Sai Dhansika:వెండితెరపై సుకుమారంగా కనిపించే హీరోయిన్లు నిజజీవితంలోనూ అలాగే ఉంటారని అనుకుంటే పొరపాటే. అవసరమైతే తాము చండీ అవతారం ఎత్తుతామని నిరూపించింది నటి సాయి ధన్సిక. తాజాగా తాను నటించిన ‘యోగి డా’ సినిమా ప్రమోషన్లలో భాగంగా ఆమె పంచుకున్న ఒక షాకింగ్ ఇన్సిడెంట్ ఇప్పుడు సోషల్ మీడియాలో హాట్ టాపిక్గా మారింది. సెట్లో తన మనుషుల జోలికి వస్తే ఎంతటి వారినైనా వదిలిపెట్టనని, ఒక వ్యక్తిని విచక్షణారహితంగా చితకబాదానని ఆమె ధైర్యంగా చెప్పుకొచ్చింది.
సాయి ధన్సిక కేరళలో ఒక సినిమా షూటింగ్లో ఉన్నప్పుడు ఈ ఘటన చోటుచేసుకుంది. ఆమె అంకుల్ వద్దకు ఒక వ్యక్తి వచ్చి ఫోటో దిగుతానని అడిగాడు. అయితే అతను బాగా మద్యం సేవించి ఉండటంతో ఆమె అంకుల్ నిరాకరించారు. దాంతో ఆగ్రహానికి గురైన ఆ వ్యక్తి, ధన్సిక అంకుల్ను కొట్టి అక్కడి నుండి పారిపోవడానికి ప్రయత్నించాడు. ఇది చూసిన ధన్సికకు విపరీతమైన కోపం వచ్చింది. ఇక తాను ఆత్మరక్షణ కోసం తీసుకున్న మార్షల్ ఆర్ట్స్ శిక్షణను ఆ క్షణంలో బయటకు తీశానని, పారిపోతున్న ఆ వ్యక్తిని వెంబడించి పట్టుకుని చితకబాదానని ఆమె ఓ ఇంటర్వ్యూ లో తెలిపింది.
ఆ తాగుబోతును పట్టుకున్న ధన్సిక దాదాపు పది నిమిషాల పాటు నిర్విరామంగా కొడుతూనే ఉంది. ఇక ఆమె ఆవేశం చూసి షూటింగ్ సెట్లోని వారంతా నివ్వెరపోయారు. చివరికి సినిమా దర్శకుడు, హీరో వచ్చి ఆమెను వెనుక నుండి పట్టుకుని ఆపే ప్రయత్నం చేశారు. వారిని కూడా పక్కకు నెట్టేస్తూ ఆమె ఆ వ్యక్తిపై విరుచుకుపడింది. “నా మనుషుల జోలికి వస్తే నేను అస్సలు ఊరుకోను, ఆ సమయంలో నాకు ఎదురుగా ఎవరున్నా సరే నా కోపం తగ్గదు” అంటూ ఆమె తన కోపాన్ని బయటపెట్టింది. ఈ ఘటనతో సాయి ధన్సిక కేవలం గ్లామర్ డాల్ మాత్రమే కాదు, రియల్ లైఫ్ ఫైటర్ అని ప్రూవ్ చేసుకుంది.
ALSO READ:RajaSaab: ఏంటీ ఇన్ని తప్పులా.. చూసుకోవాలిగా మారుతి.. ఆడేసుకుంటున్న ఫ్యాన్స్!
సాయి ధన్సిక తెలుగులో ‘షికారు’ వంటి సినిమాలతో మెప్పించినా, తమిళ, మలయాళ చిత్రాల్లో మంచి గుర్తింపు తెచ్చుకుంది. ఇక ఆమె వ్యక్తిగత విషయానికొస్తే, నటుడు విశాల్తో ఆమె వివాహం ఈ ఏడాది హాట్ టాపిక్గా మారనుంది. ఇక గతేడాది ఆగస్టులోనే వీరి పెళ్లి జరగాల్సి ఉన్నా, కొన్ని కారణాల వల్ల ఎంగేజ్మెంట్తోనే సరిపెట్టుకున్నారు. మరి ఈ ఏడాది ఆగస్టు 29న అయినా వీరిద్దరూ వివాహ బంధంతో ఒకటి అవుతారో లేదో చూడాలి. ఏదేమైనా, సెట్లో ఆమె చూపిన ధైర్యం ఇప్పుడు నెటిజన్ల ప్రశంసలు అందుకుంటోంది.
Share
Jagan Suriya: జగన్ మోహన్ రెడ్డిని ఓ ప్రైవేట్ కార్యక్రమంలో కలుసుకున్న సూర్య బ్రదర్స్.. ఎందుకంటే?
Viral Video: బుర్ఖా వేసుకుని లేడీస్ కోచ్ లోకి వెళ్లిన వ్యక్తి.. అసలు విషయం తెలియడంతో..
