Peddi: అందాల భామ శ్రీలీల ప్రస్తుతం వరుస సినిమాలతో బిజీగా ఉన్న విషయం తెల్సిందే. వరుస సినిమాలను లైన్లో పెడుతున్నా కూడా విజయాలను మాత్రం అందుకోలేకపోతుంది. ఈ మధ్యనే జూనియర్ సినిమాతో ప్రేక్షకుల ముందుకు వచ్చి పరాజయాన్ని అందుకుంది. ఇక ఇప్పుడు అమ్మడు ఆశలన్నీ మాస్ జాతర మీదనే పెట్టుకుంది. మాస్ మహారాజా రవితేజ హీరోగా భాను భోగవరపు దర్శకత్వం వహిస్తున్న ఈ సినిమాలో శ్రీలీల నటిస్తోంది. ఇప్పటికే వీరి కాంబోలో ధమాకా లాంటి భారీ హిట్ సినిమా వచ్చిన విషయం తెల్సిందే.
ధమాకా తరువాత శ్రీలీల ఎన్నో సినిమాలు చేసింది. అయినా అంతటి విజయాన్ని మాత్రం అందుకోలేకపోయింది. ఇక మధ్యలో ఈ చిన్నది ఐటెంగర్ల్ గా కూడా మారింది. అల్లు అర్జున్ , రష్మిక జంటగా సుకుమార్ దర్శకత్వంలో తెరకెక్కిన పుష్ప 2 లో కిస్సిక్ గర్ల్ గా మెరిసింది. ఆ సినిమాలో అమ్మడు చేసిన ఆ సాంగ్ పాన్ ఇండియా లెవెల్లో భారీ విజయాన్ని అందుకుంది. ఇక ఈ సాంగ్ తరువాత శ్రీలీల.. జూనియర్ లో వైరల్ వయ్యారి సాంగ్ తో మరింత పాపులర్ అయ్యింది.
ఇక ఇప్పుడు శ్రీలీల మరో లక్కీ ఛాన్స్ పట్టేసిందని వార్తలు వినిపిస్తున్నాయి. గ్లోబల్ స్టార్ రామ్ చరణ్ హీరోగా బుచ్చిబాబు సానా దర్శకత్వంలో తెరకెక్కుతున్న చిత్రం పెద్ది. జాన్వీ కపూర్ హీరోయిన్ గా. నటిస్తున్న ఈ చిత్రం కోసం టాలీవుడ్ మాత్రమే కాదు యావత్ భారతదేశం ఎదురుచూస్తుంది. ప్రస్తుతం శరవేగంగా షూటింగ్ జరుపుకుంటున్న ఈ చిత్రం గురించిన ఒక వార్త సోషల్ మీడియాను షేక్ చేస్తోంది. అందుతున్న సమాచారం ప్రకారం.. ఈ సినిమాలో ఒక స్పెషల్ సాంగ్ ఉండబోతుందని, అందులో శ్రీలీల, రామ్ చరణ్ తో కలిసి డ్యాన్స్ చేస్తుందని వార్తలు వినిపిస్తున్నాయి.
పుష్ప 2 లో బన్నీతో చేసిన కిస్సిక్ డ్యాన్స్ తరువాత అందరూ అమ్మడిని శ్రీలీల అని కాకుండా కిస్సిక్ బ్యూటీ అని పిలవడం మొదలుపెట్టారు. ఇక ఇప్పుడు ఈ సినిమాలో కూడా ఈ చిన్నది ఈ ఛాన్స్ పట్టేస్తే అమ్మడికి మించిన లక్కీ బ్యూటీ ఇంకొకరు ఉండరు. మరి ఇందులో ఎంత నిజముందో తెలియాలంటే మేకర్స్ అధికారికంగా ప్రకటించేవరకు ఆగక తప్పదు.
Share
Bhagyashri Borse: ఆశలన్నీ అతడిపైనే.. మరీ నెరవేరుతాయా
Mahavatar Narasimha OTT: ఆ ఓటీటీలోకే 'మహావతార్ నరసింహ'.. స్ట్రీమింగ్ అప్పుడే..?
