Telangana: తెలంగాణ ఫిల్మ్ డెవలప్మెంట్ కార్పొరేషన్ ఆధ్వర్యంలో…బతుకమ్మ యంగ్ ఫిల్మ్ మేకర్స్ ఛాలెంజ్… ప్రజా పాలన, తెలంగాణ పండుగలు, చరిత్ర, సంస్కృతి నేపథ్యంగా పోటీలు. పోటీలో పాల్గొనేందుకు యువ సృజనశీలురకు ఆహ్వానం. తెలంగాణలోని యువ సృజనశీలురకు పట్టం కట్టేందుకు తెలంగాణ ఫిల్మ్ డెవలప్మెంట్ కార్పొరేషన్ బతుకమ్మ యంగ్ ఫిల్మ్ మేకర్స్ ఛాలెంజ్ పేరిట పోటీలు నిర్వహించనుంది.
ముఖ్యమంత్రి ఎ.రేవంత్ రెడ్డి ఆధ్వర్యంలోని ప్రజా ప్రభుత్వం అమలు చేస్తున్న అభివృద్ది, సంక్షేమం (మహిళలకు ఉచిత బస్సు, మహాలక్ష్మి, గృహజ్యోతి, ఇందిరమ్మ ఇండ్లు, యంగ్ ఇండియా స్పోర్ట్స్ యూనివర్సిటీ, యంగ్ ఇండియా రెసిడెన్షియల్ స్కూల్స్ తదితరాలు), తెలంగాణ చరిత్ర, సంస్కృతి, పండుగలు, కళారూపాలపై షార్ట్ ఫిలిమ్స్, పాటల పోటీలు ఉంటాయి.
షార్ట్ ఫిలిమ్స్ నిడివి 3 నిమిషాలకు, పాటల వ్యవధి 5 నిమిషాలకు మించి ఉండకూడదు.
1.ఈ పోటీలో పాల్గొనే వారందరూ 40 ఏళ్ళ లోపు వయసు కలిగి ఉండాలి.
2. 4K రిజల్యూషన్ కలిగి ఉండాలి.
3. షార్ట్ ఫిల్మ్స్/ వీడియో సాంగ్స్ ఏవైనా ఈ పోటీలలో సూచించిన ‘థీమ్’ ల పైనే ఉండాలి.
4. మీరు చేసిన వీడియోలు గతంలో ఎక్కడా ప్రదర్శించి ఉండకూడదు.
5. బతుకమ్మ యంగ్ ఫిల్మ్ మేకర్స్ ఛాలెంజ్ కోసమే చిత్రీకరించినవై ఉండాలి
పోటీల్లో ఎంపికైన థీమ్స్కు
ప్రథమ బహుమతి – రూ.3 లక్షలు
ద్వితీయ బహుమతి – రూ.2 లక్షలు
తృతీయ బహుమతి – రూ.1 లక్ష
కన్సోలేషన్ బహుమతి – రూ. 20 వేలు (అయిదుగురికి) ఇవ్వడంతో పాటు విజేతలందరికీ ప్రశంసా పత్రం, జ్ఞాపిక ప్రదానం చేస్తారు.
గడువులోగా వచ్చేసిన ఎంట్రీలను వీక్షించి, పరిశీలించిన నిపుణులతో కూడిన జ్యూరీ వివిధ కేటగిరీలలో వివిధ విభాగాలకు అర్హులైన చిత్రాలను ఎంపిక చేస్తుంది.
youngfilmmakerschallenge@gmail.com
లేదా
వాట్సాప్ నెంబర్ – 8125834009 (WhatsApp Only)కు పంపాలి
ఎంట్రీలను పంపించేందుకు తుది గడువు సెప్టెంబరు 30, 2025.
– దిల్ రాజు, తెలంగాణ ఫిల్మ్ డెవలప్మెంట్ కార్పొరేషన్ చైర్మన్
Share
TGPSC: టీజీపీఎస్సీని ముట్టడించిన తెలంగాణ జాగృతి నాయకులు.. వారి ప్రధాన డిమాండ్ ఇదే..
NVS Reddy: తెలంగాణ ప్రభుత్వ సలహాదారుగా ఎన్వీఎస్ రెడ్డి..
