Trivikram: త్రివిక్రమ్‌పై మరోసారి కాపీ ఆరోపణలు…హీరోయిన్ ఎక్స్ప్రెషన్‌తో సహా దించేసిన గురూజీ..!

Trivikram:తెలుగు సినిమా ఇండస్ట్రీలో త్రివిక్రమ్ శ్రీనివాస్ పేరు వినగానే ముందుగా గుర్తొచ్చేది ఆయన డైలాగ్స్. మాటలతో మాయ చేసే దర్శకుడిగా త్రివిక్రమ్‌కు ప్రత్యేకమైన గుర్తింపు ఉంది. సినిమాకంటే డైలాగ్స్‌కే.. అభిమానులను సంపాదించుకున్న అరుదైన దర్శకుల్లో ఆయన ఒకరు. అయితే అదే సమయంలో ఆయన సినిమాలపై “కాపీ” ఆరోపణలు కూడా తరచూ వినిపిస్తూ ఉంటాయి.

త్రివిక్రమ్ మొదటిగా డైలాగ్ రైటర్‌గా తన కెరీర్ ప్రారంభించారు. ఆ తర్వాత దర్శకుడిగా మారి నువ్వే నువ్వే సినిమాతో మంచి గుర్తింపు తెచ్చుకున్నారు. ఈ సినిమా అప్పట్లో ప్రేక్షకులను బాగా ఆకట్టుకుంది. తర్వాత ‘అత్తారింటికి దారేది’ లాంటి భారీ హిట్ చిత్రాన్ని తెరకెక్కించి టాప్ డైరెక్టర్‌గా నిలిచారు. ఆయన దర్శకత్వంలో వచ్చిన చాలా సినిమాలు బాక్స్ ఆఫీస్ దగ్గర విజయవంతమయ్యాయి.

అయితే త్రివిక్రమ్ సినిమాల్లో కొన్ని కథలు, సన్నివేశాలు పాత సినిమాలను గుర్తు చేస్తాయని కొందరి అభిప్రాయం. సోషల్ మీడియాలో కూడా ఈ విషయం మీద చాలాసార్లు చర్చ జరుగుతుంది. కొంతమంది నెటిజన్లు ఆయన సినిమాల్లో సీన్లు, ఐడియాలు ఇతర భాషల సినిమాల నుంచి తీసుకున్నారని విమర్శిస్తుంటారు.

అమ్మ త్రివిక్రమ్
Surrounding,Music,ఆఖరికి హీరోయిన్ Expressions తో సహా Copy కొట్టేసావా..
నువ్వే నువ్వే Movie లో… pic.twitter.com/QUWbGYNCLn

— Eshwar Vishnubhotla (@Eswarkarthikeya) February 12, 2026

ఇప్పుడు తాజాగా త్రివిక్రమ్ తొలి సినిమా ‘నువ్వే నువ్వే’కు సంబంధించిన ఒక వీడియో సోషల్ మీడియాలో వైరల్ అవుతోంది. ఒక పాత హిందీ సినిమాలోని సీన్, ‘నువ్వే నువ్వే’ సినిమాలోని చివరి సీన్‌కు చాలా దగ్గరగా ఉందని నెటిజన్లు చెబుతున్నారు. ముఖ్యంగా హీరోయిన్ ఎక్స్ప్రెషన్ కూడా అలాగే ఉందని వీడియోలు షేర్ చేస్తున్నారు. ఆ సీన్ చూసినవాళ్లు “అచ్చం ఇదే సీన్ నువ్వే నువ్వేలో ఉంది” అని కామెంట్లు పెడుతున్నారు.

ఈ వీడియో వైరల్ కావడంతో మరోసారి త్రివిక్రమ్‌పై కాపీ ఆరోపణలు మొదలయ్యాయి. కొంతమంది ఇది కేవలం ప్రేరణ మాత్రమే అంటుండగా, మరికొందరు మాత్రం పూర్తిగా కాపీ అంటున్నారు. సోషల్ మీడియాలో ఈ విషయంపై వాదనలు జోరుగా సాగుతున్నాయి.

ఏది ఏమైనా, త్రివిక్రమ్ తన డైలాగ్స్‌తో, స్టైల్‌తో ప్రేక్షకుల్ని ఇప్పటికీ ఆకట్టుకుంటున్న దర్శకుడు. కాపీ ఆరోపణలు ఉన్నా కూడా, ఆయన సినిమాలు ప్రేక్షకుల్లో చర్చకు వస్తూనే ఉంటాయి. ఇదే త్రివిక్రమ్ ప్రత్యేకత అని చెప్పవచ్చు.

ALSO READ: Ikkis On OTT : ఓటీటీలో ధర్మేంద్ర చివరి చిత్రం స్ట్రీమింగ్ షురూ… కానీ చిన్న ట్విస్ట్

Share

• 
• 
• 
• 
• 
•