February 14 Movies: లవర్స్ డే స్పెషల్.. ఈవారం రీ రిలీజ్ , కొత్త సినిమాల సందడి..

February 14 Movies:ఫిబ్రవరి 7వ తేదీ నుండి వాలెంటైన్స్ వీక్ సందడి మొదలైంది.. ప్రేమికుల దినోత్సవానికి ముందు, ఆ తర్వాత కొన్ని చిత్రాలు రీ రిలీజ్ కి అలాగే కొత్త సినిమాలు విడుదలకు సిద్ధమవుతున్నాయి.. ముఖ్యంగా ఈ వారం మెగా పవర్ స్టార్ రామ్ చరణ్ ‘ఆరెంజ్’ సినిమా రీ రిలీజ్ అయ్యి.. మరోసారి సత్తా చాటింది. ఈ సినిమా ఈవారం మరో రెండు ప్రేమ కథా చిత్రాలు మళ్లీ థియేటర్లలో సందడి చేయడానికి సిద్ధమవుతున్నాయి. ఫిబ్రవరి 9 నుంచి ఫిబ్రవరి 15 వరకు థియేటర్లలోకి రాబోతున్న కొత్త సినిమాలేంటి? రీ రిలీజ్ కాబోయే చిత్రాలు ఏంటి? అనే విషయం ఇప్పుడు చూద్దాం.

లవర్స్ డే స్పెషల్.. రీ రిలీజ్ చిత్రాలు..

ఇకపోతే ఈ లవర్స్ డే సందర్భంగా యువసామ్రాట్ అక్కినేని నాగచైతన్య (Naga Chaitanya)హీరోగా, సాయి పల్లవి(Sai Pallavi) హీరోయిన్గా తెరకెక్కిన చిత్రం ‘లవ్ స్టోరీ’ శేఖర్ కమ్ముల దర్శకత్వం వహించిన ఈ సినిమా ఫిబ్రవరి 14న ప్రేమికుల దినోత్సవం సందర్భంగా థియేటర్లలో సందడి చేయబోతోంది. అలాగే దివంగత నటుడు ఉదయ్ కిరణ్ (Uday kiran), ప్రముఖ హీరోయిన్ రీమాసేన్ జంటగా వీ.ఎన్.ఆదిత్య దర్శకత్వంలో ఎమ్మెస్ రాజు నిర్మించిన ‘మనసంతా నువ్వే’ సినిమా కూడా ఫిబ్రవరి 14వ తేదీన విడుదల కాబోతోంది.

లవర్స్ డే స్పెషల్.. కొత్త సినిమాలో సందడి

ఫంకీ..

ఇకపోతే ఈ వాలెంటైన్స్ డే వీక్ ను పురస్కరించుకొని కొత్త సినిమాలు విడుదలకు సిద్ధమవుతున్నాయి. విశ్వక్ సేన్ హీరోగా నాగవంశీ నిర్మించిన ఫంకీ సినిమా థియేటర్లలోకి రాబోతోంది. ఈ చిత్రానికి సాయి సౌజన్య మరో నిర్మాతగా వ్యవహరిస్తున్న విషయం తెలిసిందే. ఇక అనుదీప్ కేవీ దర్శకత్వం వహిస్తున్నారు. కయాదు లోహర్ హీరోయిన్గా నటిస్తున్న ఈ చిత్రం ఫిబ్రవరి 13న థియేటర్లలోకి రాబోతోంది. ఇప్పటికే ట్రైలర్ ఆడియన్స్ ను విపరీతంగా నవ్వించగా.. సినిమా అంతకుమించి ఉంటుందని నాగ వంశీ ఇటీవల స్పష్టం చేసిన విషయం తెలిసిందే.

కపుల్ ఫ్రెండ్లీ..

యంగ్ హీరో సంగీత్ శోభన్, మానస వారణాసి జంటగా తెరకెక్కిన చిత్రం కపుల్ ఫ్రెండ్లీ. రొమాంటిక్ ఎంటర్టైనర్ గా వచ్చిన ఈ సినిమా ఫిబ్రవరి 14వ తేదీన ప్రేక్షకుల ముందుకు రానుంది. ఇప్పటికే ఈ సినిమా నుండి విడుదలైన ట్రైలర్, పాటలు యువతను విపరీతంగా ఆకట్టుకుంటున్నాయి.

సీతా పయనం..
యాక్షన్ కింగ్ అర్జున్ సర్జా కీలక పాత్రలో నటిస్తూ స్వీయ దర్శకత్వం వహిస్తున్న చిత్రం ‘సీతా పయనం’. ఈ చిత్రం ద్వారా తన కుమార్తె ఐశ్వర్య అర్జున్ ను తెలుగు చిత్ర పరిశ్రమకు పరిచయం చేయబోతున్నారు. నిరంజన్ హీరోగా నటిస్తున్న ఈ చిత్రంలో అర్జున్ మేనల్లుడు ధృవ్ సర్జా కూడా కీలకపాత్ర పోషిస్తున్నారు. ఈ సినిమా ఫిబ్రవరి 14న ప్రేక్షకుల ముందుకు రానుంది.

ఈ చిత్రాలతో పాటు

అమరావతికి ఆహ్వానం – ఫిబ్రవరి 13

స్వీటీ నాటి క్రేజీ – ఫిబ్రవరి 13

బూకీ – ఫిబ్రవరి 13

నిలవే – ఫిబ్రవరి 13

వన్ ప్లస్ వన్ ఆఫర్ – ఫిబ్రవరి 13

స్కై – ఫిబ్రవరి 13

ఓ రోమియో – ఫిబ్రవరి 13

తూ యా మై – ఫిబ్రవరి 13

చథా పచ్చ – ఫిబ్రవరి 13

ALSO READ:Kalki 2: సీనియర్స్ సిద్ధం..మరి ప్రభాస్ సంగతేంటి?