Sree Nandu: నరకం అనుభవించా.. దేశం విడిచి వెళ్లిపోవాలనుకున్నా.. నందు ఎమోషనల్!

Sree nandu: శ్రీ నందు పరిచయం అవసరం లేని పేరు. టాలీవుడ్ ఇండస్ట్రీలో హీరోగా పలు సినిమాలలో నటించిన ఈయన హీరోగా సక్సెస్ అందుకోలేకపోయారని చెప్పాలి. ఇప్పటికి ఇండస్ట్రీలో సక్సెస్ కోసం సరికొత్త ప్రయత్నాలు చేస్తూ ప్రేక్షకుల ముందుకు వస్తున్నారు. నందు(Nandu) ఇండస్ట్రీలోకి అడుగు పెట్టి దాదాపు 19 సంవత్సరాలు అవుతున్న ఇప్పటికీ చెప్పుకోదగ్గ హిట్ సినిమాలు లేవని చెప్పాలి. ఇలా నటుడుగా సక్సెస్ కానీ నందు బుల్లితెరపై యాంకర్ గా కొనసాగుతూ ఉన్నారు. ఇక త్వరలోనే నందు హీరోగా నటించిన సైక్ సిద్ధార్థ్(Pscy siddhartha) సినిమా ప్రేక్షకుల ముందుకు రాబోతుంది. నిజానికి ఈ సినిమా డిసెంబర్ 12వ తేదీ విడుదల కావాల్సి ఉండగా బాలకృష్ణ అఖండ 2 విడుదలవుతున్న నేపథ్యంలో జనవరి ఒకటవ తేదీ విడుదలకు సిద్ధమవుతుంది..

డబ్బు కోసమే సినిమాలు చేశా..

ఈ క్రమంలోనే పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్న నందు మాట్లాడుతూ కాస్త ఎమోషనల్ అయ్యారు. తనతో పాటు ఇండస్ట్రీలోకి అడుగుపెట్టిన ప్రియదర్శి విజయ్ దేవరకొండ సిద్దు జొన్నలగడ్డ లాంటి వారందరూ కూడా ఇండస్ట్రీలో మంచి సక్సెస్ అందుకున్నారు కానీ నేను మాత్రం సక్సెస్ అందుకోలేకపోయానని అందుకు కారణం తానేనని తెలిపారు. ఒకప్పుడు డబ్బుల కోసం సినిమాలు చేశాను. ఇలా చేయటం వల్లే ఇప్పటికి నాకు సక్సెస్ రాలేదని నందు ఎమోషనల్ అయ్యారు.

హోటల్లో పని చేయాలనుకున్నాం..

ఒకానొక సమయంలో తనకు సంబంధం లేని విషయాలలో తనను ఇరికించినప్పుడు చాలా బాధపడ్డానని ఆ సమయంలో తాను చాలా కుమిలిపోయానని తెలిపారు. దాదాపు రెండు వారాలపాటు నరకం అనుభవించాను, ఆ సమయంలోనే ఇండియా వదిలి ఎక్కడికైనా వెళ్ళిపోదామని నిర్ణయం తీసుకున్నానని నందు తెలిపారు. ఇక గీత ఇక్కడ స్టార్ సింగర్ అయినప్పటికీ తనకోసం తన జీవితాన్ని వదులుకొని మనం వేరే దేశం వెళ్లి ఏదైనా హోటల్లో పని చేసుకుందాం అంటూ ధైర్యం చెప్పింది.

బ్యాక్ గ్రౌండ్ లేకపోతే బల్లి పశువును చేస్తారు..

ఇప్పటికీ ఆ క్షణాలను తలుచుకుంటే కన్నీళ్లు లాగవు అంటూ నందు ఎమోషనల్ అయ్యారు . బహుశా నేను సినిమా ఇండస్ట్రీలో లేకపోతే నా గురించి అలాంటి రూమర్స్ వచ్చేవి కాదేమో, ఇక్కడ సినీ బ్యాగ్రౌండ్ లేకుండా ఇండస్ట్రీలోకి వచ్చిన వాళ్లను కచ్చితంగా బలి పశువులను చేస్తారని నందు చేసిన ఈ వ్యాఖ్యలు వైరల్ అవుతున్నాయి. ఇలా ఎన్నో అవమానాలను ఎదుర్కొంటూ ఈయన ఇండస్ట్రీలో సక్సెస్ కోసం పోరాటం చేస్తున్నారు . మరి జనవరి ఒకటో తేదీ విడుదల కాబోతున్న సైక్ సిద్ధార్థ్ సినిమా అయినా నందుకి హిట్ అందించేనా అనేది తెలియాల్సి ఉంది. ఇప్పటివరకు సినిమా నుంచి విడుదల చేసిన ప్రమోషనల్ అప్డేట్ చూస్తుంటే మాత్రం సినిమా పట్ల మంచి అంచనాలే ఉన్నాయి. ఇందులో నందు సిద్ధార్థ రెడ్డి అనే విభిన్నమైన పాత్రలో కనిపించనున్నారు.

Also Read: Peddi Shooting: పెద్ది అప్డేట్..మేజర్ షెడ్యూల్ షూటింగ్ పూర్తి!