Sreeleela: పవన్ పైనే ఆశలు.. అప్పుడు శృతి హాసన్.. ఇప్పుడు శ్రీలీల!

Sreeleela: టాలీవుడ్ యంగ్ బ్యూటీ శ్రీ లీల (Sreeleela)ప్రస్తుతం భాషతో సంబంధం లేకుండా వరుస భాషా సినిమాలలో నటిస్తున్నారు. ప్రస్తుతం ఈమె తెలుగు సినిమాలతో పాటు తమిళ ఇండస్ట్రీలోకి కూడా అడుగుపెట్టిన సంగతి తెలిసిందే. అక్కడ ఏకంగా ధనుష్ లాంటి స్టార్ హీరోల సినిమాలలో కూడా అవకాశాలు అందుకుంటున్నారు. ఇక బాలీవుడ్ సినిమాలలో కూడా ఎంతో బిజీగా గడుపుతున్నారు. తెలుగు చిత్ర పరిశ్రమలో ఇప్పటివరకు అరడజనుకు పైగా సినిమాలలో నటించిన శ్రీ లీల సరైన సక్సెస్ మాత్రం అందుకోలేకపోయారు. ఈ నేపథ్యంలోనే ఈమె టాలీవుడ్ కెరియర్ అయోమయ పరిస్థితిలలో ఉంది. ఇటీవల ఈమె రవితేజ హీరోగా నటించిన మాస్ జాతర అనే సినిమా ద్వారా ప్రేక్షకుల ముందుకు వచ్చారు.

ఉస్తాద్ పైనే శ్రీలీల ఆశలు..

ఈ సినిమా ఎన్నో అంచనాల నడుమ విడుదలైన అనుకున్న స్థాయిలో సక్సెస్ అందుకోలేకపోయింది ఇక శ్రీ లీల తెలుగులో పవర్ స్టార్ పవన్ కళ్యాణ్ ఉస్తాద్ భగత్ సింగ్(Ustaad Bhagat Singh) సినిమాలో నటించిన సంగతి తెలిసిందే. ఈ సినిమా 26వ తేదీ ప్రేక్షకుల ముందుకు రాబోతోంది ఇక ఈ సినిమా పైనే శ్రీలీల టాలీవుడ్ సినీ జీవితం ఆధారపడి ఉందని తెలుస్తోంది. ఈ సినిమా సక్సెస్ అయితేనే శ్రీ లీలకు టాలీవుడ్ ఇండస్ట్రీలో అవకాశాలు ఉంటాయి లేదంటే ఈమె కెరియర్ ఇబ్బందులలో పడుతుంది. ఇక పవన్ కళ్యాణ్ లాంటి స్టార్ హీరోతో సినిమా చేస్తే కచ్చితంగా హీరోయిన్లకు కూడా మంచి భవిష్యత్తు ఉంటుందని చెప్పాలి. గతంలో శృతిహాసన్ కూడా శ్రీ లీల పరిస్థితిలను ఎదుర్కొన్నారు.

శృతిహాసన్ కు కలిసొచ్చిన గబ్బర్ సింగ్..

శృతిహాసన్ స్టార్ హీరో కుమార్తెగా ఇండస్ట్రీలోకి అడుగు పెట్టినప్పటికీ కెరియర్ మొదట్లో వరుస ప్లాప్ సినిమాలను ఎదుర్కొన్నారు. ఇలా ఐరన్ లెగ్ అంటూ విమర్శలను ఎదుర్కొన్న శృతిహాసన్ కు హరీష్ శంకర్ డైరెక్షన్లో పవన్ కళ్యాణ్ నటించిన గబ్బర్ సింగ్ సినిమాలో ఛాన్స్ ఇచ్చారు. ఈ సినిమా సూపర్ సక్సెస్ కావడంతో శృతిహాసన్ కెరియర్ పరంగా వెనక్కి తిరిగి చూసుకోలేదు. ఇలా పవన్ కళ్యాణ్ సినిమా తన కెరీర్ కు టర్నింగ్ పాయింట్ అని చెప్పాలి. ఇలా అప్పుడు శృతిహాసన్ లాగే ఇప్పుడు శ్రీ లీలకు కూడా పవన్ కళ్యాణ్ మంచి సక్సెస్ ఇస్తారని అభిమానులు ఆశిస్తున్నారు.

అంచనాలు పెంచిన ఫస్ట్ సింగిల్..

ప్రస్తుతం శ్రీ లీల వరుస ఫ్లాప్ సినిమాలతో సతమతమవుతున్నారు. ఈ నేపథ్యంలోనే పవన్ కళ్యాణ్ సినిమా ద్వారా ప్రేక్షకుల ముందుకు రాబోతున్న ఈమె మంచి సక్సెస్ అందుకుంటే తనకు తెలుగు ఇండస్ట్రీలో తిరుగుండదు. ఈ నేపథ్యంలోనే శ్రీ లీల పవన్ కళ్యాణ్ సినిమా పైనే బోలెడు ఆశలు పెట్టుకున్నారు.. మరి ఈ సినిమా కెరియర్ కు ఎలా ఉపయోగపడుతుందో తెలియాల్సి ఉంది. ఇక ఈ సినిమా నుంచి ఇప్పటికే విడుదల చేసిన ఫస్ట్ సింగిల్ మంచి అంచనాలను పెంచేసింది .ఇక ఈ సినిమాల్లో కూడా పవన్ కళ్యాణ్ పోలీస్ ఆఫీసర్ పాత్రలో కనిపించబోతున్నారని తెలుస్తోంది. ఇక ఈ సినిమా మార్చ్ 26వ తేదీ ప్రపంచవ్యాప్తంగా విడుదలకు సిద్ధమవుతుంది.

Also Read: Prabhas: ప్రభాస్ ఫ్యాన్స్ దెబ్బకు షేక్ అయిన హాట్ స్టార్.. ఇలా ఉన్నారేంట్రా బాబు..