విజయ్ రణబాలి యాక్షన్ వీడియో లీక్..ఒక్కో డైలాగ్ ఒక్కో డైమండ్…ఈ సారి హిట్టు గ్యారంటీ!

Ranabaali: విజయ్ దేవరకొండ ప్రస్తుతం రాహుల్ సాంకృత్యన్ దర్శకత్వంలో రణబాలి(Ranabaali) అనే సినిమాలో నటిస్తున్న సంగతి తెలిసిందే . ప్రస్తుతం ఈ సినిమా శరవేగంగా షూటింగ్ పనులను జరుపుకుంటుంది. రష్మిక (Rashmika)విజయ్ దేవరకొండ(Vijay Devarakonda) జంటగా ఈ సినిమాలో నటించబోతున్న నేపథ్యంలో సినిమాపై భారీ స్థాయిలో అంచనాలు ఉన్నాయి. ఇటీవల వీరిద్దరి పెళ్లి కోసం సినిమాకు కాస్త బ్రేక్ ఇచ్చారు. తాజాగా విజయ్ రష్మిక ఈ సినిమా షూటింగ్లో పాల్గొన్న సంగతి తెలిసిందే. ఇటీవల ఈ సినిమా షెడ్యూల్ అనంతపురం జిల్లాలో పూర్తీ అయింది. అనంతపురం జిల్లా ఎల్లనూరు మండలంలో కొన్ని యాక్షన్ సన్ని వేషాలకు సంబంధించిన షూటింగ్ పూర్తి చేశారు.

రణబాలి యాక్షన్ వీడియో లీక్…

గత రెండు రోజులుగా ఈ సినిమా షూటింగ్ లోకేషన్ కి సంబంధించిన వీడియోలు సోషల్ మీడియాలో వైరల్ అయ్యాయి. అయితే తాజాగా ఈ సినిమాలో యాక్షన్ ఎపిసోడ్ కు సంబంధించిన వీడియో ఒకటి సోషల్ మీడియాలో లీక్ అవ్వడంతో ఇది కాస్త పెద్ద ఎత్తున వైరల్ అవుతుంది. ఈ వీడియో చూసిన విజయ్ అభిమానులు షాక్ అవుతున్నారు. ఈ వీడియోలో భాగంగా విజయ్ దేవరకొండ గుర్రంపై ఒక ఇంటిలోకి వెళ్తూ రౌడీలను చంపేస్తున్నారు. ఆ సమయంలో విజయ్ దేవరకొండ చెప్పే డైలాగ్ లు హైలెట్ గా నిలిచాయి.

**ముండమోపి నా కొడకా.. యాడుండావురా**

ఈ వీడియోలో భాగంగా విజయ్ దేవరకొండ గుర్రంపై కత్తి పట్టుకుని వస్తూ ముండమోపి నా కొడకా.. యాడుండావురా ,నీ ఇళ్లల్లోకి వచ్చినా.. రాప్పా సంపుదువు గాని అంటూ విజయ్ దేవరకొండ రాయలసీమ యాసలో చెప్పే డైలాగులు హైలెట్ గా నిలిచాయని చెప్పాలి. ఇలా ఈ యాక్షన్ ఎపిసోడ్ లో డైలాగులు చూస్తుంటే ఈసారి మాత్రం విజయ్ దేవరకొండ కచ్చితంగా హిట్ కొట్టబోతున్నారని తెలుస్తోంది. ఇక అనంతపురం జిల్లాకు సంబంధించిన షెడ్యూల్ పూర్తి కావడంతో చిత్ర బృందం కర్నూల్ లో జరగబోయే షూటింగ్ లో పాల్గొనబోతున్నారు . ప్రస్తుతం ఈ వీడియో సోషల్ మీడియాలో వైరల్ అవ్వడమే కాకుండా కీలక డైలాగ్స్ కూడా బయటకు రావడంతో చిత్ర బృందం పూర్తిగా అప్రమత్తమవుతున్నారు.

సెప్టెంబర్ 11, 2026న రణబాలి విడుదల..

కర్నూలులో జరగబోయే షూట్ కి సంబంధించి ఎలాంటి లీక్స్ రాకుండా జాగ్రత్త పడుతున్నారు ఇందులో భాగంగానే షూటింగ్ లొకేషన్లోకి వెళ్లే వారికి ఫోన్లు అనుమతి లేకుండా జాగ్రత్త పడుతున్నట్టు తెలుస్తుంది. రష్మిక ముచ్చటగా మూడోసారి ఈ సినిమా ద్వారా ప్రేక్షకుల ముందుకు రాబోతున్నారు. ఈ సినిమాని ఈ ఏడాది సెప్టెంబర్ 11 న విడుదల చేయాలనే ఆలోచనలో చిత్ర బృందం ఉన్నారు. ఇక ఈ సినిమా 19వ శతాబ్దపు రాయలసీమ నేపథ్యంలో, బ్రిటిష్ పాలనలోని అన్యాయాలకు, దోపిడీకి వ్యతిరేకంగా పోరాడే ఒక వీరుడి కథగా ప్రేక్షకుల ముందుకు రాబోతోంది. ఇప్పటికే ఈ సినిమా నుంచి విడుదల చేసిన అప్డేట్స్ సినిమా పట్ల మంచి అంచనాలను పెంచేసింది. ప్రస్తుతం ఈ సినిమా షూటింగ్ పనులను శర వేగంగా నిర్వహిస్తున్నారు.