World Richest Actress: ప్రపంచంలోనే రిచెస్ట్ హీరోయిన్ ఎవరో తెలుసా.. షారుక్ ఖాన్‌ను కూడా దాటేసిన నటి..!

World Richest Actress: ప్రఖ్యాత అంతర్జాతీయ వ్యాపార మ్యాగజైన్ ఫోర్బ్స్ తాజాగా 2026 సంవత్సరానికి సంబంధించిన ప్రపంచ బిలియనీర్ల జాబితాను ప్రకటించింది. ఈ జాబితాలో ప్రపంచవ్యాప్తంగా వేలాది మంది ధనవంతులు చోటు దక్కించుకున్నారు. అందులో ఎంటర్‌టైన్‌మెంట్ రంగానికి చెందిన పలువురు ప్రముఖులు కూడా ఉన్నారు. అయితే అందరినీ ఆశ్చర్యపరిచే విషయం ఏమిటంటే, సినిమాల్లో పెద్దగా ప్రధాన పాత్రలు చేయని ఒక టీవీ స్టార్ ఈ జాబితాలో అగ్రస్థానంలో నిలిచింది.

మొదటి స్థానంలో ఆమె..!

ఫోర్బ్స్ నివేదిక ప్రకారం, ప్రముఖ రియాలిటీ టీవీ స్టార్ కిమ్ కర్దాషియాన్ ప్రపంచంలోనే అత్యంత ధనిక నటిగా నిలిచింది. ఆమె మొత్తం ఆస్తి విలువ సుమారు 1.9 బిలియన్ డాలర్లు, అంటే భారత కరెన్సీలో దాదాపు రూ.17 వేల కోట్లకు పైగా ఉంటుంది. రియాలిటీ టీవీ షోల ద్వారా వచ్చిన ప్రాచుర్యాన్ని ఆమె భారీ వ్యాపార అవకాశాలుగా మార్చుకుంది.

కిమ్ కర్దాషియాన్ మొదటగా సెలబ్రిటీ సోషలైట్‌గా తన కెరీర్‌ను ప్రారంభించింది. తర్వాత ఆమె నటించిన “Keeping Up with the Kardashians” అనే రియాలిటీ షో ప్రపంచవ్యాప్తంగా మంచి గుర్తింపు తీసుకొచ్చింది. ఆ షో ద్వారా ఆమె పేరు మరింత ప్రాచుర్యం పొందింది.

సినిమాల విషయంలో ఆమె ప్రయాణం చిన్న పాత్రలతో మొదలైంది. Deep in the Valley వంటి సినిమాల్లో, అలాగే CSI: NY, 30 Rock వంటి టీవీ షోలలో అతిథి పాత్రల్లో కనిపించింది. ఇటీవల మాత్రం ఆమె నటనపై కూడా దృష్టి పెడుతోంది. American Horror Story వంటి సిరీస్‌లలో కూడా నటించింది. అదనంగా PAW Patrol వంటి యానిమేషన్ సినిమాలకు వాయిస్ ఇచ్చింది.

కిమ్ సంపాదనలో పెద్ద భాగం మాత్రం నటన వల్ల కాదు. ఆమె ప్రారంభించిన వ్యాపారాల వల్లే ఎక్కువ ఆదాయం వస్తోంది. ముఖ్యంగా ఆమె స్థాపించిన Skims అనే షేప్‌వేర్ బ్రాండ్ భారీ విజయాన్ని సాధించింది. ఈ బ్రాండ్ విలువ 2025 నాటికి సుమారు 5 బిలియన్ డాలర్లకు చేరింది. అమెరికా, మెక్సికో వంటి దేశాల్లో ఈ బ్రాండ్‌కు అనేక స్టోర్లు ఉన్నాయి.

ఇంకా ఆమె ప్రారంభించిన SKKN by Kim అనే బ్యూటీ బ్రాండ్ కూడా మంచి ఆదాయం తీసుకొస్తోంది. ఈ వ్యాపారాల వల్లే ఆమె ప్రపంచంలోనే అత్యంత ధనిక నటిగా నిలిచింది.

ఈ జాబితాలో హాలీవుడ్, బాలీవుడ్ ప్రముఖులూ ఉన్నారు. ఆర్నాల్డ్ ష్వార్జ్‌నెగ్గర్, షారుక్ ఖాన్, టామ్ క్రూజ్, టైలర్ పెర్రీ, జెర్రీ సీన్‌ఫెల్డ్ వంటి ప్రముఖులు కూడా ఈ జాబితాలో చోటు సంపాదించారు. వీరిలో షారుక్ ఖాన్ టాప్ 5లో ఉండటం విశేషం.

ALSO READ: Virosh: ఆనంద్ దేవరకొండ పాటకు విజయ్ – రష్మిక డాన్స్.. అన్న, వదినను చూసి తెగ ఆనందపరడిపోయిన మరిది..!