Dhurandhar 2 Trailer: ధురంధర్ 2 ట్రైలర్ రిలీజ్.. అంతకుమించి!

Dhurandhar 2 Trailer:బాలీవుడ్ ఎనర్జిటిక్ స్టార్ రణ్‌వీర్ సింగ్, సెన్సేషనల్ డైరెక్టర్ ఆదిత్య ధర్ కాంబినేషన్‌లో వచ్చిన ‘ధురంధర్’ గతేడాది బాక్సాఫీస్‌ను షేక్ చేసిన సంగతి తెలిసిందే. ఇప్పుడు దానికి సీక్వెల్‌గా వస్తున్న ‘ధురంధర్ 2’ (ధురంధర్: ది రివెంజ్) ట్రైలర్ విడుదలై సోషల్ మీడియాలో ప్రకంపనలు సృష్టిస్తోంది. యాక్షన్, ఎమోషన్, పవర్‌ఫుల్ డైలాగ్స్‌తో నిండిన ఈ ట్రైలర్ సినిమాపై అంచనాలను ఆకాశానికి తీసుకెళ్లింది. మరి మార్చి 19న విడుదల కానున్న ఈ స్పై యాక్షన్ థ్రిల్లర్ విశేషాలేంటో ఇప్పుడు చూద్దాం.

ట్రైలర్ ఎలా వుందంటే :

తాజాగా విడుదలైన ‘ధురంధర్ 2’ ట్రైలర్ చూస్తుంటే ఇది కేవలం సునామీ కాదు, బాక్సాఫీస్ వద్ద భూకంపం సృష్టించడం ఖాయమనిపిస్తోంది. ఇందులో రణ్‌వీర్ సింగ్- జస్కిరత్ సింగ్ మరియు హమ్జా అనే రెండు విభిన్నమైన, పవర్‌ఫుల్ పాత్రల్లో కనిపించి మెస్మరైజ్ చేశారు. ఒక పాత్రలో దేశభక్తి గల స్పైగా, మరో పాత్రలో మాస్ లుక్‌తో రణ్‌వీర్ నటన వేరే లెవల్‌లో ఉంది. యాక్షన్ సన్నివేశాలు హాలీవుడ్ రేంజ్‌లో ఉండటమే కాకుండా, ఆదిత్య ధర్ టేకింగ్ ప్రతి ఫ్రేమ్‌లోనూ గ్రాండ్‌గా కనిపిస్తోంది. ముఖ్యంగా రణ్‌వీర్ డైలాగ్ డెలివరీ, స్క్రీన్ ప్రెజెన్స్ అభిమానులకు పూనకాలు తెప్పించేలా ఉన్నాయి.

హేమాహేమీలైన తారాగణం.. భారీ నిడివి:

ఈ సినిమాలో రణ్‌వీర్ సింగ్‌తో పాటు సంజయ్ దత్, ఆర్. మాధవన్, అర్జున్ రాంపాల్ వంటి స్టార్ నటులు కీలక పాత్రల్లో నటిస్తున్నారు. ట్రైలర్‌లో వీరి మధ్య వచ్చే సన్నివేశాలు హై వోల్టేజ్ డ్రామాను తలపిస్తున్నాయి. సంజయ్ దత్ విలనిజం, మాధవన్ గంభీరమైన నటన సినిమాకు ప్రధాన ఆకర్షణగా నిలవనున్నాయి. ఇక మరో ఆసక్తికరమైన విషయం ఏమిటంటే, ఈ చిత్రం సుమారు 3 గంటల 40 నిమిషాల భారీ నిడివితో రాబోతోంది. ఇంత సుదీర్ఘమైన నిడివి ఉన్నా, కథలో ఉండే వేగం ప్రేక్షకులను సీట్ ఎడ్జ్‌లో కూర్చోబెడుతుందని మేకర్స్ ధీమా వ్యక్తం చేస్తున్నారు.

పాన్ ఇండియా రిలీజ్.. రికార్డులే టార్గెట్:

ఇక మొదటి భాగం కేవలం హిందీలోనే విడుదలైనప్పటికీ భారీ విజయం సాధించింది. అందుకే ఈ సీక్వెల్‌ను మరింత ప్రతిష్టాత్మకంగా తీసుకున్న చిత్ర యూనిట్, హిందీతో పాటు తెలుగు, తమిళ, కన్నడ, మలయాళ భాషల్లో పాన్ ఇండియా రేంజ్‌లో విడుదల చేస్తోంది. మార్చి 19న థియేటర్లలోకి రానున్న ఈ సినిమా కోసం సినీ ప్రియులు ఎంతో ఆసక్తిగా ఎదురుచూస్తున్నారు. ట్రైలర్‌తోనే సెన్సేషన్ క్రియేట్ చేసిన ధురంధర్ 2, బాక్సాఫీస్ వద్ద పాత రికార్డులను తిరగరాయడం ఖాయమని సినీ విశ్లేషకులు భావిస్తున్నారు. ఇక బాక్సాఫీస్ దగ్గర ధురంధర్ సృష్టించే విధ్వంసాన్ని చూడాలంటే మార్చి 19 వరకు ఆగాల్సిందే.

also read: Gaddar Film Awards 2026: గద్దర్ ఫిలిం అవార్డ్స్ 2025.. సత్తాచాటిన నటీనటులు!