Vijay Victory :సీయం అవడం అటుంచండి..కనీసం గెలుస్తాడా అంటూ అంటూ ఎగతాళి చేసిన వాళ్ళ నోళ్ళని మూయిస్తూ అసెంబ్లీ ఎన్నికల్లో 108 సీట్లు సాధించి విజయడంకా మోగించాడు విజయ్.ఈ క్రమంలో సీయం కాబోతున్న విజయ్ కి ఇప్పటికే సినీ ఇండస్ట్రీలోని ప్రముఖులంతా తమ విషెస్ చెప్పగా తాజాగా కోలీవుడ్ సీనియర్ నటుడు సత్యరాజ్ కూడా విషెస్ చెప్పుకొచ్చాడు. అయితే విషెస్ చెబుతూనే విజయ్ పై తనదైన శైలిలో చేసిన కామెంట్స్ ఇపుడు సోషల్ మీడియాలో తెగ వైరల్ అవుతున్నాయ్.
అభినందనలు తెలిపిన సత్యరాజ్
విషయంలోకి వెళ్తే అందరిలాగే విజయ్కు మనస్ఫూర్తిగా అభినందనలు తెలిపిన సత్యరాజ్, అదే సమయంలో కొన్ని కామెంట్స్ చేసుకొచ్చాడు.ముఖ్యంగా రాజకీయాల్లో సిద్ధాంతాలే ప్రాణమని, ఎన్నికల ప్రచారంలో విజయ్ ప్రకటించినట్లుగా పెరియర్, అంబేద్కర్ ఆశయాలకు కట్టుబడి ఉండాలని కోరాడు. సమాజంలో అణగారిన వర్గాలకు న్యాయం జరిగేలా, సామాజిక సమానత్వం కోసం విజయ్ కృషి చేస్తారని ఆశిస్తున్నట్లు చెప్పుకొచ్చాడు సత్యరాజ్.
also read :మామిడి పండ్ల సీజన్ వచ్చేసింది.. కానీ ఆ పండ్లు కొనేముందు ఈ ఒక్క టెస్ట్ చేయండి!
ఫ్యూచర్లో కూడా తన సపోర్ట్ డీఎంకే పార్టీకే
అయితే ఇదే సమయంలో ఈ ఎన్నికల్లో ఎం.కె. స్టాలిన్ సారధ్యంలోని డీఎంకే ఓటమి పాలు కావడం తనను బాధించిందని ఓపెన్గానే చెప్పడం ఇక్కడ గమనార్హం.ఏది ఏమైనా ఎన్నికల రిజల్ట్ ఎలా ఉన్నా ఫ్యూచర్లో కూడా తన సపోర్ట్ డీఎంకే పార్టీకే ఉంటుందని, తాను నమ్ముకున్న ద్రవిడ సిద్ధాంతాలకు కట్టుబడి ఉంటానని ఆయన కుండబద్దలు కొట్టేయడం విశేషం.
100కు పైగా కైవసం చేసుకోవడం మిరాకిల్
ఇక మరోవైపు, తమిళనాట tvk పార్టీ సంచలన విజయం సాధించడం నేషనల్ వైడ్ గా డిబేటబుల్ అయిపొయింది.పార్టీ పెట్టిన రెండేళ్లలోనే తొలిసారి ఎన్నికల బరిలోకి దిగిన ‘తమిళగ వెట్రి కళగం’ (TVK) ఏకంగా 100కు పైగా స్థానాలను కైవసం చేసుకోవడం ఒక మిరాకిల్ అనే చెప్పాలి.ఇక విజయ్ తాను పోటీ చేసిన రెండు నియోజకవర్గాల్లోనూ భారీ మెజారిటీతో విజయం సాధించాడంటే విజయ్ పార్టీ పట్ల ప్రజలకి ఎంత నమ్మకం ఉందో అర్థమవుతుంది.
also read : దేవ కట్టా చేతికి ‘డ్రాగన్’ స్క్రిప్ట్.. ప్రశాంత్ నీల్ ఫెయిల్ అయినట్టేనా?
నెక్స్ట్ సీయం కావడం ఖాయం
ఇక ప్రస్తుతం విజయ్ పార్టీకి 108 సీట్లు రాగా, అధికారాన్ని చేపట్టడానికి అవసరమైన మేజిక్ ఫిగర్కు మరో 10 సీట్ల దూరంలో ఉన్నాడు. ఇతర చిన్న పార్టీలు లేదా ఇండిపెండెంట్స్ సపోర్ట్ తో విజయ్ తమిళనాడు నెక్స్ట్ సీయం కావడం ఖాయం.ఇక గతంలోనే విజయ్ తన ‘మెర్సల్’, ‘సర్కార్’ చిత్రాల్లోనే పొలిటికల్ ఇష్యూస్ రైజ్ చేయగా ఇపుడు ఏకంగా సీయం అవుతుండటం విశేషం.చూడాలి మరి మన కట్టప్ప చేసిన సూచనలని విజయ్ ఎలా పాటిస్తాడో.
Congratulations #ThalapathyVijay & #TVK on your victory. You’ve cited Periyar & Ambedkar as your ideological leaders—hope you uphold their values and ensure social justice. Saddened by #MKStalin’s defeat, but I’ll continue supporting #DMK.
– #Sathyaraj pic.twitter.com/c5Q7ikwpBo— Movies Singapore (@MoviesSingapore) May 5, 2026
Share
విజయ్ మార్క్ పాలిటిక్స్.. ప్రభుత్వ ఏర్పాటుకు కాంగ్రెస్ మద్దతు కోరిన టీవీకే!
బీఆర్ఎస్ అవినీతిపై సీబీఐ విచారణ ఎందుకు మొదలుపెట్టలేదు?.. బండి సంజయ్కి ఎంపీ చామల సూటి ప్రశ్న
