Varalaxmi Sarathkumar: నా పీరియడ్స్ అలాంటి సీన్స్ కి అలవాటు పడిపోయాయి: వరలక్ష్మి శరత్ కుమార్

Varalaxmi Sarathkumar About Periods: తాజాగా వరలక్ష్మీ శరత్ కుమార్ చేసిన వ్యాఖ్యలు తెగ వైరల్ అవుతున్నాయి. సినిమాల్లో యాక్షన్ సీన్స్ చేయడం అంత ఈజీ పని కాదు. ఎక్కువగా ఫైట్ సీన్స్‌లో శారీరకంగా చాలా శ్రమ పడాల్సి ఉంటుంది. అయితే తన షూటింగ్ అనుభవాల్లో ఒక విచిత్రమైన విషయం తరచూ జరుగుతుందని వరలక్ష్మి చెప్పారు. చాలా సార్లు ఫైట్ సీన్స్ షూట్ చేసే రోజే తనకు పీరియడ్స్ ప్రారంభమవుతాయని ఆమె తెలిపారు.

ఈ విషయంపై ఆమె నవ్వుతూ మాట్లాడుతూ.మీ “నా పీరియడ్స్ ఎక్కువగా ఫైట్ సీన్స్ ఉన్న రోజుల్లోనే వస్తాయి. అందుకే ఇప్పుడు నా యుటరస్ కూడా ఆ సీన్స్‌కి అలవాటు పడిపోయిందనిపిస్తుంది” అని చెప్పారు. చాలా సినిమాల షూటింగ్‌ల సమయంలో ఇదే పరిస్థితి ఎదురైందని కూడా ఆమె వివరించారు.

పీరియడ్ సమయంలో కూడా ఆపకుండా..!

పీరియడ్స్ సమయంలో కూడా షూటింగ్ ఆపకుండా పని చేయాల్సి వచ్చిన సందర్భాలు చాలానే ఉన్నాయని వరలక్ష్మి తెలిపారు. ఫైట్ సీన్స్ చేయడం కష్టమైనప్పటికీ, నటిగా తన బాధ్యతను పూర్తి చేయడం కోసం ఆ సీన్స్ పూర్తి చేసేదాన్నని ఆమె చెప్పారు.

అదే సమయంలో మహిళల సహనం గురించి కూడా వరలక్ష్మి మాట్లాడారు. చాలా మంది మహిళలు పీరియడ్స్ సమయంలో నొప్పి, అసౌకర్యం ఉన్నా కూడా తమ పనులను ఆపకుండా కొనసాగిస్తారని ఆమె అన్నారు. ఇంటి పనులు, ఉద్యోగం, కుటుంబ బాధ్యతలు అన్నీ చూసుకుంటూ ముందుకు సాగుతారని తెలిపారు.

ఈ విషయాన్ని చెబుతూ వరలక్ష్మి ఇలా అన్నారు: “పీరియడ్స్ ఉన్నప్పుడు మహిళలు పని చేయలేరని అనుకోవడం సరైంది కాదు. మహిళలు చాలా నొప్పిని భరించే శక్తి కలిగి ఉంటారు. అదే సమయంలో తమ పని కూడా పూర్తి చేస్తారు.”

వరలక్ష్మి చేసిన ఈ వ్యాఖ్యలు సోషల్ మీడియాలో పెద్ద చర్చకు కారణమయ్యాయి. చాలా మంది ఆమె నిజాయితీగా మాట్లాడిందని అభినందిస్తున్నారు. మహిళల గురించి ధైర్యంగా మాట్లాడిందని కొందరు ప్రశంసలు కురిపిస్తున్నారు.

అయితే కొంతమంది మాత్రం ఈ వ్యాఖ్యలను విమర్శిస్తున్నారు. వ్యక్తిగత విషయాలను ఇలా పబ్లిక్‌గా చెప్పాల్సిన అవసరం లేదని కొందరు అభిప్రాయం వ్యక్తం చేస్తున్నారు. అయినప్పటికీ వరలక్ష్మి శరత్‌కుమార్ చెప్పిన మాటలు ప్రస్తుతం సోషల్ మీడియాలో విస్తృతంగా చర్చకు దారితీశాయి. మహిళల శక్తి, సహనం గురించి మరోసారి అందరూ మాట్లాడుకునేలా చేశాయి.

ALSO READ: Star Herione: పెళ్లికి సిద్ధమైపోయిన తెలుగు స్టార్ హీరోయిన్.. ప్రముఖ కొరియోగ్రాఫర్‌తో ప్రేమ..!