Dhurandhar 2: దేశవ్యాప్తంగా మంచి పేరు తెచ్చుకున్న యాక్షన్ థ్రిల్లర్ ధురంధర్ సినిమాకు వచ్చిన స్పందనతోనే రెండో భాగంపై భారీ అంచనాలు ఏర్పడ్డాయి. ఆ అంచనాలకు తగ్గట్టుగానే ధురంధర్ 2 విడుదలై బాక్సాఫీస్ వద్ద మంచి కలెక్షన్స్ సాధిస్తోంది. ఈ సినిమాలో కీలక పాత్రలో నటించిన రాకేష్ బేడి తన అనుభవాలను ఇటీవల ఒక ఇంటర్వ్యూలో పంచుకున్నారు.
రాకేష్ బేడి ‘జమీల్ జమీర్’ పాత్రలో నటించి ప్రేక్షకులను ఆకట్టుకున్నారు. ఆయన మాట్లాడుతూ.. షూటింగ్ సమయంలో సినిమా టీమ్తో మంచి అనుబంధం ఏర్పడింది అని చెప్పుకొచ్చారు. ముఖ్యంగా హీరో రణవీర్ సింగ్ తన నటనపై ప్రశంసలు కురిపించారని ఆయన గుర్తుచేసుకున్నారు. సినిమా రూ.1000 కోట్ల వరకు వసూలు చేస్తుందని, అందులో తన పాత్రకు కూడా పెద్ద క్రెడిట్ ఉంటుందని హీరో చెప్పిన మాటలు తనకు ఎంతో ఆనందం ఇచ్చాయని చెప్పారు. ఒక నటుడిగా ఇలాంటి ప్రశంసలు చాలా ప్రత్యేకమని అన్నారు.
“ఈ చిత్రం బృందంతో సెట్లో చాలా ఆనందంగా ఉండేది. నా పాత్ర షూటింగ్ పూర్తయ్యే రోజున.. రణవీర్ సింగ్ మైక్ తీసుకుని.. ఒకవేళ ఈ మూవీ రూ.1000+ కోట్లు వసూలు చేస్తే.. అందులో రూ.500 కోట్లు రాకేష్ వల్లే వస్తాయని అని చెప్పారు. ఓ నటుడిగా ఇంతకంటే ఏం కావాలి?” అని చెప్పారు.
ఈ సినిమాలో రాకేష్ బేడి పాత్రకు ప్రత్యేకమైన ట్విస్ట్ ఉంది. అదే ప్రేక్షకులను థియేటర్లలో ఆకట్టుకునే ప్రధాన అంశంగా మారింది. ఆయనకు బాలీవుడ్లో 47 ఏళ్ల అనుభవం ఉండటం కూడా ఈ పాత్రను మరింత బలంగా చూపించడంలో సహాయపడింది. దర్శకుడు అజిత్ గౌతమ్తో తనకు ఉన్న స్నేహం వల్ల ఈ సినిమాలో పనిచేయడం మరింత సంతోషంగా అనిపించిందని చెప్పారు.
ఇక కలెక్షన్స్ విషయానికి వస్తే, ‘ధురంధర్ 2’ మొదటి రోజే భారీ వసూళ్లు సాధించింది. తొలి రోజునే సుమారు రూ.100 కోట్ల కలెక్షన్స్ నమోదు చేసింది. ప్రపంచవ్యాప్తంగా రూ.172 కోట్లకు పైగా గ్రాస్ వసూళ్లు వచ్చినట్లు సమాచారం. నెట్ కలెక్షన్స్ సుమారు రూ.145 కోట్లుగా ట్రేడ్ వర్గాలు చెబుతున్నాయి. ఇందులో ఎక్కువ భాగం హిందీ వెర్షన్ నుంచే రావడం విశేషం.
అలాగే, పెయిడ్ ప్రివ్యూల ద్వారానే రూ.40 కోట్లకు పైగా వసూళ్లు రావడం ఈ సినిమాకు ఉన్న క్రేజ్ను చూపిస్తోంది. మొత్తం మీద ‘ధురంధర్ 2’ మొదటి రోజే రికార్డు స్థాయి కలెక్షన్స్ సాధించి బాలీవుడ్లో మంచి హిట్గా నిలిచింది. ప్రేక్షకుల నుంచి వస్తున్న స్పందన చూస్తే, ఈ సినిమా ఇంకా మంచి వసూళ్లు సాధించే అవకాశాలు కనిపిస్తున్నాయి.
Share
TDP Controversies: చంద్రబాబుకు స్పీడ్ బ్రేకర్లుగా మారుతున్న ఆ నేతలు ఎవరు? టీడీపీ హైకమాండ్ ఏం చేయబోతోంది?
Indian Railways: రైల్వేలో అక్రమ విక్రేతలకు చెక్.. QR కోడ్ తో కొత్త విధానం అమలు!
