బీజేపీ ఎమ్మెల్యే అభ్యర్థిని పరిగెత్తించి కొట్టారు.. ఎక్కడో కాదు..!

West Bengal: పశ్చిమ బెంగాల్ ఎన్నికలంటేనే రాజకీయం రణరంగంగా మారుతుందనేది మరోసారి నిజమైంది. తొలి విడత పోలింగ్ సందర్భంగా రాష్ట్రంలోని పలు ప్రాంతాల్లో తీవ్ర ఉద్రిక్తతలు చోటుచేసుకున్నాయి. ముఖ్యంగా కుమార్‌గంజ్ నియోజకవర్గంలో చోటుచేసుకున్న ఘటనలు బెంగాల్ ఎన్నికల హింసకు అద్దం పడుతున్నాయి. అక్కడ బీజేపీ అభ్యర్థి సుబేందు సర్కార్‌పై తృణమూల్ కాంగ్రెస్ (టీఎంసీ) కార్యకర్తలు మూకుమ్మడిగా దాడికి దిగడం సంచలనంగా మారింది.

స్థానిక పోలింగ్ కేంద్రాల వద్ద పరిస్థితిని సమీక్షించేందుకు సుబేందు సర్కార్ వెళ్లిన సమయంలో, టీఎంసీ కార్యకర్తలతో ఒక్కసారిగా వాగ్వాదం మొదలైంది. ఇది కాస్తా ముదిరి ఘర్షణకు దారితీసింది. పరిస్థితి అదుపు తప్పుతోందని గ్రహించిన పోలీసులు అడ్డుకునే ప్రయత్నం చేసినప్పటికీ, ఉద్రేకంతో ఉన్న కార్యకర్తలు అభ్యర్థిని లక్ష్యంగా చేసుకుని దాడికి దిగారు. తన ప్రాణాలను కాపాడుకునేందుకు సుబేందు సర్కార్ రోడ్డుపై నుంచి పక్కనే ఉన్న పొలాల్లోకి పరుగులు తీయాల్సి వచ్చింది. ఆయనను పరిగెత్తించి మరీ దాడి చేశారు.

కేవలం కుమార్‌గంజ్‌లోనే కాకుండా, కూచ్‌బెహార్ వంటి ఇతర ప్రాంతాల్లో కూడా చిన్న చిన్న హింసాత్మక ఘటనలు నమోదయ్యాయి. ఓటర్లను భయభ్రాంతులకు గురిచేయడం, పోలింగ్ ఏజెంట్లను అడ్డుకోవడం వంటి ఆరోపణలతో ఇరు పార్టీల మధ్య ఘర్షణలు తలెత్తాయి. ఎన్నికల కమిషన్ భారీగా భద్రతా దళాలను మోహరించినప్పటికీ, గ్రౌండ్ లెవల్‌లో రాజకీయ కక్షలు హింస రూపం దాల్చడం ప్రజాస్వామ్యవాదులను ఆందోళనకు గురిచేస్తోంది. బెంగాల్‌లో పోలింగ్ అంటే ఓటు వేయడమే కాదు, ప్రాణాలతో బయటపడటం కూడా ఒక సవాలుగా మారుతోందనే విమర్శలు వినిపిస్తున్నాయి.

Also Read: తీన్మార్ డ్యాన్సులు చేస్తే పాపాలు పోవు.. బీఆర్ఎస్ నేతలకు చామల స్ట్రాంగ్ కౌంటర్!

పశ్చిమ బెంగాల్ ఎన్నికల్లో ఉద్రిక్తత

పలు చోట్ల టీఎంసీ, బీజేపీ కార్యకర్తల మధ్య ఘర్షణలు

కుమార్‌గంజ్‌లో బీజేపీ అభ్యర్థి సుబేందు సర్కార్‌పై తృణమూల్ కాంగ్రెస్ కార్యకర్తలు దాడి

పోలీసులు అడ్డుకునేందుకు ప్రయత్నం, టీఎంసీ కార్యకర్తల దాడి నుంచి తప్పించుకునేందుకు పొలాల్లోకి పరిగెత్తిన… pic.twitter.com/GO3gj4DSFf

— BIG TV Breaking News (@bigtvtelugu) April 23, 2026