Rashmika:వరుస విజయాలతో.. కోట్లాది రూపాయల బాక్స్ ఆఫీస్ కలెక్షన్లతో ఏ హీరోకి సాధ్యం కానీ రికార్డులను క్రియేట్ చేస్తూ.. స్టార్ స్టేటస్ ను సొంతం చేసుకొని.. నేడు పాన్ ఇండియా స్థాయిలో భారీ పాపులారిటీ సొంతం చేసుకున్న రష్మిక మందన్న (Rashmika mandanna) గురించి పరిచయాలు ప్రత్యేకంగా అవసరం లేదు. అందం, అభినయంతో, వినూత్నమైన ఆలోచనలతో మెప్పిస్తూ ప్రేక్షకులను అలరిస్తున్న ఈ ముద్దుగుమ్మ పుట్టినరోజు ఈరోజు. ఈ సందర్భంగా ఆమె నటిస్తున్న మైసా మూవీ నుండి మేకర్స్ రష్మిక కు స్పెషల్ బర్తడే విషెస్ ను తెలియజేస్తూ ఆమె లుక్ పోస్టర్ ను రిలీజ్ చేశారు.
రష్మిక మందన్న వివాహం ముందు వరుస సినిమాలతో భారీ విజయాలను సొంతం చేసుకుంది. ఇప్పుడు వివాహం తర్వాత కూడా ఆ దూకుడు ఏమాత్రం తగ్గలేదు అనే చెప్పాలి. ఈ క్రమంలోనే తాజాగా ఆమె నటిస్తున్న చిత్రం మైసా. ఈ సందర్భంగా ఈ సినిమా నుంచి రష్మికకు సంబంధించిన ఒక ఇంటెన్స్ అండ్ వైల్డ్ పోస్టర్ ను చిత్ర బృందం విడుదల చేసింది . “ఆమె తన మనోహరమైన రూపంతో మనసులను దోచుకుంది. తన హుందాతనంతో అందరిని గెలుపొందింది. ఇప్పుడు ఆమె కేవలం రౌద్రంతో మన ముందుకు రాబోతోంది. ఎప్పటికీ అద్భుతంగా ఉండే రష్మికకు మైసా టీం తరఫున పుట్టినరోజు శుభాకాంక్షలు తెలియజేస్తున్నాం.. థియేటర్లలో ఆమె రౌద్ర ప్రదర్శనను చూడడానికి మీరు కూడా సిద్ధంగా ఉండండి ” అంటూ చిత్ర బృందం రాసుకొచ్చింది.
ఇకపోతే తాజాగా మైసా చిత్రం నుండి టీం పంచుకున్న ఈ పోస్టులో రష్మిక మునుపెన్నడూ కనిపించని విధంగా రా అండ్ రస్టిక్ లుక్ లో కనిపిస్తోంది. ముఖంపై రక్తపు చారలు, గాయాలతో ఉన్నప్పటికీ ఆమె కళ్ళల్లో కనిపిస్తున్న పట్టుదల ప్రేక్షకులను విపరీతంగా ఆకట్టుకుంటుంది. ఇందులో ఒక పవర్ఫుల్ గోండు తెగకు చెందిన మహిళగా రష్మిక నటిస్తోంది. ఫిమేల్ సెంట్రిక్ యాక్షన్ మూవీ గా వస్తున్న ఈ సినిమాకి రవీంద్ర పుల్లె దర్శకత్వం వహిస్తున్నారు. అంతేకాదు ఇదే ఆయనకు దర్శకుడిగా తొలి చిత్రం కూడా.. అన్ ఫార్ములా ఫిలిమ్స్ బ్యానర్ పై ఈ చిత్రాన్ని పాన్ ఇండియా వైడ్ రిలీజ్ చేయబోతున్నారు. జేక్స్ బిజోయ్ సంగీతాన్ని అందిస్తుండగా ఈ ఏడాది ప్రేక్షకుల ముందుకు రానుంది. ఇక ప్రస్తుతం రష్మికకు సంబంధించిన ఈ లుక్ సోషల్ మీడియాలో వైరల్ గా మారుతోంది.
ALSO READ:స్టేజ్ దిగొచ్చి మరీ వార్నింగ్ ఇచ్చిన హైపర్ ఆది!
రష్మిక తదుపరి చిత్రాల విషయానికి వస్తే.. మైసా చిత్రంతో పాటు ఆమె తన భర్త విజయ్ దేవరకొండ తో కలిసి రణబాలి సినిమాలో నటిస్తోంది. ఈ సినిమా షూటింగు ఇదివరకే రాయలసీమ ప్రాంతానికి సంబంధించిన పార్ట్ ను పూర్తి చేసుకున్నారు . పైగా అందుకు సంబంధించిన వీడియోలు కూడా సోషల్ మీడియాలో వైరల్ గా మారాయి. ఏది ఏమైనా విభిన్నమైన పాత్రలను పోషిస్తూ.. ప్రేక్షకులను ఆకట్టుకుంటూ నేడు గ్లోబల్ స్థాయిలో ఇమేజ్ దక్కించుకునే ప్రయత్నం చేస్తోంది ఈ చిన్నది.
Team #Mysaa wishes the ever-stunning #RashmikaMandanna a blazing Happy Birthday..❤️
Get ready for her most explosive performance yet In cinemas 2026.🔥 #RashmikaMandanna #Rashmika #Mysaa #RANABAALI #HappyBirthdayRashmika #HBDRashmikaMandanna #Tollywood #tollywoodactress… pic.twitter.com/MBxRn9UAgE
— BIG TV Cinema (@BigtvCinema) April 5, 2026
Share
ఆఫీస్ కుర్చీలో 'సైలెంట్ కిల్లర్'.. ఈ 2 నిమిషాల ట్రిక్ మీ వెన్నెముకకు శ్రీరామరక్ష!
Pallichattambi Trailer: టోవినో థామస్ ‘పళ్లిచట్టంబి’ ట్రైలర్ వచ్చేసింది చూశారా?
