Babu Mohan: టాలీవుడ్ ఇండస్ట్రీలో సీనియర్ కమెడియన్ గా ఎంతో మంచి కొత్త సంపాదించుకున్న బాబు మోహన్ ఇటీవల కాలంలో సినిమాలకు దూరంగా ఉంటున్న సంగతి తెలిసిందే. ఈయన గత కొంతకాలంగా అడపాదడపా సినిమాలలో నటిస్తున్నారు కానీ రాజకీయాల పరంగా యాక్టివ్ ఉంటూ పలు రాజకీయ పార్టీలకు మద్దతు తెలుపుతున్నారు. అయితే నేడు బాబు మోహన్ విషయంలో సీనియర్ ఎన్టీఆర్ అభిమానులు తీవ్రస్థాయిలో ఆగ్రహం వ్యక్తం చేస్తూ ఆయనతో వాగ్వాదానికి దిగారు. అసలు సీనియర్ ఎన్టీఆర్ (sr.NTR)అభిమానులు బాబు మోహన్ (Babu Mohan)తో గొడవ పడడానికి గల కారణాలు ఏంటి అనే విషయానికి వస్తే..
సీనియర్ నటుడు బాబు మోహన్ నేడు మరో దివంగత నటుడు నందమూరి తారక రామారావు వర్ధంతి సందర్భంగా ఎన్టీఆర్ ఘాట్(Sr.NTR Ghat) వద్దకు చేరుకున్నారు. అయితే ఎన్టీఆర్ అభిమానులు మాత్రం బాబు మోహన్ లోపలికి వెళ్లకుండా గేట్లు వేస్తూ ఆయనని అడ్డుకోవడమే కాకుండా లోపలికి వెళ్లడానికి వీలు లేదంటూ తనతో వాగ్వాదానికి దిగారు .ఈ నేపథ్యంలోనే అక్కడ కాస్త గందరగోల వాతావరణ పరిస్థితులు చోటుచేసుకున్నాయి. ఇలా ఎన్టీఆర్ ఘాట్ వద్ద చోటు చేసుకున్న ఈ పరిస్థితులు కాసేపటికి సద్దుమనగడంతో బాబు మోహన్ యధావిధిగా ఎన్టీఆర్ ఘాట్ వద్దకు చేరుకొని ఎన్టీఆర్ కు నివాళులు అర్పించారు.
ప్రస్తుతం ఇందుకు సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి. అయితే ఎన్టీఆర్ అభిమానులు బాబు మోహన్ ను అడ్డుకోవడానికి కారణం లేకపోలేదు. గతంలో ఈయన తారక రామారావు గారి గురించి చేసిన పలు వివాదాస్పద వ్యాఖ్యల కారణంగానే తనని అడ్డుకున్నారని తెలుస్తోంది. ఇక నేడు ఎన్టీఆర్ వర్ధంతి కావడంతో పలువురు టాలీవుడ్ సెలబ్రిటీలు ఘాట్ వద్దకు చేరుకొని ఆయనకు నివాళులు అర్పిస్తున్నారు. ఇక నేడు ఉదయమే ఎన్టీఆర్ కుటుంబ సభ్యులందరూ కూడా నివాళులు అర్పించిన విషయం తెలిసిందే.
ఎన్టీఆర్ ఘాట్ దగ్గర బాబు మోహన్ మీద విరుచుకుపడ్డ ఎన్టీఆర్ ఫ్యాన్స్ …దళితుడు అంటే ఇంత చిన్న చూపా?? @ncbn pic.twitter.com/ZXZYfZNhyz
— Hungry కుక్క 🐕 (@Truth_Exposer__) January 18, 2026
ఇలా కుటుంబ సభ్యులతో పాటు పలువురు సినిమా ఇండస్ట్రీకి సంబంధించిన వారు రాజకీయ నాయకులకు కూడా ఎన్టీఆర్ వర్ధంతిని పురస్కరించుకొని ఘాట్ వద్దకు చేరుకొని నివాళులు అర్పించారు. ఇక బాబు మోహన్ విషయానికి వస్తే టాలీవుడ్ ఇండస్ట్రీలో సీనియర్ కమెడియన్ గా మంచి సక్సెస్ అందుకున్న ఇటీవల సినిమాలకు దూరంగా ఉంటున్నారు. వయసు పైబడిన నేపథ్యంలోనే ఈయన సినిమాలను తగ్గించారని చెప్పాలి. ఇలా సినిమాలకు దూరమైన బాబు మోహన్ రాజకీయాలలో బిజీగా ఉన్నారు. గతంలో బిజెపి , టిఆర్ఎస్ పార్టీలకు మద్దతు తెలిపిన బాబు మోహన్ ప్రస్తుతం తెలంగాణ తెలుగుదేశం పార్టీ సభ్యత్వం పొంది తెలంగాణలో తెలుగుదేశం పార్టీకి మద్దతు తెలుపుతున్న సంగతి తెలిసిందే.
Share
Pini Village Tradition: ఏడాదిలో 5 రోజులు ఆ గ్రామ స్త్రీలు నగ్నంగానే ఉండాలి.. నిబంధన అతిక్రమిస్తే ఏం జరుగుతుందంటే?
CPI Centenary Celebrations: ఖమ్మంలో బీజేపీ ఇద్దరు సర్పంచులను కూడా గెలిపించుకోలేదు: సీఎం రేవంత్ రెడ్డి
