ప్రదీప్ రంగనాథ్ LIK టైటిల్..112 కోట్లు కట్టనున్న కంపెనీ..ఇదేమీ ట్విస్టు!

LIK Movie: ప్రదీప్ రంగనాథన్ హీరోగా ఇటీవల ప్రేక్షకుల ముందుకు వచ్చిన తాజా చిత్రం లవ్ ఇన్సూరెన్స్ కంపెనీ (LIK). ప్రదీప్ రంగనాథన్, కృతి శెట్టి హీరో హీరోయిన్లుగా నటించిన ఈ సినిమా ఏప్రిల్ 10వ తేదీ ప్రేక్షకుల ముందుకు వచ్చింది. ఎన్నో అంచనాల నడుమ విడుదలైన ఈ సినిమా అనుకున్న స్థాయిలో పెద్దగా ప్రేక్షకులను ఆకట్టుకోలేకపోయిందని చెప్పాలి. ఇక ఈ సినిమాకు ప్రముఖ నటి నయనతార భర్త విగ్నేష్ శివన్ దర్శకుడిగా వ్యవహరించగా నయనతార నిర్మాతగా కొనసాగారు.

LIC పేరు వాడుకోవాలి అంటే కోట్లు చెల్లించాలి..

ప్రదీప్ రంగనాథన్ సినిమా అంటే అందరికీ ఎన్నో మంచి అంచనాలే ఉంటాయి కానీ ఈ సినిమా విడుదలకు ముందు అదే స్థాయిలో అంచనాలు ఉన్నప్పటికీ అనుకున్న విధంగా మాత్రం ప్రేక్షకుల అంచనాలను చేరుకోలేక నిరాశను మిగిల్చింది.. ఇక ఈ సినిమా ప్రమోషన్లలో భాగంగా డైరెక్టర్ విగ్నేష్ ఈ సినిమా టైటిల్ కి సంబంధించి ఒక ఆసక్తికరమైన విషయాన్ని అభిమానులతో పంచుకున్నారు. లవ్ ఇన్సూరెన్స్ కంపెనీ అంటే LIC అని టైటిల్ పెట్టుకోవాలి కాకపోతే ఈ సినిమాకు LIK అని పెట్టడానికి గల కారణాన్ని తెలియజేశారు.

రూ.112 కోట్లు కట్టమని అడిగారు.

నిజానికి తాము తమ లవ్ ఇన్సూరెన్స్ కంపెనీ సినిమాకు LIC అనే టైటిల్ పెట్టాలని భావించాము ఇలా ఈ టైటిల్ పెట్టడం కోసం ఎల్ఐసి కంపెనీని తాము సంప్రదించగా వారి కంపెనీ పేరు వాడుకోవడానికి ఏకంగా 112 కోట్ల రూపాయలు కట్టమని తెలిపారు. కేవలం పేరు వాడుకోవడానికి ఈ స్థాయిలో డబ్బు చెల్లించమని అడగడంతో టైటిల్ విషయంలో తమ నిర్ణయం మార్చుకొని LIC నుంచి LIK అని పెట్టుకున్నాము అంటూ విగ్నేష్ శివన్ ఈ సందర్భంగా టైటిల్ మార్చడం వెనుక గల కారణాలను తెలియజేశారు. ఇక ఈ విషయం తెలిసిన నేటిజన్స్ ఒక్కసారిగా ఆశ్చర్యం వ్యక్తం చేస్తున్నారు. కేవలం ఎల్ఐసి పేరు వాడుకోవడం కోసమే వందల కోట్లు డబ్బు చెల్లించడం అంటే మామూలు విషయం కాదు అంటూ ఆశ్చర్యపోతున్నారు.

కృతి శెట్టికి తమిళంలోనూ చేదు అనుభవమే..

ఇక లవ్ ఇన్సూరెన్స్ కంపెనీ సినిమా విషయానికి వస్తే 2040లో ప్రేమలు ఎలా ఉంటాయనే విషయంపై ఈ సినిమాని ప్రేక్షకుల ముందుకు తీసుకువచ్చారని తెలుస్తోంది. ఇందులో ఎస్ జె సూర్య విలన్ పాత్రలో నటించారు. తెలుగులో వరుస సినిమా అవకాశాలను అందుకుంటూ ప్రతి సినిమా ద్వారా నిరాశను ఎదుర్కొంటున్న కృతి శెట్టి తమిళంలో తన అదృష్టాన్ని పరీక్షించుకోవడం కోసం అక్కడికి వెళ్లారు అయితే తమిళంలో ఈమె ఇప్పటికే అన్నగారు వస్తారు, లైక్ సినిమా ద్వారా ప్రేక్షకుల ముందుకు వచ్చినప్పటికీ అక్కడ కూడా నిరాశ ఎదురైందని చెప్పాలి.

Also Read: ఆస్తి కోసమే దాడి…అందరూ ఒక్కటై నా జీవితాన్ని నాశనం చేశారు: నటి సజిని

Share

• 
• 
• 
• 
• 
•