National film Awards:సినీ సెలబ్రిటీలు అత్యంత ప్రతిష్టాత్మకంగా భావించే 72వ జాతీయ చలనచిత్ర అవార్డుల ప్రకటన నేడు ఘనంగా జరగనుంది. భారతీయ చలనచిత్ర రంగంలో విశేష సేవలు అందించిన సెలబ్రిటీలకు 2024 సంవత్సరానికి అందించే ఈ అవార్డుల విజేతల వివరాలను ఈరోజు సాయంత్రం కేంద్ర సమాచార ప్రసార శాఖ అధికారికంగా ప్రకటించనుంది. ముఖ్యంగా ప్రముఖ మలయాళ దర్శకుడు జయరాజ్ నేతృత్వంలో 11 మంది సభ్యుల జ్యూరీ సమక్షంలో గురువారం అవార్డుల ఎంపిక ప్రక్రియ పూర్తయింది. శుక్రవారం సాయంత్రం ఈ జాబితాను ప్రకటించనున్నారు.
అయితే ఈసారి సౌత్ సినీ ఇండస్ట్రీ నుండి ముఖ్యంగా టాలీవుడ్ ఇండస్ట్రీ నుండి అవార్డుల కోసం చాలామంది హీరోలు సిద్ధమయ్యారు. రెబల్ స్టార్ ప్రభాస్ నటించిన విజువల్ వండర్ కల్కి 2898AD చిత్రం ఉత్తమ చిత్రం లేదా ఉత్తమ విజువల్ ఎఫెక్ట్స్ కేటగిరీలో అవార్డు సాధించడం ఖాయమని అటు ఇండస్ట్రీ వర్గాలు బలంగా ఆశిస్తున్నాయి.ఇక అలాగే గతంలో పుష్ప : ది రైజ్ చిత్రానికి గానూ నటుడిగా జాతీయ ఉత్తమ నటుడు విభాగంలో ఐకాన్ స్టార్ అల్లు అర్జున్ అవార్డు అందుకున్నారు. ఇక ఈసారి పుష్ప 2: ది రూల్ చిత్రంలో తన అద్భుతమైన నటనకు గాను ఆయన మళ్లీ రేస్ లో నిలిచారు. ముఖ్యంగా ఇలా ఈసారి కూడా జాతీయ అవార్డుల జాబితాలో బన్నీ నిలిచాడు అనే వార్తలు రావడంతో గత ఘనతను బన్నీ పునరావృతం చేస్తారా అనే కామెంట్లు వ్యక్తం అవుతున్నాయి.
also read:మూడో పెళ్లికి ముహూర్తం ఫిక్స్.. అఫీషియల్ అనౌన్స్మెంట్ ఇచ్చిన అమీర్ ఖాన్!
ఇకపోతే ఈ ఏడాది ఉత్తమ నటుడు విభాగంలో టాలీవుడ్ కి ఇతర భాషల నుండి కూడా గట్టి పోటీ ఎదురవుతోంది. అందులో భాగంగానే బాలీవుడ్ నుండి కార్తిక్ ఆర్యన్ చందు ఛాంపియన్, అజయ్ దేవగన్ మైదాన్, మెగాస్టార్ మమ్ముట్టి భ్రమయుగం వంటి చిత్రాల ద్వారా గట్టి పోటీ ఇస్తున్నారు. మరి ఈ అవార్డులను ఎవరు ఈసారి గెలుచుకోబోతున్నారు అనేది తెలియాలి అంటే మరి కొన్ని గంటల్లో అధికారికంగా వెలువడే వరకు ఎదురు చూడాల్సిందే. ఏదేమైనా 72వ జాతీయ చలనచిత్ర పురస్కార వేడుకల్లో టాలీవుడ్ నుండి అలాగే సౌత్ నుండి ఏ ఏ విభాగాలలో ఎవరెవరు ఈ అవార్డును దక్కించుకోబోతున్నారో తెలుసుకోవాలని ఆడియన్స్ కూడా క్యూరియాసిటీ కనబరుస్తున్నారు. ఆ ఆత్రుతకు మరి కాసేపట్లో తెర దించబోతున్నారని చెప్పవచ్చు.
Share
రూ.738కే పైసా వసూల్ స్పీకర్.. దీని ముందు హోమ్ థియేటర్స్ బలాదూర్ !
వివాదంలో అభిషేక్ శర్మ..వైభవ్ తో వెట్టిచాకిరీ, బ్యాట్లు మోయిస్తూ మరీ !
