Ustaad Bhagat Singh: ఉస్తాద్ భగత్ సింగ్ సెన్సార్ పూర్తి.. పవన్ కళ్యాణ్ సినిమా ఫస్ట్ రివ్యూ వచ్చేసిందోచ్!

Ustaad Bhagat Singh: పవర్ స్టార్ పవన్ కళ్యాణ్ నటిస్తున్న భారీ యాక్షన్ ఎంటర్‌టైనర్ ‘ఉస్తాద్ భగత్ సింగ్’ సినిమా అభిమానుల్లో భారీ అంచనాలు పెంచుతోంది. తాజాగా ఈ సినిమా సెన్సార్ కార్యక్రమాలు పూర్తి చేసుకుని U/A సర్టిఫికెట్ పొందింది. సెన్సార్ బోర్డు సభ్యులు ఈ చిత్రాన్ని చూసిన తర్వాత పవన్ కళ్యాణ్ యాక్షన్ సన్నివేశాలు.. ఆయన చెప్పే పవర్‌ఫుల్ డైలాగులు ఎంతో ఆకట్టుకున్నాయని చెప్పినట్లు సమాచారం.

సినిమా రన్ టైం ఎంతంటే..!

సినిమా మొత్తం 2 గంటలు 29 నిమిషాల రన్‌టైమ్తో ప్రేక్షకుల ముందుకు రానుంది. ఈ రన్‌టైమ్ మాస్ కమర్షియల్ సినిమాకు సరిపోయేలా ఉందని ట్రేడ్ వర్గాలు భావిస్తున్నాయి. ముఖ్యంగా పవన్ కళ్యాణ్ అభిమానులు ఈ సినిమాను ఎంతో ఆసక్తిగా ఎదురుచూస్తున్నారు.

ఈ చిత్రాన్ని మాస్ దర్శకుడు హరీష్ శంకర్ తెరకెక్కిస్తున్నారు. గతంలో వీరిద్దరి కాంబినేషన్‌లో వచ్చిన ‘గబ్బర్ సింగ్’ సినిమా బాక్సాఫీస్ వద్ద భారీ విజయాన్ని సాధించింది. ఇప్పుడు అదే కాంబినేషన్ మళ్లీ రిపీట్ కావడంతో ఈ సినిమాపై మొదటి నుంచే భారీ హైప్ ఏర్పడింది.

ఈ సినిమాలో శ్రీలీల.. రాశీ ఖన్నా కథానాయికలుగా నటిస్తున్నారు. సంగీతాన్ని దేవిశ్రీ ప్రసాద్ అందించగా, నేపథ్య సంగీతాన్ని థమన్ అందిస్తున్నారు. మైత్రీ మూవీ మేకర్స్ భారీ బడ్జెట్‌తో ఈ చిత్రాన్ని నిర్మిస్తున్నారు.

ఇప్పటికే విడుదలైన టీజర్, పోస్టర్లు, రెండు పాటలు ప్రేక్షకుల నుంచి మంచి స్పందన అందుకున్నాయి. ముఖ్యంగా పవన్ కళ్యాణ్ మాస్ స్టైల్, ఆయన మేనరిజమ్స్ సోషల్ మీడియాలో వైరల్ అయ్యాయి. అభిమానులు ఈ సినిమాను మాస్ ఎంటర్‌టైనర్‌గా చూడబోతున్నామని భావిస్తున్నారు.

ఇక తాజాగా ఈ సినిమా నుంచి మూడో పాటకు సంబంధించిన అప్‌డేట్ కూడా వచ్చింది. ‘కోల్లార్ ఏయ్ ఏతరా’ అనే మాస్ బీట్‌తో కూడిన థర్డ్ సింగిల్‌పై అభిమానుల్లో మంచి ఆసక్తి ఉంది. ఈ పాట ప్రోమోను మార్చి 10 సాయంత్రం విడుదల చేయనున్నట్లు మేకర్స్ ప్రకటించారు. పూర్తి పాటను మార్చి 12న గ్రాండ్ ఈవెంట్‌లో విడుదల చేయనున్నారు.

ఈ పాటకు దేవిశ్రీ ప్రసాద్ ఇచ్చిన సంగీతం థియేటర్లలో మాస్ ప్రేక్షకులను ఆకట్టుకుంటుందని అభిమానులు భావిస్తున్నారు. పోస్టర్‌లో పవన్ కళ్యాణ్ తలకు ఎర్రటి గుడ్డ కట్టుకుని మాస్ స్టెప్పులతో కనిపించడం అభిమానులను మరింత ఆకర్షిస్తోంది.

మరో ముఖ్యమైన విషయం ఏమిటంటే ఈ సినిమాలో ఐటెమ్ సాంగ్ ఉండదని దర్శకుడు హరీష్ శంకర్ తెలిపారు. ప్రస్తుతం పవన్ కళ్యాణ్ ఆంధ్రప్రదేశ్ ఉప ముఖ్యమంత్రిగా ఉన్న నేపథ్యంలో ఆయన హోదాకు గౌరవంగా ఈ నిర్ణయం తీసుకున్నట్లు చెప్పారు. అన్ని కార్యక్రమాలు పూర్తి చేసుకుని ‘ఉస్తాద్ భగత్ సింగ్’ సినిమా మార్చి 19న ప్రపంచవ్యాప్తంగా విడుదల కావడానికి సిద్ధమవుతోంది. ఇప్పుడు సెన్సార్ నుంచి వచ్చిన పాజిటివ్ టాక్‌తో ఈ సినిమాపై అంచనాలు మరింత పెరిగాయి.

ALSO READ: Allu Arjun AA22: అల్లు అర్జున్ కోసం షారుఖ్ ఖాన్.. అట్లీ మాస్టర్ ప్లాన్..ఐకాన్ స్టార్ అభిమానులకు పండగే..!