Vishnu Vinyasam: యంగ్ హీరో శ్రీ విష్ణు (Sree Vishnu) నటిస్తున్న హిలేరియస్ ఎంటర్టైనర్ చిత్రం ‘విష్ణు విన్యాసం’ (Vishnu Vinyasam). నూతన దర్శకుడు యదునాథ్ మారుతీ రావు దర్శకత్వం వహించిన ఈ చిత్రంలో నయన్ సారిక (Nayan Sarika) హీరోయిన్గా నటించింది, శ్రీ సుబ్రహ్మణ్యేశ్వర సినిమాస్ బ్యానర్పై సుమంత్ నాయుడు జి నిర్మించారు. ఈ చిత్రం ఈ నెల 28న థియేటర్లలోకి వచ్చేందుకు సిద్ధమైంది. ఈ సినిమాకు సంబంధించి ఇప్పటి వరకు వచ్చిన ప్రమోషనల్ కంటెంట్ సినిమాపై భారీగా అంచనాలను పెంచేసిన విషయం తెలిసిందే. ప్రస్తుతం బిజినెస్ కూడా అదే రేంజ్లో జరిగి, విడుదలకు ముందే దాదాపు రూ. 7 కోట్ల లాభం నిర్మాతకు వచ్చినట్లుగా టాక్ నడుస్తుంది. ఇదంతా బాగానే ఉంది కానీ, తెలుగు రాష్ట్రాలకు సంబంధించి మాత్రం పంపిణీ విషయంలో బయ్యర్లు భయపడుతున్నట్లుగా ఇండస్ట్రీ వర్గాల్లో ఆసక్తికరమైన చర్చ నడుస్తోంది. ఆ వివరాల్లోకి వెళితే..
Also Read- Kalki part 2: సైలెంట్ గా కల్కి 2 షూటింగ్ మొదలుపెట్టిన నాగ్ అశ్విన్..హైదరాబాద్ చేరుకున్న అశ్వత్థామ!
ఈ సినిమాకు సంబంధించిన తెలుగు రాష్ట్రాల థియేట్రికల్ రైట్స్ను రాధాకృష్ణ ఎంటర్టైన్మెంట్స్ (ఆస్ట్రేలియా వెంకట్) సొంతం చేసుకున్న విషయం తెలిసిందే. ఇప్పుడీ డిస్ట్రిబ్యూటర్ కోట్ చేసే ధరలు చూసి, బయ్యర్స్ అందరూ భయపడిపోతున్నారట. ఎందుకొచ్చిన సంతలే అని డ్రాప్ అవుతున్నారట. దీంతో ఈ డిస్ట్రిబ్యూటర్కు ఏం చేయాలో తెలియక తలపట్టుకుంటున్నాడనేలా ట్రేడ్ వర్గాల్లో వినిపిస్తుంది. ముందు పరుగులు పెట్టి కొనడం ఎందుకు? తీరా కొన్నాక వర్కవుట్ అవుతుందా? లేదా? అని భయపడటమెందుకు? హీరో స్టామినా ఏంటనేది చూసుకోకుండా.. సినిమా సినిమాకు అధిక ధరలు పెట్టి రైట్స్ కొనడం ఎందుకు? వాటిని బయ్యర్లపై రుద్దాలని చూడటం ఎందుకనేలా.. ట్రేడ్లో టాక్ నడుస్తుంది.
Also Read- Nagarjuna: బిగ్ బాస్ 10 కోసం నాగార్జున భారీ రెమ్యునరేషన్.. ఎంత తీసుకుంటున్నారంటే..!
ఎవరు పోటీకి వస్తారో అని.. ముందే రైట్స్ కొనేశారు. ఇప్పుడంతా డ్రాప్ అవుతుండటంతో.. సినిమా పరిస్థితిపై కూడా డౌట్స్ వ్యక్తమవుతున్నట్లుగా తెలుస్తోంది. శ్రీ విష్ణుపై నమ్మకంతో ఫ్యాన్సీ ధర పెట్టాలని భావిస్తున్నా, డిస్ట్రిబ్యూటర్ కోట్ చేసే అంకెలతో వారికి భయం పట్టుకుంది. సినిమా ఎలా ఉంటుందో తెలియదు, హీరో మార్కెట్ రేంజ్ని మించి అడుగుతున్నారు. ఏదో తేడా కొడుతుంది శీనా? అని భావించి బయ్యర్లు వెనక్కి తగ్గుతున్నారట. సినిమా బిజినెస్ పరంగా రేట్లు ఎక్కువ అనిపించినా, కంటెంట్ బాగుంటే బాక్సాఫీస్ దగ్గర నిలబడుతుంది. శ్రీ విష్ణు ప్రస్తుతం మంచి ఫామ్లో ఉండటం ఈ సినిమాకు ప్లస్ పాయింట్ అనే చెప్పుకోవాలి. సినిమా విడుదలయ్యాక వచ్చే మౌత్ టాక్ పై ఈ సినిమా విజయం ఆధారపడి ఉంటుంది. చూద్దాం మరి.. ఈ గందరగోళ పరిస్థితుల్లో ‘విష్ణు విన్యాసం’ బాక్సాఫీస్ వద్ద ఎలాంటి విన్యాసం చేస్తుందో..
Also Read- Prabhas: ‘కపుల్ ఫ్రెండ్లీ’కి ప్రభాస్ సపోర్ట్.. ఎస్కెఎన్ రియాక్షన్ చూశారా?
Share
Ancient 64 Arts: దొంగతనం ఓ కళేనట - ఇంకా 64 కళలు ఏవో తెలుసా?
Tirumala Accommodation: తిరుమల అకామడేషన్ గురించి ఈ విషయాలు తెలుసా..? ఇలా చేస్తే రూమ్ గ్యారంటీ
