Rashmika Mandanna: రష్మిక మందన్నా పేరు మరోసారి బాగా వైరల్ అవుతోంది. ఆమె సినిమా లైఫ్ అలానే పర్సనల్ లైఫ్ రెండు కూడా సోషల్ మీడియాలో హాట్ టాపిక్గా మారాయి. కొత్త సినిమా షూటింగ్తో పాటు పెళ్లి వార్తలు కూడా ఒకేసారి వినిపించడమే.. ఈ రూమర్స్ కి కారణమయ్యాయి.
అసలు విషయానికి వస్తే అల్లు అర్జున్ – అట్లీ కాంబినేషన్లో తెరకెక్కుతున్న కొత్త సినిమా ప్రకటన వచ్చినప్పటి నుంచే అభిమానుల్లో ఆసక్తి పెరిగింది. ఈ సినిమాను తాత్కాలికంగా AA22xA6 అని పిలుస్తున్నారు. ఇప్పటివరకు మేకర్స్ నుంచి అధికారిక ప్రకటన లేకపోయినా, షూటింగ్ మాత్రం సైలెంట్గా జరుగుతోందని టాక్.
తాజా సమాచారం ప్రకారం..రష్మిక మంగళవారం ముంబైలో ఈ సినిమా సెట్స్లో చేరిందట. ఆమె ఫిబ్రవరి మధ్య వరకు షూటింగ్లో పాల్గొననున్నట్లు తెలుస్తోంది. ఈ షెడ్యూల్ పూర్తయ్యాక, ఫిబ్రవరి 26న విజయ్ దేవరకొండతో ఆమె పెళ్లి జరగబోతోందనే వార్తలు కూడా వినిపిస్తున్నాయి. ఈ పెళ్లి రాజస్థాన్లో జరిగే అవకాశముందని కథనాలు చెబుతున్నాయి.
ప్రస్తుత షెడ్యూల్లో రష్మిక, అల్లు అర్జున్తో పాటు జాన్వీ కపూర్, జిమ్ సర్బ్లతో కలిసి కీలక సన్నివేశాలు చిత్రీకరిస్తోందట. ఈ భాగం మొత్తం ఇండోర్ షూట్గా, దాదాపు నెల రోజుల పాటు కొనసాగుతుందని సమాచారం. ముఖ్యంగా యాక్షన్తో పాటు భావోద్వేగ సన్నివేశాలకు ఎక్కువ ప్రాధాన్యం ఇస్తున్నారని అంటున్నారు.
పుష్ప సినిమా తర్వాత అల్లు అర్జున్ – రష్మిక జోడీ మళ్లీ కలిసి కనిపించబోతుండటంతో అభిమానులు చాలా ఉత్సాహంగా ఉన్నారు. అయితే ఈసారి రష్మిక పాత్ర పూర్తిగా భిన్నంగా, నెగటివ్ షేడ్లో ఉంటుందనే ప్రచారం మరింత ఆసక్తిని పెంచుతోంది.
ఈ సినిమా ఒక ప్యారలల్ యూనివర్స్ నేపథ్యంలో, భారీ విజువల్ ఎఫెక్ట్స్తో తెరకెక్కుతున్న యాక్షన్ మూవీగా చెబుతున్నారు. అల్లు అర్జున్ ఇందులో ఒకటి కంటే ఎక్కువ పాత్రల్లో కనిపించనున్నాడట. హాలీవుడ్ స్థాయి వీఎఫ్ఎక్స్ కంపెనీలు కూడా ఈ ప్రాజెక్ట్లో భాగమవుతున్నాయన్న వార్తలు ఉన్నాయి.
ఈ చిత్రంలో రష్మిక, అల్లు అర్జున్తో పాటు దీపికా పదుకొణె, మృణాల్ ఠాకూర్, రమ్యకృష్ణ, యోగి బాబు వంటి నటీనటులు కూడా నటిస్తున్నారు. 2025 జూన్లో ప్రారంభమైన ఈ సినిమా షూటింగ్ ఈ ఏడాది రెండో భాగంలో పూర్తయ్యే అవకాశముంది. 2027లో ప్రపంచవ్యాప్తంగా థియేటర్లలో విడుదల చేయాలని మేకర్స్ భావిస్తున్నారట. ప్రతి అప్డేట్తో ఈ సినిమాపై అంచనాలు ఇంకా పెరుగుతూనే ఉన్నాయి.
Share
Divi Vadthya: చీరలో దివి సొగసు చూడతరమా.. ఏముంది మావా.. గుండెల్ని పిండేస్తుంది..
Korean Lover Game: సారీ నాన్నా.. ఆన్ లైైన్ గేమింగ్ ఎఫెక్ట్.. ముగ్గురు అక్కాచెల్లెళ్లు బలి
