Sree Leela: తల్లికి స్పెషల్ బర్త్ డే విషెస్ చెప్పిన శ్రీలీల.. ఊహించని సర్ప్రైజ్ ఇస్తూ!

Sree Leela:కన్నడ ముద్దుగుమ్మ అయిన శ్రీలీల (SreeLeela ) తెలుగులో ‘పెళ్లి సందD’ సినిమాతో ఎంట్రీ ఇచ్చి మొదటి సినిమాతోనే తన అమాయకపు చూపులతో అందరి దృష్టిని ఆకట్టుకుంది. ఇండస్ట్రీలోకి వచ్చిన కొత్తలోనే మాస్ మహారాజా రవితేజ సరసన ‘ధమాకా’ సినిమాలో నటించి తన అద్భుతమైన పర్ఫామెన్స్ తో భారీ విజయాన్ని తన ఖాతాలో వేసుకుంది. అయితే ఆ తర్వాత కథల ఎంపిక విషయంలో కాస్త తడబడిన శ్రీ లీల వరుసగా డిజాస్టర్ లను మూట కట్టుకుంటూ వచ్చింది. ఇక మధ్యలో గుంటూరు కారం, భగవంత్ కేసరి వంటి సినిమాలు బ్లాక్ బస్టర్ విజయాలను అందుకున్నా.. అనుకున్నంత స్థాయిలో శ్రీ లీల లకు గుర్తింపు అయితే లభించలేదు.

ప్రత్యేక పుట్టినరోజు శుభాకాంక్షలు తెలియజేసిన శ్రీ లీల..

దీనికి తోడు ఇటీవల తమిళ్ లో శివ కార్తికేయన్ (Siva Karthikeyan) హీరోగా వచ్చిన ‘పరాశక్తి’ సినిమాలో కూడా నటించింది. అయితే ఈ సినిమా కొన్ని వర్గాల ప్రేక్షకులను ఆకట్టుకున్నా.. చాలా వరకు రాజకీయ నాయకుల నుంచి తీవ్ర వ్యతిరేకత ఎదుర్కొంది. దాంతో థియేటర్లలో అనుకున్న కలెక్షన్లు కూడా రాబట్ట లేకపోయింది ఈ చిత్రం. ప్రస్తుతం ఓటీటీలోకి రాబోతోంది. ఇదిలా ఉండగా మరొకవైపు సోషల్ మీడియాలో యాక్టివ్ గా ఉంటూ ఎప్పటికప్పుడు తన గ్లామర్ ఫోటోలను అభిమానులతో పంచుకునే ఈ ముద్దుగుమ్మ తాజాగా తన తల్లి పుట్టిన రోజు సందర్భంగా స్పెషల్ విషెస్ చెబుతూ ఒక క్యాప్షన్ కూడా జోడించడమే కాకుండా తన తల్లితో గడిపిన బెడ్ టైమ్ సందర్భాలకు సంబంధించిన ఫోటోలను పంచుకుంది. అంతేకాదు పులి తల్లి ఒడిలో ఒదిగిపోయిన పిల్లలా తన తల్లిని హత్తుకొని ప్రేమగా తన తల్లికి పుట్టిన రోజు శుభాకాంక్షలు తెలియజేసింది.

తల్లి ఒడిలో ఒదిగిపోయి మరీ..

అంతేకాదు తన తల్లి యంగ్ ఏజ్ లో ఉన్నప్పుడు ఉన్న ఫోటోని కూడా పంచుకుంటూ.. “పుట్టినరోజు శుభాకాంక్షలు అమ్మ.365 రోజులలో ప్రతిక్షణం నన్ను కంటికి రెప్పలా కాపాడుకుంటావు. నిస్వార్థ ప్రేమ అంటే ఎలా ఉంటుందో నిన్ను చూశాకే నాకు అర్థం అయింది ముఖ్యంగా నీతో పంచుకునే బంధం నాకు చాలా ఇష్టం. నువ్వు నాకు ధైర్యంగా ఉండడం నేర్పించావు. కానీ నేను నా కొద్దిపాటి తెలివితేటలతో కష్టాలను ఎలా ఎదుర్కోవాలో నీకు నేర్పిస్తాను. నాకు అన్ని జన్మలలో కూడా నువ్వే నాకు తల్లిగా ఉండాలని కోరుకుంటున్నాను. ముఖ్యంగా నన్ను ఈ లోకంలోకి తీసుకువచ్చినందుకు ప్రత్యేక ధన్యవాదాలు” అంటూ తన తల్లికి స్పెషల్ పుట్టినరోజు శుభాకాంక్షలు తెలియజేసింది. ముఖ్యంగా తన తల్లి చిన్ననాటి ఫోటోని పంచుకోవడం ఆమెకు మరింత సర్ప్రైజ్ ను ఇచ్చిందని చెప్పవచ్చు.

ALSO READ:Netflix: నేరుగా ఓటీటీలో విడుదల కానున్న 7 సినిమాలు.. మీ ఫేవరెట్ మూవీ కూడా?

శ్రీలీల ప్రస్తుత సినిమాలు..

పవర్ స్టార్ పవన్ కళ్యాణ్(Pawan Kalyan)హీరోగా, హరీష్ శంకర్ (Harish Shankar)దర్శకత్వంలో వస్తున్న ‘ఉస్తాద్ భగత్ సింగ్’ సినిమాలో హీరోయిన్ గా నటిస్తోంది.ఇక ఈ ఏడాది ప్రేక్షకుల ముందుకు రానున్న విషయం తెలిసిందే. మరొకవైపు హిందీలో కార్తీక్ ఆర్యన్ (Karthik Aryan) హీరోగా నటిస్తున్న సినిమాలో కూడా నటిస్తోంది..కనీసం అక్కడైనా శ్రీ లీల సక్సెస్ అందుకుంటుందో లేదో చూడాలి.