Star Herione:రెండు పెళ్లిళ్లు, ఆరు సంబంధాలు.. ఇప్పుడు మళ్లీ పెళ్లి కావాలి అంటున్న 60 ఏళ్ల నటి..!

Star Herione:62 ఏళ్ల వయసులో కూడా ప్రేమపై నమ్మకం కోల్పోలేదని ప్రముఖ నటి కునికా సదానంద్ ఇటీవల చెప్పిన మాటలు ఇప్పుడు చర్చగా మారాయి. ఆమె తన వ్యక్తిగత జీవితంపై ఓపెన్‌గా మాట్లాడటం అందరి దృష్టిని ఆకర్షించింది. జీవితంలో ఎన్నో అనుభవాలు ఎదురైనా, ప్రేమపై విశ్వాసం ఇంకా అలాగే ఉందని ఆమె చెప్పడం ప్రత్యేకం.

కునికా సదానంద్ ఎంటర్‌టైన్‌మెంట్ ఇండస్ట్రీలో మంచి పేరు సంపాదించుకున్నారు. నటిగా మాత్రమే కాకుండా ఇప్పుడు లాయర్‌గా కూడా పని చేస్తున్నారు. ‘బిగ్ బాస్ 19’ ద్వారా ఆమెకు మరోసారి గుర్తింపు వచ్చింది. ఈ షోలో కూడా ఆమె తన వ్యక్తిగత విషయాలను స్పష్టంగా చెప్పడం వల్ల వార్తల్లో నిలిచారు.

తాజాగా ఒక ఇంటర్వ్యూలో ఆమె తన గత సంబంధాల గురించి చెప్పింది. తనకు మొత్తం ఆరు సంబంధాలు ఉన్నాయని తెలిపింది. అందులో రెండు లైవ్-ఇన్ రిలేషన్‌షిప్స్, రెండు పెళ్లిళ్లు, ఇంకా రెండు తాత్కాలిక సంబంధాలు ఉన్నాయని చెప్పింది. సాధారణంగా ఇలాంటి విషయాలు పురుషులకు మాత్రమే అనుమతించబడతాయని సమాజం భావిస్తుందని, కానీ మహిళలకు కూడా అదే హక్కు ఉందని ఆమె స్పష్టం చేసింది.

అలాగే, తాను ఇంకా ప్రేమ కోసం ఎదురుచూస్తున్నానని కునికా చెప్పింది. అయితే ఈసారి మాత్రం బలమైన నిబద్ధత (కమిట్‌మెంట్) కావాలని తెలిపింది. సరైన వ్యక్తి దొరికితే వెంటనే స్థిరపడేందుకు సిద్ధంగా ఉన్నానని ఆమె చెప్పడం గమనార్హం.

గతంలో ప్రముఖ గాయకుడు కుమార్ సాను తో కూడా ఆమెకు సంబంధం ఉన్న విషయం తెలిసిందే. వారు కొంతకాలం కలిసి నివసించారు. అయితే ఆ సంబంధం చివరికి విఫలమైంది. ఇప్పటికే పెళ్లైన వ్యక్తిని ప్రేమించడం వల్ల తాను బాధపడినట్టు కూడా ఆమె చెప్పింది.

ఇక ఆమె వ్యక్తిగత జీవితంలో రెండు పెళ్లిళ్లు జరిగినప్పటికీ అవి సక్సెస్ కాలేదు. ఆ పెళ్లిళ్ల నుంచి ఆమెకు ఇద్దరు కుమారులు ఉన్నారు. సింగిల్ మదర్‌గా పిల్లలను పెంచడం తనకు సులభం కాలేదని, చాలా కష్టాలు ఎదుర్కొన్నానని ఆమె గుర్తుచేసుకుంది. అయినప్పటికీ ధైర్యంగా ముందుకు సాగినట్టు చెప్పింది.

ఇప్పుడు 62 ఏళ్ల వయసులో కూడా మరోసారి కొత్త జీవితాన్ని ప్రారంభించాలని ఆమె కోరుకోవడం ప్రత్యేకంగా కనిపిస్తోంది. వయసు ఏదైనా సరే, తన సంతోషం కోసం నిర్ణయం తీసుకోవడం తప్పు కాదని ఆమె చెప్పిన మాటలు చాలా మందికి ప్రేరణగా నిలుస్తున్నాయి.

ALSO READ: Nithiin: అరడజను ఫ్లాపులైనా అలుపు రావట్లేదా నితిన్?