Singer Mangli: సింగర్ మంగ్లీ ప్రస్తుతం మైక్రో ఫైనాన్స్ వివాదంలో చిక్కుకున్న సంగతి తెలిసిందే. గత కొద్దిరోజులుగా ఈ వివాదంలో చిక్కుకున్న మంగ్లీ (Mangli)పై ఇప్పటికే బాధితులు న్యాయం కావాలి అంటూ పోరాటం చేస్తున్నారు. సింగర్ మంగ్లీ పై అలాగే తనకు సంబంధించిన పలువురిపై ఇప్పటికే కేసులు కూడా నమోదు అయ్యాయి. ఈ ఆరోపణలలో ఏమాత్రం నిజం లేదని , ఈ మైక్రో ఫైనాన్స్ కేసుకి తనకు ఏమాత్రం సంబంధం లేదని తెలిపారు..ఈ వివాదం కొనసాగుతున్న మంగ్లీ సోషల్ మీడియా వేదికగా ఈ విషయంలో తన ప్రమేయం లేదని తన తప్పు ఏమాత్రం లేదంటూ నిత్యం పోస్టులు పెడుతూనే ఉన్నారు. తాజాగా ఈమె సోషల్ మీడియా వేదికగా చేసిన పోస్ట్ వైరల్ అవుతుంది . ఈ మైక్రో ఫైనాన్స్ కేసులో తనకు ఏమాత్రం సంబంధం లేదని ఈ సందర్భంగా మరోసారి తెలియజేశారు.
ఇంస్టాగ్రామ్ వేదికగా మంగ్లీ ఈ విషయంపై స్పందిస్తూ మైక్రో ఫైనాన్స్ సుభాక్షేత్ర ఇన్ఫ్రా మోసంలో బాధితులకు న్యాయం జరిగింది. వాళ్లకు న్యాయం జరగాలని నేను ఆశిస్తున్నాను. బాధితులకు న్యాయం జరిగే వరకూ వాళ్లకు అండగా ఉంటానని గతంలో చెప్పానని, ఇప్పుడు కూడా చెబుతున్నానని తెలిపారు. ఈ ఆర్థిక మోసంలో నాకు ఎలాంటి ప్రమేయం లేదని బహిరంగంగా చెబుతున్న కానీ ఈ వ్యవహారాన్ని కొత్తపల్లి ఆసరాగా చేసుకుని కొంతమంది వ్యక్తులు శక్తులు నాపై పని కట్టుకొని కుట్రలు చేస్తున్నారు. నిరాదరణమైన ఆరోపణలు చేస్తున్నారు. నోటికి వచ్చినట్లు మాట్లాడి దుష్ప్రచారం చేస్తున్నారు. న్యాయవ్యవస్థ పై చట్టంపై నాకు సంపూర్ణ నమ్మకం గౌరవం ఉంది అంటూ మంగ్లీ తెలిపారు.
ఈ మైక్రో ఫైనాన్స్ కేసులో భాగంగా తన గురించి వస్తున్న ఆరోపణలలో నిజం లేదని తాను నిజం చెబుతున్న ఎవరు నమ్మడం లేదని తెలిపారు అలాగే ఉద్దేశం పూర్వకంగానే కుట్రలు చేస్తున్నారని ఈమె ఆవేదన చెందారు. గతంలో కూడా మంగ్లీ ఈ అంశం గురించి మాట్లాడుతూ తాను ఎవరిని కలవలేదని, ఎవరి దగ్గర ఏ విధమైనటువంటి డబ్బులు తీసుకోలేదని, అలా తీసుకున్నట్టు నిరూపిస్తే తానేం చేయడానికి అయినా సిద్ధమేనని తెలిపారు. ఇక సింగర్ మంగ్లీ గురించి అడ్వకేట్ సుబ్బారావు కేసు వేయడంతో ఆయనపై కూడా ఈమె కేసు నమోదు చేశారు.
తనకు సుబ్బారావు అనే వ్యక్తి ఎవరో కూడా తెలియదని ఈమె ఈ విషయంపై ఆవేదన చెందారు. అయితే ఇప్పటికే ఎంతోమంది తాము మైక్రో ఫైనాన్స్ బాధితులమని సింగర్ మంగ్లీ పేరు చెబితేనే డబ్బులు ఇచ్చామని, స్వయంగా సింగర్ మంగ్లీ ఇంటికి వెళ్లి తాము డబ్బులు ఇచ్చాము అంటూ పలువురు బాధితులు మీడియా ముందుకు వచ్చి ఆవేదన వ్యక్తం చేశారు. ఇక మంగ్లీ మాత్రం ఈ కేసుకి తనకు సంబంధం లేదని తెలిపారు. మరి ఈ వ్యవహారం ఇలాంటి పరిణామాలకు దారి తీస్తుందనేది తెలియాల్సి ఉంది. ఈ కేసు విభాగంలో సింగర్ మంగ్లీ తప్పు చేశారని నిరూపిస్తే ఈమెపై ఇండస్ట్రీ వేటు వేయబోతుందని, అరెస్ట్ అయ్యే అవకాశాలు ఉంటాయని తెలుస్తుంది.
Share
బీజేపీ ఎమ్మెల్యే అభ్యర్థిని పరిగెత్తించి కొట్టారు.. ఎక్కడో కాదు..!
రూ.కోట్ల కుంభకోణం.. బాధితులకు అండగా ఉంటా, మంగ్లీ ఆవేదన
