స్టార్ సింగర్ పై మ్యూజిక్ డైరెక్టర్ లైంగికదాడి… నేనే కాదు చాలామంది అమ్మాయిలు అంటూ!

Film industry: ప్రముఖ గాయని స్వాగత కృష్ణన్ తమిళ సంగీత పరిశ్రమను కుదిపేసే సంచలన ఆరోపణలు చేశారు. ఒక ప్రముఖ మ్యూజిక్ డైరెక్టర్ తనను గురువులా నమ్మించి, లైంగిక దాడికి పాల్పడటమే కాకుండా, సీసీటీవీ కెమెరాలతో రికార్డ్ చేసి బ్లాక్ మెయిల్ చేశాడని ఆవేదన వ్యక్తం చేశారు. తనలాంటి బాధితులు ఇంకా చాలా మంది ఉన్నారని, అందుకే ఆయనను ‘ఎప్‌స్టీన్ ఆఫ్ మద్రాస్’ అని పిలుస్తున్నానని ఆమె షాకింగ్ నిజాలు బయటపెట్టారు.

మాయమాటలతో దగ్గరై.. గురువులా నటించి:

స్వాగత కృష్ణన్ తన జీవితంలో ఎదురైన చీకటి రోజులను తలచుకుంటూ ఎంతో బాధపడ్డారు. ఏడేళ్ల క్రితం తాను బ్రేకప్ వల్ల తీవ్రమైన డిప్రెషన్‌లో ఉన్నానని, ఆ సమయంలోనే సదరు సంగీత దర్శకుడు తన జీవితంలోకి వచ్చారని తెలిపారు. తనకు అండగా ఉంటానని, సంగీతంలో మెళకువలు నేర్పిస్తానని నమ్మించి దగ్గరయ్యారని, ఒక గురువులా నటిస్తూ తనను బుట్టలో వేసుకున్నారని ఆమె పేర్కొన్నారు.

సౌండ్‌ప్రూఫ్ గదిలో దారుణం:

అసలు విషయం ఏమిటంటే, ఒకరోజు ఆయన తన స్టూడియోలోని సౌండ్‌ప్రూఫ్ గదిలోకి ఆమెను తీసుకెళ్లి, తలుపులు లాక్ చేసి బలవంతంగా లైంగిక దాడికి పాల్పడ్డారట. అంతటితో ఆగకుండా, ఆ గదిలో ఉన్న సీసీటీవీ కెమెరాల్లో ఆ దృశ్యాలన్నీ రికార్డ్ అయ్యేలా ప్లాన్ చేశారని స్వాగత ఆరోపించారు. ఇక ఆ వీడియోలను చూపించి తనను బెదిరించడమే కాకుండా, మానసికంగా వేధించాడని ఆమె ఆవేదన వ్యక్తం చేశారు.

డబ్బుల కోసం వేధింపులు.. అప్పుల పేరుతో మోసం:

లైంగిక దాడి మాత్రమే కాదు, ఆర్థికంగా కూడా తనను ఆ దర్శకుడు దెబ్బతీశారని స్వాగత తెలిపారు. ఆమె చేసిన పాటలకు, కోరస్ కంపోజిషన్‌కు రావాల్సిన రెమ్యునరేషన్ ఇవ్వకుండా ఎగ్గొట్టారట. పైగా తనకు చాలా అప్పులు ఉన్నాయని నమ్మించి, ఆమె దగ్గరే భారీ మొత్తంలో డబ్బులు తీసుకుని తిరిగి ఇవ్వకుండా మోసం చేశాడని చెప్పారు. ఇక ఈ వేధింపులు భరించలేక తాను ఎవరికీ చెప్పుకోలేక డిప్రెషన్లోకి వెళ్లానని వాపోయారు.

రిషికేష్‌కు పయనం.. ఇండస్ట్రీకి దూరం:

ఈ భయంకరమైన సంఘటనల వల్ల కలిగిన మానసిక ఒత్తిడి తట్టుకోలేక, స్వాగత చెన్నైని వదిలి రిషికేష్ వెళ్లిపోయారు. అక్కడ చికిత్స తీసుకుంటూ తనను తాను కోలుకునేలా చేసుకున్నారు. ప్రస్తుతం అక్కడ ఒక బిజినెస్ చేసుకుంటూ గడుపుతున్నారు. ఇక తన పేరు పాడుచేయడానికి సదరు డైరెక్టర్ తనపై దొంగతనం వంటి తప్పుడు ఆరోపణలు కూడా చేశారని, అందుకే ఇండస్ట్రీకి దూరమయ్యానని ఆమె వెల్లడించారు.

also read:మే 21న మలయాళం దృశ్యం3 తెలుగులో కూడా.. వెంకీ తప్పుకోవడానికి కారణం?

న్యాయపోరాటానికి సిద్ధం:

ఇంతకాలం మౌనంగా ఉన్న స్వాగత, ఇప్పుడు ఎందుకు బయటపెడుతున్నారంటే.. మరో యువతి కూడా తనలాగే ఆ వ్యక్తి వల్ల ఇబ్బంది పడిందని తెలిసిందట. తనలా మరెవరూ నష్టపోకూడదనే ఉద్దేశంతోనే ఈ విషయాలను బయటపెడుతున్నట్లు చెప్పారు. భయం వల్ల అప్పట్లో పోలీసులకు చెప్పలేదని, కానీ ఇప్పుడు న్యాయపరంగా పోరాడతానని ఆమె స్పష్టం చేశారు. ఆమె సోదరి మాయ కృష్ణన్ కూడా బిగ్ బాస్ వంటి షోలతో పాపులర్ అయిన సంగతి తెలిసిందే.

కళాకారులకు ప్రాణం పోయాల్సిన సంగీత ప్రపంచంలో ఇలాంటి మృగాళ్లు ఉండటం దురదృష్టకరం. స్వాగత కృష్ణన్ చేసిన ఈ ఆరోపణలు ఇప్పుడు తమిళ ఇండస్ట్రీలో హాట్ టాపిక్ గా మారాయి. ఆమె ఆ డైరెక్టర్ పేరు బయటపెట్టకపోయినా, ఆమె ఇచ్చిన హింట్స్ తో నెటిజన్లు ఆ వ్యక్తి ఎవరై ఉంటారా అని ఆరా తీస్తున్నారు. బాధితులకు న్యాయం జరగాలని, ఇలాంటి దారుణాలు ఆగిపోవాలని కోరుకుందాం.