్రారంభించింది. ఆ తర్వాత హిందీ సినిమాల్లో జూనియర్ ఆర్టిస్టుగా నటించడం మొదలుపెట్టింది. మెల్లగా తనకు సినిమాల్లో చిన్న చిన్న పాత్రలు రావడం మొదలయ్యింది. చివరిగా కత్రినా కైఫ్ హీరోయిన్గా నటించిన ‘జానే జాన్’ చిత్రంలో కూడా లిన్ లైష్రామ్ కీలక పాత్ర పోషించింది.
Share
MS Dhoni: పెళ్లంటే సర్గం కాదు నరకమే... ధోని సంచలన వ్యాఖ్యలు
Australia PM Marriage: 62 ఏళ్ల వయసులో వివాహ బంధంలోకి.. అలా చేసిన మొదటి ప్రధానిగా రికార్డు
