Sankranthi Movies 2026 Collections: 2026 సంక్రాంతి బాక్సాఫీస్ సీజన్ ప్రేక్షకులకు పూర్తిగా ఊహించని మలుపు ఇచ్చింది. ఈసారి పెద్ద సినిమాల మధ్య నేరుగా క్లాష్ లేకపోవడంతో ముందస్తు హడావిడి చాలా తక్కువగా కనిపించింది. అయినా పండుగ సీజన్ కావడంతో అన్ని సినిమాలకు థియేటర్లలో మంచి స్పందన వస్తుందని ట్రేడ్ వర్గాలు అంచనా వేశాయి.
ఆరంభం నుంచే ది రాజా సాబ్ సంక్రాంతిని ఏలుతుందని అందరూ భావించారు. ముఖ్యంగా ప్రభాస్ నటించిన సినిమా కావడంతో భారీ వసూళ్లు ఖాయమని అంచనాలు ఏర్పడ్డాయి. కానీ సినిమా అమలు చాలా బలహీనంగా ఉండటంతో ప్రేక్షకులను ఆకట్టుకోలేకపోయింది. కథనం, స్క్రీన్ప్లే ఆశించిన స్థాయిలో లేకపోవడంతో ఈ సినిమా భారీ నష్టాల జాబితాలో చేరింది.
మరోవైపు దర్శకుడు అనిల్ రావిపూడి గత కొంతకాలంగా సోషల్ మీడియాలో తీవ్ర ట్రోలింగ్ ఎదుర్కొన్నారు. అయితే ఈసారి చిరంజీవితో చేసిన సినిమా బాక్సాఫీస్లో విజయం సాధించింది. రివ్యూలు సగటుగా వచ్చినా, కుటుంబ ప్రేక్షకులు ఈ సినిమాను ఎక్కువగా ఆదరించారు. సంక్రాంతి సెలవుల్లో ప్రేక్షకుల తొలి ఎంపికగా ఈ సినిమా నిలిచింది.
రవితేజ నటించిన బీఎండబ్ల్యూకు గత చిత్రాల కంటే మంచి స్పందన వచ్చింది. అయినా ఆ స్పందన వసూళ్లుగా మారలేదు. ఇటీవల రవితేజ చేస్తున్న సినిమాలపై ప్రేక్షకుల్లో నమ్మకం తగ్గిందని ఈ ఫలితం స్పష్టంగా చూపిస్తోంది. ఆ నమ్మకాన్ని తిరిగి సంపాదించుకోవడం ఆయనకు కీలకంగా మారింది.
నవీన్ పోలిశెట్టి నటించిన అనగనగా ఒక రాజు మొదట్లో మిశ్రమ స్పందన పొందింది. అయినా సినిమా థియేటర్లకు ప్రేక్షకులను రప్పించింది. సంక్రాంతి సీజన్ కలిసిరావడంతో ఈ సినిమా భారీ వసూళ్లు సాధించి, నవీన్ కెరీర్లోనే అతిపెద్ద హిట్గా నిలిచింది.
చివరగా శర్వానంద్ నటించిన నారి నారి నడుమ మురారి నిశ్శబ్దంగా విడుదలైంది. అంచనాలు తక్కువగా ఉన్నా, వినోద పరంగా మంచి సినిమా అని ప్రేక్షకులు అభిప్రాయపడ్డారు. థియేటర్లు పరిమితంగా ఉండటమే వసూళ్లు తగ్గడానికి ప్రధాన కారణం అని చెప్పవచ్చు.
ఈ క్రమంలో సంక్రాంతి 2026 బాక్సాఫీస్లో ప్రభాస్ సినిమా ఆశించిన ఫలితం ఇవ్వలేకపోయింది. మిగతా సినిమాల పరిస్థితి కూడా అనుకున్నదొకటి అయినదొక్కటిలానే తయారయింది.. చిరంజీవి సినిమా సూపర్ హిట్ అందుకోగా.. మంచి టాక్ తెచ్చుకున్న నారి నారి నడుము మురారి కలెక్షన్స్ యావరేజ్ గా.. రవితేజ ఈ మధ్య సినిమాల్లో బెస్ట్ సినిమా అనిపించకుండా భర్త మహాశయులకు విజ్ఞప్తి కూడా కలెక్షన్స్ పరంగా బిలోవ్ యావరేజ్ గా మిగిలిపోయాయి.
ALSO READ: Mohan Babu: పండగ రోజు తూలుతున్న మోహన్ బాబు… మందు కొట్టాడా అంటూ ట్రోల్స్
Share
Rashmika Mandanna: ఆ హీరోలతో ఆన్ స్క్రీన్ కెమిస్ట్రీ బాగుంటుంది... రష్మిక కామెంట్స్ వైరల్!
AP Investments: ఏపీకి స్విస్ పెట్టుబడుల వెల్లువ.. జ్యూరిచ్లో రాయబారితో సీఎం చంద్రబాబు, మంత్రి లోకేష్ కీలక భేటీ!
