Sreeleela: తెలుగు ప్రేక్షకులకు పెళ్లి సందడి సినిమాతో పరిచయమైన శ్రీలీల..ఆ తర్వాత రవితేజతో చేసిన ధమాకా సినిమా ద్వారా పెద్ద బ్లాక్బస్టర్ అందుకుంది. ఈ సినిమా ఆమె కెరీర్ను మరో స్థాయికి తీసుకెళ్లింది. ఇక బాలకృష్ణతో చేసిన భగవంతు కేసరి సినిమాలో కూడా ఆమె పాత్రకు మంచి గుర్తింపు వచ్చింది. ఈ సినిమాతో శ్రీలీలకు నటిగా మంచి పేరు వచ్చింది.
అయితే ఆ తర్వాత ఆమె చేసిన కొన్ని సినిమాలు ఆశించిన స్థాయిలో విజయం సాధించలేదు. ఇటీవల తమిళ ఇండస్ట్రీలో పరాశక్తి అనే సినిమాతో తన అదృష్టాన్ని పరీక్షించుకుంది. కానీ ఆ సినిమా కూడా బాక్సాఫీస్ వద్ద నిరాశపరిచింది. వరుసగా ఫ్లాపులు వచ్చినా కూడా శ్రీలీలకు అవకాశాలు మాత్రం తగ్గడం లేదు. తెలుగుతో పాటు బాలీవుడ్లో కూడా ఆమె ప్రయత్నాలు కొనసాగుతున్నాయి.
ఈ క్రమంలో తాజాగా శ్రీలీల నరసరావుపేట ఇంజనీరింగ్ కాలేజీని సందర్శించింది. అక్కడ విద్యార్థులతో సరదాగా మాట్లాడుతూ, “మిమ్మల్ని చూసి జోష్లో అరిచి అరిచి గొంతు ఎలా అయిపోయిందో చూడండి” అంటూ నవ్వుతూ చెప్పింది. అప్పుడు అక్కడ ఉన్న గుంపులోని ఒక అబ్బాయి గట్టిగా “డాన్స్ వెయ్యి… డాన్స్… డాన్స్” అని అరవడం జరిగింది.
దానికి శ్రీలీల ఏమాత్రం అసహనం చూపకుండా, చిరునవ్వుతో “అచ్చం పెళ్ళాన్ని అడిగినట్లే అడిగారు” అంటూ సరదాగా పంచ్ ఇచ్చింది. ఆమె స్పందన అక్కడున్న వారిని నవ్వుల్లో ముంచెత్తింది. ఈ వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. చాలామంది శ్రీలీల కూల్నెస్ను..ఆమె ప్రెజెన్స్ ఆఫ్ మైండ్ను మెచ్చుకుంటున్నారు.
అయితే మరోవైపు కొంతమంది మాత్రం ఆ అబ్బాయి మాట్లాడిన తీరు సరైనది కాదని అభిప్రాయపడుతున్నారు. ఎంత పెద్ద హీరోయిన్ అయినా సరే..ఇలాంటి మాటలు మర్యాదగా ఉండాలని, పబ్లిక్ ప్లేస్లో ఇలా అరవడం కరెక్ట్ కాదని కొందరు నెటిజన్లు కామెంట్లు చేస్తున్నారు.
ఏది ఏమైనా..శ్రీలీల మాత్రం ఈ సంఘటనను చాలా పాజిటివ్గా తీసుకుని, తన చమత్కారంతో అక్కడి వాతావరణాన్ని లైట్ చేసింది. ఇదే ఆమెకు ప్రేక్షకుల్లో ఉన్న అభిమానానికి మరో కారణంగా మారుతోంది.
Share
Ravi Teja: ఇతన్ని చూసి రవితేజా అనుకున్నారా? కాదండోయ్, ఇతను అసలు తెలుగోడే కాదు
Google Maps AI: గూగుల్ మ్యాప్స్లో AI.. వాకింగ్, సైక్లింగ్ కోసం హ్యాండ్స్-ఫ్రీ నావిగేషన్
