వరణ్ తేజ్ ‘కొరియన్ కనకరాజు’ నుంచి ఫస్ట్ సింగిల్ ప్రోమో వచ్చేసింది..

Korean Kanakaraju: మెగా ప్రిన్స్ వరుణ్ తేజ్ తన విభిన్నమైన కథా చిత్రాలతో ప్రేక్షకులను అలరిస్తుంటారు. తాజాగా ఆయన నటిస్తున్న చిత్రం ‘కొరియన్ కనకరాజు’ (Korean Kanakaraju). ఎక్స్‌ప్రెస్ రాజా, వెంకటాద్రి ఎక్స్ ప్రెస్ వంటి చిత్రాల తర్వాత దర్శకుడు మేర్లపాక గాంధీ ఈ సినిమాను తెరకెక్కిస్తున్నారు. తాజాగా ఈ సినిమాకు సంబంధించి ఒక ఆసక్తికరమైన అప్‌డేట్ వచ్చింది. ఈ చిత్రంలోని మొదటి పాట ‘కంసాహమ్నీదా’ సాంగ్ ప్రోమోను చిత్ర యూనిట్ విడుదల చేసింది.

డిఫరెంట్ టైటిల్..

ఈ సాంగ్ ప్రోమోలో వరుణ్ తేజ్ ఊర మాస్ లుక్‌లో కనిపిస్తున్నారు. పొలాల మధ్య, ఊరి నేపథ్యంలో సాగే ఈ పాటలో వరుణ్ తేజ్ వేసిన స్టెప్పులు మెగా అభిమానులను ఆకట్టుకుంటున్నాయి. ‘కంసాహమ్నీదా’ అనేది కొరియన్ పదం, దీనికి ‘ధన్యవాదాలు’ అని అర్థం. తెలుగు పాటలో కొరియన్ పదాన్ని వాడటం ఇప్పుడు సినీ వర్గాల్లో చర్చనీయాంశంగా మారింది. ఈ చిత్రంలో వరుణ్ తేజ్ సరసన రితికా నాయక్ కథానాయికగా నటిస్తోంది.

థమన్ మ్యూజిక్..

ప్రస్తుతం టాలీవుడ్‌లో సెన్సేషనల్ మ్యూజిక్ డైరెక్టర్‌గా కొనసాగుతున్న ఎస్.ఎస్. థమన్ ఈ చిత్రానికి సంగీతాన్ని అందిస్తున్నారు. ఈ పాటను తనదైన గాత్రంతో మెప్పించే సిద్ శ్రీరామ్ పాడటం విశేషం. థమన్ అందించిన మాస్ బీట్, సిద్ శ్రీరామ్ వాయిస్ కలిసి ఈ పాటను మరో చార్ట్‌బస్టర్‌గా మార్చేలా ఉన్నాయి. ప్రోమోలో వినిపించిన ట్యూన్ చాలా క్యాచీగా ఉంది.

నిర్మాణం

ఈ చిత్రాన్ని ప్రముఖ నిర్మాణ సంస్థలు యూవీ క్రియేషన్స్ ఫస్ట్ ఫ్రేమ్ ఎంటర్టైన్మెంట్స్ సంయుక్తంగా నిర్మిస్తున్నాయి. మేర్లపాక గాంధీ మార్క్ కామెడీ ఎమోషన్స్ ఈ సినిమాలో పుష్కలంగా ఉంటాయని తెలుస్తోంది. ఇక ఈ ‘కంసాహమ్నీదా’ పూర్తి లిరికల్ సాంగ్‌ను ఏప్రిల్ 11న సాయంత్రం 04:05 గంటలకు విడుదల చేయనున్నట్లు మేకర్స్ ప్రకటించారు. వరుణ్ తేజ్ గత చిత్రాలకు భిన్నంగా ఈ సినిమాలో ఒక కొత్త మేకోవర్‌తో కనిపిస్తుండటంతో సినిమాపై అంచనాలు భారీగా పెరిగాయి. ఇప్పటికే విడుదలైన టైటిల్ ఈ ప్రోమో సినిమాపై మంచి బజ్ క్రియేట్ చేశాయి. మరి కొరియన్ కనకరాజు బాక్సాఫీస్ వద్ద ఎలాంటి మ్యాజిక్ చేస్తాడో చూడాలి.