HBD Vijay Deverakonda: రౌడీ హీరోగా తనకంటూ ఒక ప్రత్యేకమైన గుర్తింపును సొంతం చేసుకున్న విజయ్ దేవరకొండ (Vijay Deverakonda) గురించి పరిచయాలు ప్రత్యేకంగా అవసరం లేదు. రౌడీ హీరో అనే బ్రాండ్ గా మారిన ఈయన తొలిసారి ‘నువ్విలా’ అనే చిత్రం ద్వారా చిన్న పాత్రతో ఇండస్ట్రీకి అరంగేట్రం చేశారు. 2012లో వచ్చిన ‘లైఫ్ ఈజ్ బ్యూటిఫుల్’ సినిమాలో కూడా చిన్న పాత్ర పోషించి, తన మేనరిజంతో అమ్మాయిల ఫేవరెట్ నటుడిగా మారిపోయారు. ఇక 2015లో వచ్చిన ‘ఎవడే సుబ్రహ్మణ్యం’ సినిమాలో రిషి పాత్రతో ఊహించని పాపులారిటీ సొంతం చేసుకున్నారు. అంతేకాదు క్లైమాక్స్ లో అద్భుతమైన నటనను కనబరిచి.. అందరి చేత కంటతడి పెట్టించారు విజయ్ దేవరకొండ .
అలాంటి ఈయన 2016లో వచ్చిన ‘పెళ్లి చూపులు’ సినిమాతో హీరోగా మారి విమర్శకుల ప్రశంసలు సొంతం చేసుకున్నారు. ఇక తర్వాత ‘ద్వారక’ సినిమాతో మళ్లీ ప్రేక్షకుల ముందుకు వచ్చారు కానీ అనుకున్నంత స్థాయిలో విజయం లభించలేదు. కానీ అదే ఏడాది అర్జున్ రెడ్డి సినిమాతో బాక్సాఫీస్ వద్ద సరికొత్త రికార్డు క్రియేట్ చేసి, ట్రెండ్ సెట్టర్ గా నిలిచారు. అర్జున్ రెడ్డి లాంటి అబ్బాయి కావాలని అమ్మాయిలే కాదు సెలబ్రిటీలు కూడా తమ మనసులో కోరికను బయట పెట్టడం మనం ఎన్నో సందర్భాలలో చూసాము. అలా ఒక్క సినిమాతో పాన్ ఇండియా క్రేజ్ దక్కించుకున్న రౌడీ హీరో పుట్టినరోజు ఈరోజు. 36వ పుట్టినరోజు జరుపుకుంటున్న నేపథ్యంలో ఆయనకు సంబంధించిన కొన్ని విషయాలు సోషల్ మీడియాలో వైరల్ గా మారుతున్నాయి.
ఇకపోతే విజయ్ దేవరకొండ పుట్టినరోజు కావడంతో ఆయన ఫస్ట్ రెమ్యూనరేషన్ వివరాలు సోషల్ మీడియాలో వైరల్ గా మారాయి. సినిమా రంగంలోకి అడుగుపెట్టక ముందు ట్యూషన్ టీచర్గా పని చేసి కేవలం రూ.500 సంపాదించే వారట. ఈ విషయాలను ఆయనే స్వయంగా ఒప్పుకోవడం గమనార్హం. ఇకపోతే ఖుషీ సినిమా తర్వాతే తనకు చెప్పుకోదగ్గ ఆదాయం కూడా లభిస్తోందని తెలిపారు.
విజయ్ దేవరకొండ రెమ్యూనరేషన్ విషయాలు సోషల్ మీడియాలో వైరల్ గా మారుతున్నాయి. ప్రస్తుతం ఒక్కో సినిమాకి రూ.15 కోట్లకు పైగా రెమ్యూనరేషన్ తీసుకుంటున్నట్లు సమాచారం. ఇదిలా ఉండగా ఇక ఈయన ఆస్తులు వివరాలతో పాటు ఈయనకు ఇష్టమైన కార్ కలెక్షన్ కూడా ఇప్పుడు సోషల్ మీడియాలో వైరల్గా మారింది.
విజయ్ దేవరకొండకు కార్లు అంటే చాలా ఇష్టం. అందులో భాగంగానే లగ్జరీ కార్లను ఆయన కొనుగోలు చేశారు. అందులో భాగంగానే వోల్వో XC 90, ఫోర్డ్ మస్టాంగ్, బీఎండబ్ల్యూ 5 సిరీస్, రేంజ్ రోవర్ వంటి విలాసవంతమైన లగ్జరీ కార్లు ఆయన వద్ద ఉన్నాయి.
విజయ్ దేవరకొండ ఒకవైపు సినిమాలలో నటిస్తూనే.. మరొకవైపు అలా వచ్చిన డబ్బుతో వ్యాపారం కూడా మొదలుపెట్టారు. రౌడీ క్లబ్ అనే ఒక ఫ్యాషన్ బ్రాండ్ ను ఏర్పాటు చేసిన ఈయన ఈ బ్రాండ్ ద్వారా ఎంతో మంది సెలబ్రిటీలకు దుస్తులను విక్రయిస్తూ ఉంటారు.. అంతేకాదు యువతకు అందుబాటులో ఉండే ధరలలో ఈ దుస్తులు మనకు లభిస్తాయి. లేని వారికి ఉచితంగా రౌడీ హీరో తన బ్రాండ్ దుస్తులను అందించిన విషయం తెలిసిందే. అలాగే “కింగ్ ఆఫ్ ది హిల్ ఎంటర్టైన్మెంట్ ” పేరుతో సొంత ప్రొడక్షన్ హౌస్ ని కూడా స్థాపించారు విజయ్ దేవరకొండ.
also read:HBD Sai Pallavi: సాయి పల్లవి రెమ్యునరేషన్.. ఆస్తుల విలువ ఎంతో తెలుసా?
ఇకపోతే విజయ్ దేవరకొండ ప్రస్తుతం రణబాలి సినిమాతో పాటు రౌడీ జనార్ధన సినిమాలలో నటిస్తున్నారు.
Share
కోహ్లీకి అంతా బలుపెందుకు ? ఆటోగ్రాఫ్ కోసం లక్ష కోట్ల అధిపతి సంజీవ్ గోయెంకాను నిలబెడతావా !
కొత్త స్థలం.. కొత్త గ్రామం.. చెంచుల కోసం ప్రభుత్వం అందిస్తున్న డబుల్ ప్యాకేజీలు ఇవే..?
