The Raja Saab Ticket Booking: తెలంగాణలో రాజా సాబ్ టికెట్ ధరలు ఫిక్స్.. ఒక్కో టికెట్‌పై ఎన్ని వందలు పెంచారంటే?

The Raja Saab Ticket Prices: ఈ సంక్రాంతి పండుగ సీజన్‌ను ఘనంగా ప్రారంభిస్తున్న సినిమా ది రాజా సాబ్. స్టార్ హీరో ప్రభాస్ నటిస్తున్న ఈ చిత్రం మీద అభిమానుల్లో భారీ అంచనాలు ఉన్నాయి. ఈ పండుగకు తెలుగు సినిమా ఇండస్ట్రీ నుంచి ఐదు సినిమాలు విడుదల అవుతూ ఉండగా.. అందరికన్నా ముందుగా ప్రభాస్ సినిమా జనవరి 9 థియేటర్స్ లో విడుదల కానుంది. హారర్.. ఫాంటసీ ఎంటర్‌టైనర్‌గా రూపొందిన ఈ సినిమాకు మారుతి దర్శకత్వం వహించారు. ప్రయోగాత్మక కథతో ప్రభాస్ కొత్త అవతారంలో కనిపించబోతుండటంతో.. సినిమాపై ఆసక్తి మరింత పెరిగింది.

జనవరి 9.. అనగా రేపు శుక్రవారం సినిమా విడుదలవుతూ ఉండగా.. ఒకరోజు ముందే అంతే ఈరోజు జనవరి 8 ప్రీమియర్స్ పడనున్నాయి. దీంతో ఇప్పుడు అందరి దృష్టి ది రాజా సాబ్ టికెట్ ధరలపై పడింది. ఈ క్రమంలో తెలంగాణలోని కొన్ని ఏరియాల్లో టికెట్లు ధరలు ఫిక్స్ కాకపోవడంతో.. సినిమాకు సంబంధించిన టికెట్లు సాయంత్రం వరకు కూడా..ఆన్లైన్ లోకి రాలేదు.

ఇక రాత్రి కావస్తున్న ఇంకా కూడా తెలంగాణలో టికెట్ రేట్ లో జీవో విడుదల కాలేదు. ఈ క్రమంలో విశ్వసనీయ వర్గాల సమాచారం ప్రకారం.. ఇక కాసేపట్లో జీవో విడుదల అవుతుందని…అయితే ఈ సినిమాకి టికెట్ హైక్స్ మాత్రం తెలంగాణ ప్రభుత్వం ఇవ్వలేదు అని తెలుస్తోంది. మల్టీప్లెక్స్, సింగిల్ స్క్రీన్ రేట్లు.. ఆంధ్రప్రదేశ్లో ఈ సినిమాకి పెంచగా.. తెలంగాణలో మాత్రం ఈ రేట్లను పెంచకుండానే జీవో పాస్ చేస్తున్నారంట..

ఇక ఈ హైక్ సమస్య వల్లే.. టికెట్లు కూడా ఈ సినిమాకి చాలా ఆలస్యంగా విడుదలవుతున్నాయి. ఇప్పటికే ఆంధ్రప్రదేశ్‌లో టికెట్ అమ్మకాలు ప్రారంభం కాగా..తెలంగాణలోని ప్రేక్షకులు బుకింగ్స్ కోసం తెగ ఆసక్తిగా ఎదురు చూశారు.
ఈ సినిమాకు సంబంధించిన బజ్ బలంగా ఉంది. సినిమా కంటెంట్‌పై యూనిట్ పూర్తి నమ్మకంతో ఉంది. దీంతో ఈ సినిమా ప్రభాస్ కెరియర్ లో తప్పకుండా బ్లాక్ బస్టర్ సాధిస్తుంది అని తెగ ఎదురుచూస్తున్నారు అభిమానులు.

ఈ సినిమాలో ప్రభాస్‌తో పాటు మాళవిక మోహనన్, నిధి అగర్వాల్, రిధి కుమార్, సంజయ్ దత్ కీలక పాత్రల్లో నటించారు. ఈ భారీ చిత్రాన్ని పీపుల్ మీడియా ఫ్యాక్టరీ భారీ బడ్జెట్‌తో నిర్మించింది.

ఇక మ్యూజిక్ సెన్సేషన్ తమన్ ఈ చిత్రానికి సంగీతం అందించారు. పాటలు, బ్యాక్‌గ్రౌండ్ స్కోర్ సినిమాకు ప్రధాన ఆకర్షణగా నిలవనున్నాయని టాక్. దేశవ్యాప్తంగా పలు భాషల్లో ఈ సినిమా విడుదలకు సిద్ధమవుతోంది. మొత్తానికి.. సంక్రాంతి పండుగకు థియేటర్లలో సందడి మన ప్రభాస్ సినిమాతో..మొదలవుతోంది.

ALSO READ: Raja Saab Twitter Review: ‘రాజా సాబ్ ‘ ట్విట్టర్ రివ్యూ..బొమ్మ బ్లాక్ బాస్టరేనా..?