అభిమానుల సమక్షంలో కేక్ కట్ చేసి బర్త్ డే సెలబ్రేట్ చేసుకున్న రౌడీ హీరో..

Vijay Devarakonda: విజయ్ దేవరకొండ నేడు (మే 9) న పుట్టినరోజు వేడుకలను జరుపుకుంటున్నారు. ఈయన తన 37వ పుట్టినరోజు సందర్భంగా పెద్ద ఎత్తున అభిమానులు సోషల్ మీడియా వేదికగా విజయ్ దేవరకొండకు పుట్టిన రోజు శుభాకాంక్షలు తెలియజేస్తున్నారు. ఈ పుట్టినరోజు విజయ్ దేవరకొండ(Vijay Devarakonda) కు ఎంతో స్పెషల్ అని చెప్పాలి. పెళ్లి తర్వాత విజయ్ రష్మిక(Rashmika)తో జరుపుకుంటున్న మొదటి పుట్టినరోజు కావటం విశేషం. విజయ్ దేవరకొండ పుట్టినరోజు(Birthday) సందర్భంగా సినిమా సెలబ్రిటీలతో పాటు అభిమానులు కూడా ఈయనకు పుట్టినరోజు శుభాకాంక్షలు తెలుపుతూ సోషల్ మీడియా వేదికగా పోస్టులు చేస్తున్నారు.

రణబాలి థీమ్ కేక్..

ఇక విజయ్ నటిస్తున్న సినిమాల నుంచి కూడా స్పెషల్ పోస్టర్స్ తో పాటు వీడియోలను కూడా విడుదల చేస్తూ అభిమానులకు మంచి ట్రీట్ ఇచ్చారని చెప్పాలి. ఇకపోతే విజయ్ పుట్టినరోజు కావడంతో అభిమానులు పెద్ద ఎత్తున ఆయన నివాసం వద్దకు చేరుకొని రౌడీ హీరోకి పుట్టినరోజు శుభాకాంక్షలు తెలియజేస్తున్నారు. ఇక రష్మిక విజయ్ సైతం అభిమానులతో ఇంటి బాల్కనీ నుంచి ముచ్చటిస్తూ వారికి ప్రత్యేకంగా ధన్యవాదాలు తెలియజేశారు. అయితే విజయ్ కోసం అభిమానులు స్పెషల్ గా రణబాలి థీమ్ తో కేక్ తయారుచేసి తీసుకురావడంతో విజయ్ నేరుగా అభిమానుల వద్దకు వెళ్లి పుట్టినరోజు వేడుకలను జరుపుకున్నారు.

అభిమానులతో కలిసి కేక్ కట్ చేసిన విజయ్..

ఇలా తన ఇంటి గేటు ముందు అభిమానులు పెద్ద ఎత్తున హంగామా చేస్తున్న నేపథ్యంలో విజయ్ స్వయంగా వారి వద్దకు వెళ్లి వారు తీసుకువచ్చిన కేక్ కట్ చేసి అభిమానుల సమక్షంలో పుట్టిన రోజు వేడుకలను జరుపుకున్నారు. ప్రస్తుతం ఇందుకు సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి. సాధారణంగా హీరోలు అభిమానుల సమక్షంలో కేక్ కట్ చేసి సెలబ్రేషన్స్ చేసుకోవడం అనేది చాలా అరుదుగా జరుగుతుంది. ఏ హీరో కూడా అంత సాహసం చేయరు.

విజయ్ రష్మిక జంటగా..

ఇక విజయ్ దేవరకొండను చూడటం కోసం ఆయనకు పుట్టినరోజు శుభాకాంక్షలు తెలపడం కోసం అభిమానులు పెద్ద ఎత్తున తరలి రావడంతో ఫాన్స్ కోరిక మేరకు విజయ్ స్వయంగా వారి వద్దకు వెళ్లి కేక్ కట్ చేయడంతో అభిమానులు కూడా ఎంతో సంతోషం వ్యక్తం చేస్తున్నారు. ఇక విజయ్ దేవరకొండ సినిమాల విషయానికొస్తే ప్రస్తుతం ఈయన రౌడీ జనార్ధన్ సినిమాలో నటిస్తున్న సంగతి తెలిసిందే. ఈ సినిమాలో విజయ్ జోడిగా కీర్తి సురేష్ నటిస్తున్నారు. ఈ సినిమాతో పాటు రణబాలి అనే సినిమాలో కూడా విజయ్ నటిస్తున్నారు. ఈ సినిమాలో రష్మిక హీరోయిన్ పాత్రలో నటించడం విశేషం. పెళ్లి తర్వాత వీరిద్దరు జంటగా నటిస్తున్న మొదటి సినిమా కావడంతో సినిమా పై మంచి అంచనాలే ఉన్నాయి. ఈ రెండు సినిమాలు మాత్రమే కాకుండా ఈయన మరో డైరెక్టర్ శౌర్యవ్ దర్శకత్వంలో సినిమా చేయబోతున్నట్టు ఇటీవల అధికారకంగా ప్రకటించిన సంగతి తెలిసిందే.

Also Read: విజయ్ దేవరకొండ బర్త్ డే…స్పెషల్ వీడియోను రిలీజ్ చేసిన రణబాలి టీమ్!